"Cırtdan və Təpəgöz" — Azərbaycan Mədəniyyət və Turizm Nazirliyinin sifarişi ilə "3Dost" şirkətində gənc animatorlar Rəşad Əfəndiyev və Yusif Qabilov tərəfindən 3D formatda çəkilmiş Azərbaycan animasiya filmi.[1][2]
| Cırtdan və Təpəgöz | |
|---|---|
 | |
| Janr | animasiya filmi[d] |
| Rejissor | |
| İlk baxış tarixi | 15 noyabr 2012 |
| Ölkə | |
| Dil | Azərbaycan dili |
Azərbaycanda 3D formatda ilk animasiya filmidir.[3]
Animasiya filminin ideya rəhbəri Müşfiq Hətəmov, ssenari müəllifi Yusif Şeyxov, rejissoru Arif Məhərrəmov, animatorları isə Rəşad Əfəndiyev və Yusif Qabilovdur.[4]
.jpeg)
Xəbərdarlıq: Yazının davamı əsərin məzmunu haqqında məlumat ehtiva edir.Animasiya filminin süjet xətti belədir ki, Cırtdan sosial şəbəkədə bir qızla yazışır. Qız ona şəklini görmək istəyini söyləyir. Cırtdan balaca olduğu üçün öz şəklini qoymaq istəmir və bilmir ki, neyləsin. Müxtəlif məşhur insanların şəkillərini internetdən götürüb fotomontaj vasitəsilə öz şəkli kimi düzəltmək istəyir, ancaq xoşuna gəlmir. Onun belə çarəsiz olduğunu görən dostu Qaquli Cırtdana kömək edir, internetdən “sehrli alma”nın yerini tapır və beləliklə, dostlar “alma”nı götürməyə yollanırlar. Lakin “sehrli alma” Təpəgözün nəzarəti altındadır. Onun köməkçisi yad məxluqların gəldiyini xəbər verir və onların gəlməyini əngəlləmək üçün həmin yolda elektroşüalanma cihazını işə salırlar. “Sehrli alma” ağacına isə siqnalizasiya sistemi quraşdırılır. Təpəgöz Cırtdana nə qədər mane olmaq istəsə də, Təpəgözün köməkçisinin də yardımı ilə axırda məğlub olur, Cırtdan “alma”nı götürür. Amma özü yemir, yaralanan dostlarına verir.[5]
Xəbərdarlığın sonu.2012-ci ilin noyabrın 15-də Nizami Kino Mərkəzində animasiya filminin kütləvi informasiya vasitələrinin nümayəndələri üçün təqdimatı olmuşdur.
Təqdimatda C.Cabbarlı adına “Azərbaycanfilm” kinostudiyasının rəhbəri Müşfiq Hətəmov qeyd etmişdir ki, cizgi filminin çəkilməsi üçün gənc animatorlar seçilmiş və onlar göstərilən etimadı doğrultmuşlar.
Rəşad Əfəndiyev və Yusif Qabilov onlara göstərilən dəstəyə görə Mədəniyyət və Turizm Nazirliyinə minnətdarlıqlarını bildirmişlər. Gənc animatorlar bir il yarımdır ki, bu film üzərində işlədiklərini və balaca tamaşaçıların onların işlərindən razı qalacaqlarına ümidvar olduqlarını söyləmişlər.[6]
Müəlliflər “Cırtdan və Təpəgöz” filminin 2-ci hissəsinin də çəkiləcəyini, tələbat olarsa serial şəklində davam etmək niyyətində olduqları bildirmişlər.[7] Diqqətə çatdırılmışdır ki, əgər birinci hissədə Cırtdanın bacarığı nümayiş olunmuşdusa, artıq 2-ci hissədə yüksək ağıla malik olduğunu göstərmək nəzərdə tutulmuşdur.
- ↑ ""Cırtdan və təpəgöz"". Kulis.az (az.). İstifadə tarixi: 2025-02-11.
- ↑ "3D formatlı "Cırtdan və Təpəgöz" cizgi filminin təqdimatı olacaq". Azadlıq Radiosu (az.). 2012-11-09. İstifadə tarixi: 2025-02-11.
- ↑ AzərTAc. ""Yeni Cırtdan" gəlir". modern.az (az.). İstifadə tarixi: 2025-02-11.
- ↑ ""Cırtdan və Təpəgöz" cizgi filminin 3D formatında təqdimatı olmuşdur". azertag.az (az.). İstifadə tarixi: 2025-02-11.
- ↑ Reyhan. ""Cırtdan və Təpəgöz" 3D animasiya filminin təqdimatı keçirildi". anl.az / “Mədəniyyət” qəzeti. 2012-11-16. İstifadə tarixi: 2025-02-11.
- ↑ ""Cırtdan və Təpəgöz" yeni formatda ekranlara qayıtdı". Səs İnformasiya Agentliyi (az.). 2012-11-15. İstifadə tarixi: 2025-02-11.
- ↑ Fərhadlı, Günəş. "Nazirlik rəsmisi: "Azərbaycanda "Cırtdan və Təpəgöz" adlı cizgi filmi serialı çəkilir - MÜSAHİBƏ". modern.az (az.). İstifadə tarixi: 2025-02-11.
- Azərtacın “Uşaq Bilik Portalı”nda — izlə
- Tizer
- Promotion video