Vikipediya ?

Cəmil Quliyev (akademik)

Quliyev Cəmil Bahadur oğlu (16 dekabr 1927, Ağdam27 dekabr 2010, Bakı) — professor, 1972–1978-ci illərdə o Azərbaycan EA Tarix İnstitutunun direktoru, 1976–1990-cı illərdə Azərbaycan EA-nın vitse-prezidenti, 1975–1988-ci illərdə Azərbaycan Sovet Ensiklopediyasının Baş redaktoru, 1989–1990-cı illərdə Azərbaycan Dövlət Universitetinin rektoru, 1976–1991-ci illərdə və 1997-ci ildən 2007-ci ilədək Azərbaycan MEA Rəyasət Heyətinin üzvü, 1972-ci ildə Azərbaycan EA-nın müxbir üzvü, 1980-cı ildə həqiqi üzvü. 

Cəmil Quliyev
Cəmil Bahadur oğlu Quliyev
Cəmil Quliyev (akademik).jpg
AMEA-nın Rəyasət Heyətinin üzvü bayraq
1997 — 2007
AMEA-nın İctimai Elmlər Bölməsinin akademik-katibi bayraq
1997 — 2001
bayraq AMEA-nın İctimai Elmlər Bölməsinin akademik-katibi bayraq
1976 — 1991
bayraq S. M. Kirov adına ADU-nun rektoru bayraq
1989 — 1990
Sələfi Yəhya Məmmədov
Xələfi Mirabbas Qasımov
bayraq Azərbaycan Sovet Ensiklopediyasının baş redaktoru bayraq
1975 — 1988
Sələfi Rəsul Rza
Xələfi Araz Dadaşzadə
bayraq Azərbaycan EA-nın vitse-prezidenti bayraq
1981 — 1990
bayraq Azərbaycan EA Tarix İnstitutunun direktoru bayraq
1972 — 1978
Şəxsi məlumatlar
Partiya КПСС.svg Kommunist partiyası
Fəaliyyəti Professor, akademik (1980)
Doğum tarixi 16 dekabr 1927(1927-12-16)
Doğum yeri Ağdam Azərbaycan SSR, SSRİ
Vəfat tarixi 27 dekabr 2010 (83 yaşında)
Vəfat yeri Bakı, Azərbaycan
Dəfn yeri
Milliyyəti SSRİ SSRİAzərbaycan Azərbaycan azərbaycanlı
Elmi fəaliyyəti
Elmi dərəcəsi Tarix elmləri doktoru
İş yeri

Mükafatları "Azərbaycan SSR əməkdar elm xadimi" fəxri adı — 1982 Azərbaycan SSR dövlət mükafatı
"Şöhrət" ordeni (Azərbaycan)

Mündəricat

Həyatı

Cəmil Quliyev 16 dekabr 1927-ci ildə Ağdamda anadan olub. 1944-cü ildə Azərbaycan Dövlət Universitetinin (indiki BDU) Tarix fakültəsinə daxil olmuş, 1946-cı ildən təhsilini M.V.Lomonosov adına Moskva Dövlət Universitetində davam etdirmiş, 1949-cu ildə həmin universiteti bitirdikdən sonra aspiranturada saxlanılmışdır. C.B.Quliyev 1952-ci ildə namizədlik dissertasiyasını müdafiə edərək təyinatla Bakıya göndərilmişdir. 1952-ci ildən ADU-da müəllim, dosent 1958–1972-ci illərdə Azərbaycan KP MK yanında Partiya Tarixi İnstitutunda elmi işlər üzrə direktor müavini işləmişdir. 1971-ci ildə doktorluq dissertasiyası müdafiə etmiş və professor adını almışdır. Həmin ildən Azərbaycan EA-da fəaliyyətə başlamışdır. 1972–1978-ci illərdə o Azərbaycan EA Tarix İnstitutunun direktoru, 1981–1990-cı illərdə Azərbaycan EA-nın vitse-prezidenti, 1975–1988-ci illərdə Azərbaycan Sovet Ensiklopediyasının baş redaktoru, 1989–1990-cı illərdə Azərbaycan Dövlət Universitetinin rektoru olmuşdur. 1976–1991-ci illərdə və 1997-ci ildən 2001-ci ilədək AMEA-nın İctimai Elmlər Bölməsinin akademik-katibi, AMEA-nın Rəyasət Heyətinin üzvü (1997-2007) üzvü olub. 1972-ci ildə Azərbaycan EA-nın müxbir üzvü, 1980-ci ildə isə həqiqi üzvü seçilmişdir. O, bir neçə sanballı monoqrafiyanın, 300-dən çox məqalənin müəllifidir. C.B.Quliyev 7 cildlik «Azərbaycan tarixi»nin nəşrinə rəhbərlik etmiş, onun redaktorluğu ilə «Naxçıvan ensiklopediyası» (1999-2002) çapdan çıxmışdır.

C.B.Quliyev beynəlxalq forumlarda Azərbaycan elmini dəfələrlə təmsil etmiş, bir sıra hökumət və ictimai təşkilatların rəhbər orqanlarının üzvü olmuşdur. Əməkdar elm xadimi və Dövlət mükafatı laureatıdır. 1997-ci ildə Prezident Heydər Əliyevin fərmanı ilə «Şöhrət» ordeni ilə təltif edilmişdir.

27 dekabr 2010-cu ildə vəfat etmişdir. Tarix elmləri doktoru, professor idi.

Mükafatları

Filmoqrafiya

İstinadlar

  1. anl.az saytı

Mənbə

  • Orxan Zakiroğlu (Baharlı). Ağdam şəhər 1 nömrəli orta məktəbin tarixi (1883-1993). I kitab. Bakı, 2016
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019