Cəmiul-Üsul li-Əhadis ər-Rəsul (ərəb. جامع الاصول لأحاديث الرسول) — "Kütübi-Sittə"dəki hədislərin cəmləndiyi məcmuə.
| Cəmiul-Üsul li-Əhadis ər-Rəsul | |
|---|---|
| ərəb. جامع الاصول لأحاديث الرسول | |
| Müəllif | Məcdəddin ibn əl-Əsir |
| Mövzu | hədis |
| Orijinalın dili | ərəb dili |
Əsərin müəllifi tarixçi İbn əl-Əsirin qardaşı Məcdəddin ibn əl-Əsirdir.[1][2][3]
Əsərdə hədislər, Buxari, Müslüm, Əbu Davud, Tirmizi, Nəsai və Malik ibn Ənəsin əsərlərindən seçilmiş mövzuların əlifbası sırası ilə cəmlənmişdir.[1] Müəllif altıncı kitab olaraq "Sünəni-İbn Macə"nin yerinə "Muvatta"nı əsas götürmüşdür.[2]
Əsər üç bölmədən ibarətdir. "Məbədi" adlı birinci bölmədə hədis üsulu haqqında müxtəsər məlumatlar, "Məqadi" adlı ikinci bölmədə hədislərin mətni, "Kitabül-Lövahiq" adlı üçüncü bölmədə isə əlifbası sırası ilə heç-bir yerə aid edilməmiş hədislər verilmişdir. Əsərdə ümumilikdə 9523 hədis vardır.[2]
Əsərin müxtəlif nəşrləri mövcuddur: Əsər Hindistanda (h.q. 1346), Qahirədə (1949–1955), Dəməşqdə (1969–1991) nəşr olunmuşdur.[3]
- ↑ 1 2 Koçkuzu, A. Osman. "İbnü'l-Esîr, Mecdüddin". TDV İslâm Ansiklopedisi. 2000. 2 yanvar 2026 tarixində arxivləşdirilib. İstifadə tarixi: 2 yanvar 2026.
- ↑ 1 2 3 Sandıkçı, Kemal. İbnül-Esir kardeşler (türk). 68.
- ↑ 1 2 Çakan, İ. Lütfi. "Câmiu'l-Usûl li-Ehâdîsi'r-Resûl". TDV İslâm Ansiklopedisi. 1993. 2 yanvar 2026 tarixində arxivləşdirilib. İstifadə tarixi: 2 yanvar 2026.