Cabar Nəsib oğlu Tahirov (29 mart 1906, Suraxanı, Orconikidze rayonu – 31 mart 1983, Bakı) — Azərbaycan SSR Suraxanı (1934–1990 Orconikidze) Rayon Partiya Komitəsinin katibi. O, neft sənayesində mühüm töhfələri və rəhbər fəaliyyəti ilə tanınmışdır.[1]
| Cabar Tahirov | |
|---|---|
 | |
Suraxanı Rayon Partiya Komitəsinin katibi | |
| 01 noyabr 1938 – 20 fevral 1939 | |
| Şəxsi məlumatlar | |
| Doğum tarixi | 29 mart 1906 |
| Doğum yeri | |
| Vəfat tarixi | 31 mart 1983 (77 yaşında) |
| Vəfat yeri | |
| Dəfn yeri | |
| Partiya | |
| Fəaliyyəti | neftçi |
|
|
|
| Təltifləri |
   |
Cabar Tahirov Bakının Suraxanı kəndində dünyaya gəlmişdir. 1914–1918-ci illərdə Suraxanı kənd məktəbində təhsil almışdır. Ailəsinin ağır maddi vəziyyəti ilə əlaqədar olaraq əmək fəaliyyətinə erkən yaşlarından başlamışdır.[2] O, Suraxanı neft mədənlərində fəhlə kimi işə başlamış və 1922-ci ildən qazmaçı kimi fəaliyyət göstərmişdir.[3]
1923-cü ildə Suraxanı mədənlərində baş vermiş böyük yanğının nəticələrinin aradan qaldırılmasında fəal iştirak etmişdir. 1923–1930-cu illərdə neft quyularının istismarı sahəsində fəhlə kimi çalışmışdır. 1930-cu ildən başlayaraq peşəkarlığı və zəhməti sayəsində neft ustası, baş usta və mədən müdiri vəzifələrinə irəli çəkilmişdir.[4]
1937-ci ilin 17 dekabrında Tahirov Cabar, dövləti aldatmaq ittihamı ilə partiya sıralarından xaric edilmişdir. Lakin, Azərbaycan SSR Kommunist Partiyasının Mərkəzi Komitəsinin müdaxiləsindən sonra partiyaya bərpa olunmuşdur. 1938-ci ildə Suraxanı Rayon Partiya Komitəsinin katibi seçilmiş və bu vəzifədə 20 fevral 1939-cu ilədək çalışmışdır.
1944-cü ildən etibarən müxtəlif neft müəssisələrinə rəhbərlik etmişdir. 1949-cu ildən Siyəzən NQÇİ-nin rəisi vəzifəsində fəaliyyət göstərmişdir. Tahirov Cabar 31 mart 1983-cü ildə Bakı şəhərində vəfat etmişdir. O, doğulduğu Suraxanı kəndindəki köhnə məzarlıqda dəfn edilmişdir.
Tahirov Cabar, neft sənayesinin inkişafında mühüm rol oynamışdır. 1922-ci ildən qazmaçı kimi başladığı fəaliyyətində göstərdiyi yüksək peşəkarlıq və zəhmət nəticəsində bir çox məsul vəzifələrdə çalışmışdır. 1939–1944-cü illərdə "Stalinneft" QÇİ-nin rəisi kimi fəaliyyət göstərmiş, burada neft hasilatını artırmaq üçün mühüm texniki yeniliklər tətbiq etmişdir. Daha sonra 1944–1946-cı illərdə Siyəzən NQÇİ-nin rəisi vəzifəsində çalışaraq rayonun neft sənayesində irəliləyişlərə nail olmuşdur.
1946–1949-cu illərdə xəstəliyi səbəbilə fəaliyyətini Orconikidze NQÇİ-də davam etdirmiş, daha sonra isə Siyəzən NQÇİ-nin rəisi olaraq çalışmışdır. Onun rəhbərliyi dövründə müəssisələrdə iş şəraiti yaxşılaşdırılmış, neft hasilatında artım əldə edilmişdir.
- Azərbaycan SSR tərəfindən "Fəxri Neft Ustası" adına layiq görülmüşdür.
- 1940–1951-ci illər: İki dəfə Lenin ordeni ilə təltif edilmişdir.
- 1942-ci il: Qırmızı Əmək Bayrağı ordeni ilə təltif olunmuşdur.
- ↑ Azərbaycan qədim tarixi-mədəniyyət abidələri ilə zəngin olan bir öl- kədir. Ə gər kitablar tarixin yazılı yaddaşıdırsa, abidələr tariximizin daş yaddaşıdır. Tarixi-mədəniyyət abi (PDF). 2024-09-04 tarixində arxivləşdirilib (PDF). İstifadə tarixi: 2025-01-23.
- ↑ "Özündən daha çox insanları düşünən şəxsiyyət- Cabar Tahirov". sherg.az (az.).
- ↑ "Özündən sonra yaşayan yaxşılıqları". Xalq Cəbhəsi Qəzeti | Bütöv Azərbaycanın qəzeti (az.). 22 yanvar 2025.
- ↑ "Özündən daha çox insanları düşünən şəxsiyyət - Babam Cabar Tahirov". worldinfo.az (az.). 1 yanvar 1970.