Boris Georgiyev adına Varna şəhər Rəsm Qalereyası — Bolqarıstanın Varna şəhərində yerləşən rəsm qalereyası.
| Boris Georgiyev adına Varna şəhər Rəsm Qalereyası | |
|---|---|
 | |
 | |
| Əsası qoyulub | 12 yanvar 1944 |
| Açılış tarixi | 12 yanvar 1944 |
| Ölkə | |
| Yerləşir | Varna |
| 43°12′25″ şm. e. 27°55′10″ ş. u.HGYO | |
| varnacityartgallery.com | |
 Vikianbarda əlaqəli mediafayllar | |
12 yanvar 1944-cü il tarixli sərəncamla yerli rəssamlar və fərdi şəxslərin hədiyyə etdiyi əsərlər əsasında yaradılmışdır. Kiril Şivarov, Konstantin Ştırkelov, Aleksandr Dyakoviç qalereya təsisçilərindən idilər. 1988-ci ildən etibarən XIX əsrin sonlarında Genço Knev tərəfindən inşa edilmiş kişi gimnaziyasının yenidən qurulmuş binasında yerləşir. 1999-cu ildən bəri rəssam Boris Georgiyevin adını daşıyır.
Qalereya ümumi sahəsi 3000 m² olan 3 mərtəbəni əhatə edir. Burada rəssamlıq, qrafika və heykəltaraşlıq əsərləri yerləşir. Qalereyada 17-ci əsr flamand rəssamı Anselm van Hulenin 9 rəsm əsəri, 1648-ci ildə Vestfaliya sülh müqaviləsini imzalayan ölkələrin nümayəndələrinin portretləri, habelə Mixail Boruçinskinin 1911–1912-ci illərdə çəkdiyi "Vladislav Varnençikin döyüşü" əsəri var.[1]
Qalereyada Beynəlxalq Qrafika Biennalesi keçirilir. Qalereya həmçinin "İncəsənətdə avqust" Vizual Sənətlər Festivalının həmtəsisçisidir. Üçüncü, ən üst mərtəbədəki zalda "Varna Yayı" Beynəlxalq Musiqi Festivalının konsertləri, teatr tamaşaları və moda nümayişləri göstərilir.
- ↑ Научноинформационен център "Българска енциклопедия". Голяма енциклопедия "България". Том 4. София, Книгоиздателска къща "Труд", 2011. ISBN 9789548104265. с. 1296–1297.
- varnacityartgallery.com — Boris Georgiyev adına Varna şəhər Rəsm Qalereyasının rəsmi saytı
- Mateyeva, Yelitsa. "Дискретният чар" (bolqar). Морски Дневник. 2009-03-12. İstifadə tarixi: 2009-10-16.
- "Художествена галерия "Борис Георгиев"" (bolqar). Moreto.net. İstifadə tarixi: 2009-10-16.