Cərco yemişi

Cərco yemişi — xalq seleksiyası ilə yetişdirilmiş yemiş sortudur^[1].

Vətəni Orta Asiya olan bu sort yemişlər Azərbaycanda da qədimdən becərilir^[1]. Gecyetişən sort olsa da bostançılığın inkişaf etdiyi bölgələrin çoxunda geniş yayılmışdır^[1]. Həmin bölgələrin ekoloji şəraitinin uzunmüddətli təsiri Cərco yemişində müəyyən dəyişiklikləri formalaşdırmışdır^[1].

Yaşıl gülabi, qara gülabi və sarı gülabi kimi üç sortu Azərbaycanda ən geniş yayılanlarıdır^[1]. Cərco yemişinin tağı uzun, uzunluğu 13 sm, eni 19 sm olan yarpaqları enli, ürəkvarı formada, meyvələri yumurtavarı və uzunsov olur^[1]. Hər yemişin kütləsi 8 kq-a çatır^[1]. Yaşıl və qara gülabı meyvələrinin səthi hamar, naxışı zəif torludur; tor əsasən saplaqətrafı hissədə olur^[1]. Sarı gülabı sortu da naxışsızdır, tor meyvənin bütün səthini əhatə edir^[1]. Cərco yemişi çox şirin, qalın, sıx, yapışqanliflidir^[1]. Toxumları sarı rəngdə, iri və ensizdir^[1].

Bu yemiş sortu təxminən 135–140 günə yetişir^[1]. Eyni vaxtda yetişdiyindən məhsul birdəfəlik yığılır^[1]. Hər hektardan 30 tona qədər məhsul götürülür^[1]. 4–5 ay saxlanmağa və daşınmağa davamlıdır^[1].