Boston marafonu terror hücumu (ing. Boston Marathon bombings) — Amerika Birləşmiş Ştatlarının Massaçusets ştatının Boston şəhərində hər il ənənəvi formada təşkil olunan Boston marafonuna 2013-cü ilin 15 aprel tarixində yerli vaxtla saat 14:49 da təşkil edilmiş bombalı terror hücumu. Terror aktı nəticəsində 3 nəfər həlak olmuş, 264 nəfər isə müxtəlif dərəcəli bədən xəsarətləri almışdır. Hadisədən üç gün sonra terror hücumunu törətməkdə şübhəli bilinən iki şəxsin şəkilləri əraziyə yaxın olan müşahidə kameralı vasitəsilə təyin edilərək Federal Təhqiqat Bürosu tərəfindən mətbuatda paylaşılmışdır.

Boston marafonu terror hücumu
İlk partlayışdan sonra
Hücum yeri	Boylston küçəsi, Copley Meydanının qərbi, Boston, Massaçusets
Vaxt	(14:49) - 15 aprel 2013 Bombalı hücum: 671–673 və 755 Boylston küçəsi, Boston, Massaçusets Silahlı atışma: Vassar küçəsinin tini və Kembric şəhərinin mərkəzi, Massaçusets Şübhəli şəxslərin saxlanılması üçün əməliyyat: Votertaun, Massaçusets
Silah	bombalı hücum
Həlak olanlar	5
Yaralılar	200
Terrorçu sayı	2
Terrorçular	(ölü) Cövhər Tsarnayev (saxlanıldı)
Vikianbarda əlaqəli mediafayllar

Hadisəni törətdikdən sonra qaçmağa çalışan şübhəlilər 18 aprel tarixində Massaçusets Texnologiya İnstitutunun bir əməkdaşını öldürmüşdür. Şübhəlilərin hərəkət dairəsini daraldan federal polis sübh vaxtına qədər davam edən xüsusi əməliyyat nəticəsində Boston marafonu terror hücumunu törətməkdə şübhəli bilinən şəxslərdən birini atışma əsnasında ağır yaralamışdır. Ağır yaralanan adlı çeçen əsilli şəxs xəstəxanaya aparılarkən ölmüşdür. Hadisənin bir digər şübhəlisi öldürülən kiçik qardaşı Cövhər Tsarnayev bir müddət gizlənməyi bacarmış, ancaq Massaçusets ştatının Votertaun şəhərinin ətrafında federal polis tərəfindən aparılan xüsusi əməliyyat nəticəsində yaralı olaraq ələ keçirilmişdir.