Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBoşluğa xütbə (ing. Sermon to the Void) – 2025-ci ildə buraxılmış Azərbaycan filmi. Azərbaycan, Meksika və ABŞ-nin birgə istehsalı ilə çəkilən filmin rejissoru Hilal Baydarovdur.[1] "Xütbə" trilogiyasının sonuncu filmidir.[2]
| Boşluğa xütbə | |
|---|---|
 | |
| Rejissor |
|
| Ssenari müəllifi |
|
| Operator |
|
| Montajçı | Hilal Baydarov[d] |
| İstehsalçılar |
Ucqar Film Splendor Omnia Fol Films |
| İlk baxış tarixi | 5 sentyabr 2025 (Venesiya) |
| Müddət | 112 dəq |
| Ölkələr | |
| Dil | Azərbaycan dili |
| IMDb | ID37660548 |
Film Məhəmməd Füzulinin yaradıcılığı üzərində qurulmuşdur[1] və dünyanın sonu yaxınlaşarkən Şah İsmayılın dirilik suyunu axtarmaq üçün çıxdığı səyahətdən bəhs edir.[3]
Filmdə əsas rolları Hüseyn Nəsirov, Məryəm Nağıyeva, Rəna Əsgərova, Elşən Abbasov, Orxan İsgəndərli oynamışdırlar.[1] Şah İsmayıl obrazı istisna olmaqla, digər personajların adları yoxdur.[4]
Filmin ssenari müəllifləri Hilal Baydarov və Aysu Akcan,[1] icraçı prodüserləri Orxan Fikrətoğlu, Oğuz Tümüklü və Nuri Cem Erbak,[5] bəstəkarı Kənan Rüstəmlidir.[6] Azərbaycan, Meksika və Türkiyə kinematoqrafçılarının ortaq işidir.[1] Film Azərbaycan Respublikasının Kino Agentliyinin (ARKA) maliyyə dəstəyi ilə istehsal olunmuşdur.[7]
Hilal Baydarov bir müsahibəsində bildirmişdir ki, "nədənsə o, bəşəriyyət tarixində çox böyük bir anın yaxınlaşdığını güclü bir şəkildə hiss edir və artıq geri dönüşü olmayan bir həddin astanasındayıq". O, çox az insanın həyatı həyat edən və ya insanı əsl insan edən şeylər haqqında düşündüyünü görmüş və buna görə də həyat, dirilik suyu, dirilmə mövzularında film çəkmək qərarına gəlmişdir. O, tarixi Şah İsmayıldan yox, Nizami Gəncəvinin "İsgəndərnamə" əsərindən ilhamlanmış, Makedoniyalı İsgəndərin dirilik suyu axtardığı hekayədən istifadə etmişdir.[4]
Film 5 sentyabr 2025-ci ildə 82-ci Venesiya Beynəlxalq Film Festivalının "Müsabiqədənkənar bədii filmlər" bölməsində nümayiş etdirilmişdir.[1][8] Hilal Baydarovun Venesiyada nümayiş olunan ikinci filmidir.[9] Film 11–12 oktyabr 2025-ci ildə Osloda baş tutmuş Mirage Film Festivalında nümayiş etdirilmişdir.[10]
| Mükafatlar | |||||
|---|---|---|---|---|---|
| Mükafat | Tarix | Kateqoriya | Qəbul edən və ya namizəd | Nəticə | İst. |
| Tokio Beynəlxalq Film Festivalı | 5 noyabr 2025 | Əsas müsabiqə | Film | — | [11] |
- Səpələnmiş ölümlər arasında – Hilal Baydarovun Venesiya Beynəlxalq Film Festivalında nümayiş etdirilən digər filmi.
- ↑ 1 2 3 4 5 6 "Kino Agentliyində "Boşluğa xütbə" filminin yaradıcı heyəti ilə görüş keçirilib". Azertag. 12 sentyabr 2025. İstifadə tarixi: 12 sentyabr 2025.
- ↑ "Hilal Baydarovun "Boşluğa xütbə"si Venesiya festivalında maraqla qarşılanıb". Mədəniyyət qəzeti. 7 sentyabr 2025. İstifadə tarixi: 12 sentyabr 2025.
- ↑ "Azərbaycan rejissorunun filmi ikinci dəfə Venesiya Film Festivalında nümayiş olunacaq". Apa.az. 23 iyul 2025. İstifadə tarixi: 12 sentyabr 2025.
- ↑ 1 2 "Venice Film Festival: On the Verge of No Return in Hilal Baydarov's SERMON TO THE VOID". Arabian Moda (ingiliscə). sentyabr 2025. 30 sentyabr 2025 tarixində arxivləşdirilib. İstifadə tarixi: 7 oktyabr 2025.
- ↑ "Хилал Байдаров с мамой и команда фильма «Boşluğa xütbə» на Венецианском кинофестивале - ФОТО". 1News.az (rusca). 5 sentyabr 2025. İstifadə tarixi: 12 sentyabr 2025.
- ↑ "Boşluğa xütbə (Sermon to the Void)". La Biennale di Venezia (ingiliscə). İstifadə tarixi: 12 sentyabr 2025.
- ↑ ""Boşluğa xütbə" filmi Venesiya Beynəlxalq Film Festivalında". Kulis.az. 27 avqust 2025. İstifadə tarixi: 12 sentyabr 2025.
- ↑ ""Boşluğa xütbə" filminin Venesiya təqdimatı". Xalq qəzeti. 7 sentyabr 2025. İstifadə tarixi: 12 sentyabr 2025.
- ↑ "Azərbaycanlı rejissorun filmi Venesiya film festivalında nümayiş olunacaq". Baku Art. 25 iyul 2025. İstifadə tarixi: 12 sentyabr 2025.
- ↑ "Sermon to the Void". Mirage Film Festival (ingiliscə). 7 oktyabr 2025 tarixində arxivləşdirilib. İstifadə tarixi: 7 oktyabr 2025.
- ↑ "Sermon to the Void". Tokyo International Film Festival (ingiliscə). 7 oktyabr 2025 tarixində arxivləşdirilib. İstifadə tarixi: 7 oktyabr 2025.