Bojidar Prosenyak

Uşaqlığını Podravina Kuzminats kəndində keçirən Bojidar ilk təhsilini də orada almış daha sonra Koprivtinsdə, PAris və Zaqrebdə davam etdirmişdir. Fəlsəfə fakültəsində kinesiologiya üzrə təhsil alıb. Velika Qoritsada qəzet və radioda mədəniyyət problemləri üzrə redaktor və jurnalist kimi işə düzəlib.

1980-ci ildə Velika Qoritsada "Albatros" kitabxanasını təsis edib 18 ildən çox redaktoru olur. Velika Qoritsada "Matica hrvatska" jurnalının da redaktor vəzifəsində çalışır. 1984-cü ildən etibarən sərbəst rəssam kimi də işləyir. O Zaqrebdə Xorvat Yazıçıları Cəmiyyətinə və Xorvatiyanın Müstəqil Rəssamlar Respublika Assosiasiyasına üzv olur. Uzun müddət həmin qurumların rəhbər orqanlarının üzvü olur.

O gündəlik və dövrü mətbuatda nəsr əsərləri, şeirlər, dram əsərləri, tənqidi mətnlər dərc etdirib radio və televiziyada çıxışlar edir. "Modra lasta", "Radost", "Smib", "Zvuk" və b. uşaq jurnalları ilə əməkdaşlıq edir.

Onun mətnlərinin bir çoxu dünyanın 20-dən çox dilinə tərcümə edilib. O, bir neçə kitab çap edib və əsərlərinə görə bir neçə mühüm mükafata layiq görülüb. Onun əsərlərindən bəziləri 1996-cı ildə Zywe antologiyasında xorvat dilindən polyak dilinə polyak tərcüməçi və yazıçı Lutsey Danileyevski tərəfindən tərcümə edilib. Onun ən məşhur əsərlərindən biri - "Vəhşi at" əsəridir. Bu əsər Xorvatiya mədəniyyəti üçün kifayət qədər mühümdür Bu əsərin ibtidai sinifdə oxu üçün qiraət edilməsi mühüm əhəmiyyət kəsb edir. ^[1]

1. ↑ ^{1 2} Božidar Prosenjak - kratka biografija Arxivləşdirilib 2021-05-17 at the Wayback Machine pri http://www.logovita.ba/ Arxivləşdirilib 2022-06-05 at the Wayback Machine