Brenda Şulman Massaçüst Texnologiya İnstitutunda fəlsəfə doktoru dərəcəsi almış və MGH Xərçəng Mərkəzində və Memorial Sloan-Kettering Xərçəng Mərkəzində postdoktoral təqaüdləri tamamlamışdır. 2001-ci ildə Şulman öz müstəqil qrupunu St. Jude Uşaq Araşdırma Xəstəxanasında qurmuş və burada ştatdan kənar müəllim vəzifəsini tutmuşdur. O, 2017-ci ilə qədər yəni Maks Plank Biokimya İnstitutunun direktoru olana qədər Houard Hughes Tibb İnstitutunun tədqiqatçısı olub. Şulman hələ karyerasının başlanğıcında bir sıra mükafatları layiq görülmüş və bu yaxınlarda ERC Advanced Grants, Gottfried Wilhelm Leibniz Mükafatı, Tibb üzrə Ernst Jung Mükafatı və Tibb üzrə Louis-Jeanette Mükafatı ilə təltif edilmişdir. Şulman 2012-ci ildə Amerika İncəsənət və Elmlər Akademiyasına, 2014-cü ildə Milli Elmlər Akademiyasına (ABŞ), 2018-ci ildə EMBO-ya və 2019-cu ildə Almaniya Milli Elmlər Akademiyasına üzv seçilmişdir. Brenda Şulmanın laboratoriyası ubiquitin sistemi ilə tənzimlənməyə ümumi maraq göstərir. Onun laboratoriyası ubiquitylation yollarını və mexanizmlərini aşkar etməklə onları müəyyənləşdirir. Şulman laboratoriyasından olan strukturlar hər yerdə əmələ gələn fermentlərin əsas siniflərinin fundamental enzimologiyasını və onların yığılmadan aktivləşdirmə, inhibə və son istismardan çıxarılmasına qədər tənzimlənməsini müəyyən etmişdir. Hazırkı diqqət ubiquitin sistemi vasitəsilə dinamik hüceyrə siqnalını araşdırılması məqsədilə yeni alətlər hazırlamaq və laboratoriyanın dərin struktur biliklərindən istifadə etməkdir.