Cənubi Afrika Həmkarlar İttifaqları Federasiyası (ing. Federation of Unions of South Africa) — Cənubi Afrikanın ən irimiqyaslı və aparıcı həmkarlar ittifaqı təşkilatlarından biri. Baş qərargahı Yohannesburqda yerləşir.
Federasiya 1 aprel 1997-ci ildə yaranmışdır. Həmin dövrdə ölkədə iki həmkarlar ittifaqı fəaliyyət göstərirdi. Hər iki təşkilat ölkədə işçilərin hüquqlarını müdafiə edə biləcək vahid və güclü bir təşkilata ehtiyac duyulduğunu hiss edir. Beləliklə, onlar vahid federasiyada birləşir.
Qurumun yaranmasında əsas məqsəd Afrika işçi hərəkatında demokratik mühit yaratmaq olub.
Hazırda təşkilatın tabeçiliyində 18 həmkarlar ittifaqı təşkilatı fəaliyyət göstərir. Federasiya 556 min üzvü özündə cəmləşdirir.
Yarandığı ilk gündən bu günə kimi konfederasiyanın həm uğurlu sıçrayış dövrü, həm də çətinliklərlə üzləşdiyi vaxtlar olub. Dəfələrlə dövlət tərəfindən təzyiqlərə məruz qalıb. Federasiyanın nüfuzunu əhali arasında azaltmaq üçün müəssisələrdə antiməlumatlandırılma aparılıb. Federasiyaya üzv olan işçilər səbəbsiz olaraq işdən çıxarılıb. Lakin bütün bunlara baxmayaraq, təşkilat bu günə kimi fasiləsiz fəaliyyətini davam etdirir.
Hazırda təşkilata Koos Bezuydenhaut sədrlik edir.
- Afaq HÜSEYNOVA. Cənubi Afrika Həmkarlar İttifaqları[ölü keçid]. "Ülfət" qəzeti, 5 oktyabr 2012-ci il. (az.)
- fedusa.org.za — rəsmi saytı