Burbon-Parmalı Mariya Luiza (it. Maria Luisa di Borbone-Parma; bolq. Мария-Луиза Бурбон-Пармска; 17 yanvar 1870[1], Roma – 31 yanvar 1899[1], Sofiya, Bolqarıstan knyazlığı) — Parma hersoqu I Robertin qızı, Bolqarıstan knyaginyası.
| Burbon-Parmalı Mariya Luiza | |
|---|---|
| it. Maria Luisa Pia Teresa Anna Ferdinanda Francesca Antonietta Margherita Giuseppina Carolina Bianca Lucia Apollonia di Borbone-Parma | |
 | |
| 20 aprel 1893 – 31 yanvar 1899 | |
| Şəxsi məlumatlar | |
| Doğum tarixi | 17 yanvar 1870[1] |
| Doğum yeri | |
| Vəfat tarixi | 31 yanvar 1899[1] (29 yaşında) |
| Vəfat yeri | |
| Vəfat səbəbi | ağciyər iltihabı |
| Fəaliyyəti | əsilzadə, consort[d] |
| Atası | Robert I, Duke of Parma |
| Anası | Princess Maria Pia of Bourbon-Two Sicilies |
| Həyat yoldaşı |
|
| Uşaqları | |
 Vikianbarda əlaqəli mediafayllar | |
1870-ci ildə Romada dünyaya gəldi. Atası Parmanın sonuncu hakim hersoqu I Robert, anası isə İki Siciliya kralı II Ferdinandın qızı Siciliyalı Mariya Piadır. Hələ 12 yaşında ikən anası doğuş əsnasında vəfat etdi və Mariya Luiza Biarrits və İsveçrədə mürəbbiyələrin himayəsində böyüdü. 5 dildə sərbəst danışa bilən Mariya Luiza rəsm və musiqi dərsləri aldı.
20 aprel 1893-cü ildə Lukkada Bolqarıstan knyazı I Ferdinandla evləndirildi. Cütlüyün bu nigahdan 4 övladı dünyaya gəldi.
- III Boris, Bolqarıstan çarı
- Kiril, Preslav şahzadəsi
- Evdokiya (1898-1985)
- Nadejda (1899-1958)
Rusiya imperatoru ilə müttəfiq olan əri I Ferdinandın istəyilə böyük oğlu və varisi Boris pravoslav ayiniylə vəftiz edildi. Buna etiraz edən Mariya Luiza həmin gün Sofiyanı tərk edərək Fransanın Bolyö-sür-Mer kommunasına getdi və yalnız 1896-cı ilin mayında ölkəyə qayıtdı. 1897-ci ilin mayında baş tutan Kraliça Viktoriyanın brilyant yubileyi münasibətilə Londona gedən ərini müşayiət etdi. 1898-ci ilin iyulunda əri I Ferdinand və böyük oğlu Borislə birlikdə Rusiya imperatoru II Nikolayın dəvətiylə Sankt-Peterburqa səyahət etdi.
Ancaq ard-arda uşaq dünyaya gətirməsi zəif olan səhhətini daha da ağırlaşdırdı. Ağciyər iltihabına yoluxan Mariya Luiza son övladını dünyaya gətirdikdən bir gün sonra Sofiyada vəfat etdi. Cənazəsi Plovdivdəki katolik kafedralına dəfn olundu.
- Aronson, T. (1986) Crowns in conflict: the triumph and the tragedy of European monarchy, 1910–1918, John Murray Publishers, London; ISBN 0-7195-4279-0
- Constant, S. (1979) Foxy Ferdinand, 1861–1948, Tsar of Bulgaria, Sidgwick and Jackson, London; ISBN 0-283-98515-1
- Olivier Defrance. "A Life Without Tenderness". Royalty Digest Quarterly. Ted Rosvall. 2024-04-01: 1–10. ISSN 1653-5219.
- ↑ 1 2 3 4 Lundy D. R. Marie Louise di Borbone, Principessa di Parma // The Peerage (ing.).