Brandenburqlu Barbara (Bohemiya kraliçası)

Brandenburqlu Barbara (alm. Barbara von Brandenburg; 30 may 1464 – 4 sentyabr 1515) — Bohemiya kraliçası.

Brandenburqlu Barbara
alm. Barbara von Brandenburg‎
Bohemiya kraliçası
20 avqust 1476 – 1490
Qloquv hersoginyası
11 oktyabr 1472 – 22 fevral 1476
Şəxsi məlumatlar
Doğum tarixi	30 may 1464
Vəfat tarixi	4 sentyabr 1515 (51 yaşında)
Fəaliyyəti	kraliça
Həyat yoldaşları	Vladislaus II of Bohemia and Hungary (1476–1500)
Ailəsi	Hohensollernlər
Vikianbarda əlaqəli mediafayllar

Alman əsilli Hohenzollern sülaləsinə mənsub olub, Brandenburq elektoru III Albrextin qızıdır. 30 may 1464-cü ildə Ansbaxda dünyaya gəldi.

11 oktyabr 1472-ci ildə hələ 8 yaşında ikən Berlində 37 yaşlı Qloquv hersoqu XI Henriylə evləndirildi. Tamamilə siyasi məqsədlərlə baş tutan bu evlilikdən cütlüyün övladı olmadı. Evlilik sazişinə görə, hersoq varisi olmadan vəfat etdiyi halda bütün Qloquv mülkü Barabaraya qalacaqdı. Ancaq hersoqun vəfat etdiyi 1476-cı ildən etibarən bölgədə çaxnaşma yarandı.

Qızının taxt iddiasını gücləndirmək məqsədilə III Albrext onu Bohemiya kralı II Vladislavla evləndirdi. 20 avqust 1476-cı ildə baş tutan bu evlilik tamamilə formal xarakterli idi. Belə ki, siyasi səbəblərlə Barbara heç vaxt Bohemiyaya getmədi. Bu səbəblə varis sahibi olmaq istəyən II Vladislav bu evliliyi ləğv etmək niyyətinə düşdü. 1490-cı ildə bu evliliyin ləğv edildiyini elan edərək yenidən evləndi. Uzun danışıqların ardından cütlüyün nigahı 1500-cü ildə papa VI Aleksandr tərəfindən rəsmi şəkildə ləğv edildi.

Hər iki evliliyindən də övlad sahibi olmayan Barbara qalan həyatını Ansbaxda ailəsiylə yaşadı və 4 sentyabr 1515-ci ildə burada vəfat etdi.