Cəbrayıl Qadjiyev

Cəbrayıl Qadjiyevin beynəlxalq səviyyədə debütü 2019-cu ilə təsadüf edib. Həmin ilin iyununda o, İtaliyada baş tutan yeniyetmələr arasında Avropa Çempionatında bütün rəqibləri üzərində qələbə qazanaraq turnirin qalibi oldu. Həmin ilin iyulunda Cəbrayıl Qadjiyev Azərbaycanda baş tutan Avropa Gənclər Yay Olimpiya Festivalında da bütün rəqibləri üzərində qələbə qazanaraq turnirin qızıl medalına sahib oldu. Bir həftə sonra isə o, Sofiya şəhərində (Bolqarıstan) baş tutan yeniyetmələr arasında Dünya Çempionatında da turnirin qalibi oldu. Beləcə Cəbrayıl Qadjiyev bir ay ərzində üç nüfuzlu beynəlxalq turnirdə qızıl medallara sahib oldu. Həmin il o, həm də Azərbaycan Çempionatını bürünc medalla başa vurdu.

2021-ci ildə Cəbrayıl Qadjiyevin birinci turniri fevralda Kiyev şəhərində baş tutan beynəlxalq turnir oldu. Həmin turniri o, gümüş medalla başa vurdu. Ardınca apreldə Qadjiyev Rusiyada Roman Dmitriyevin xatirəsinə həsr olunmuş beynəlxalq turnirin qalibi oldu. May ayında isə Cəbrayıl Qadjiyev KYRM-da baş tutan 23 yaşlılar arasında Avropa Çempionatında bütün rəqibləri üzərində qələbə qazanaraq turnirin qalibi oldu. Daha sonra o, iyunda Almaniyanın Dortmund şəhərində gənclər arasında Avropa Çempionatında qızıl medalın sahibi oldu, avqustda isə Rusiyanın Ufa şəhərində gənclər arasında Dünya Çempionatının final görüşündə məğlub olaraq turniri gümüş medalla tamamladı. Həmin ilin Azərbaycan Çempionatının final görüşündə o, Turan Bayramova məğlub olaraq turniri gümüş medalla başa vurdu.

Cəbrayıl Qadjiyevin 2022-ci ildə birinci turniri fevralda Bolqarıstanda baş tutan D. Kolov - N. Petrov beynəlxalq turniri oldu. Həmin turnirdə Qadjiyev qızıl medalın sahibi oldu. Martda isə Cəbrayıl Qadjiyev Bolqarıstanın Plovdiv şəhərində baş tutan 23 yaşlılar arasında Avropa Çempionatında bütün rəqibləri üzərində qələbə qazanaraq ardıcıl olaraq 2-ci dəfə turnirin qalibi oldu. İyunda o, sərbəst güləş üzrə Azərbaycan yığmasının əsas heyətinə cəlb edildi və iyunda İtaliyanın Roma şəhərində baş tutan Matteo Pelliconenin xatirəsinə həsr olunmuş beynəlxalq turnirdə çıxış etdi. Onun debütü uğursuz alındı və o, turniri beşinci pillədə başa vurdu. Cəbrayıl Qadjiyev daha sonra 20 yaşlılar arasında ciddi nəticələrə imza atdı. Qadjiyev əvvəlcə iyunda İtaliyanın Roma şəhərində U20 Avropa Çempionatında, ardınca isə avqustda Bolqarıstanın Sofiya şəhərində U20 Dünya Çempionatında bütün rəqibləri üzərində qələbə qazanaraq turnirin qızıl medallarına sahib oldu. Həmin ilin sonlarında o, həm də Azərbaycan Çempionatının qalibi oldu.

2023-cü ildə Cəbrayıl Qadjiyevin nəticələrini zəiflədi. Fevralda o, Xorvatiyada Zagreb Open beynəlxalq turnirini bürünc medalla başa vurdu. Apreldə isə Zaqreb şəhərində baş tutan Avropa Çempionatında debüt etdi, amma onun debütü uğursuz alındı və o, turniri 8-ci pillədə tamamladı. Daha sonra Qadjiyev iyunda Qırğızıstanda, iyulda isə Polşada beynəlxalq turnirlərin gümüş medallarına sahib oldu. Noyabrda Tirana şəhərində 23 yaşlılar arasında Dünya Çempionatında da o uğursuzluqla üzləşdi və turniri 17-ci pillədə başa vurdu. Həmin ildə o, yeganə uğuruna Azərbaycan Çempionatında bütün rəqibləri üzərində qələbə qazanaraq turnirin qalibi olmaqla imza atdı.

2024-cü ildə Cəbrayıl Qadjiyevin nəticələri bir qədər yaxşılaşdı. Yanvarda o, Xorvatiyada Zagreb Open beynəlxalq turnirini bürünc medalla başa vurdu. Martda isə Qadjiyev Antalya şəhərində Yaşar Doğunun xatirəsinə həsr olunmuş beynəlxalq turnirdə uğursuz çıxış etdi (14-cü pillə). Daha sonra Cəbrayıl Qadjiyev mayda Azərbaycanda baş tutan 23 yaşlılar arasında Avropa Çempionatında bütün rəqibləri üzərində qələbə qazanaraq ardıcıl üçüncü dəfə turnirin qalibi oldu. Noyabrda isə o, Tirana şəhərində U23 Dünya Çempionatında bürünc medalın sahibi oldu. Həmin il o, həm də Azərbaycan çempionatının da qalibi oldu.