Blepharidatta — Myrmicinae yarımfəsiləsinə aid qarışqa növü.
| Blepharidatta | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
XƏTA: parent və rang parametrlərini doldurmaq lazımdır. ???: Blepharidatta |
||||||||||
| Beynəlxalq elmi adı | ||||||||||
|
||||||||||
| ||||||||||
Bu cins kiçik koloniyaları torpaqda və ya yarpaq tullantılarında yuva quran yırtıcı növlərdən ibarətdir. Cinsə daxil olan növlərin sayı yeddi ola bilər, lakin onların əksəriyyəti formal taksonomik tədqiqat və ya təsdiq gözləyir.[2]
- Blepharidatta brasiliensis Wheeler, 1915
- Blepharidatta conops Kempf, 1967
2015-ci ildə daha iki yeni növ təsvir edilmişdir:[3]
- Blepharidatta delabiei sp. n. Brandão et al., 2015
- Blepharidatta fernandezi sp. n. Brandão et al., 2015
Blepharidatta cinsi sıx Neotropikal qrupdur və ilk dəfə V.Veeler (1915) tərəfindən Amazon yağış meşələrində (Para ştatı, Braziliya) yaxınlığında toplanmış Blepharidatta brasiliensis işçiləri əsasında təsvir edilmişdir. Hal-hazırda yeddi növü məlumdur. Lakin onların əksəriyyəti formal taksonomik tədqiqat və ya təsdiq gözləyir. Morfoloji və davranış məlumatlarına əsasən, yalnız üç növ rəsmi olaraq tanınır, Amazon meşəsində tapılan B. brasiliensis növü. Bütün bu növlər torpaqda və ya yarpaq tullantılarında yuva quran, kiçik monogin və ya poligin koloniyalara malik yırtıcı növlərdir. Kraliçalar ergatoiddir (yəni qanadsız və işçi bənzəridir) və ən azı B. conops üçün yeni koloniyaların qurulmasının mövcud koloniyaların bölünməsi ilə baş verdiyi güman edilir.[4]
Ən yaxşı öyrənilən növ B. conops-dur. B. conops koloniyaları (250 işçiyə qədər) tək girişi və 2 sm diametrli, 20 sm dərinliyində şaquli tuneli olan sadə yuvalarda yaşayır. Tunelin dibində konus şəkilli genişlənmə var. Bundan əlavə, bütün yetkin yuvalarda şaquli tunelin orta hissəsində dar bir tunellə bağlanan üfüqi köməkçi kamera var. Bu kamera yuvalar mirmekofillər və ya yırtıcılar tərəfindən ziyarət edildikdə və ya məskunlaşdıqda kraliçanın və balaların sığınacağı kimi xidmət edir. B. conops kraliçaları xarakterik fraqmotik başa malikdir və bu baş, pronotumun ön yamacı ilə birlikdə köməkçi kameranın girişinə uyğun gələn və kraliçanın bu girişi bloklamaq üçün istifadə etdiyi frontal disk əmələ gətirir.[5]
Ana qarışqaların (kraliçalar) orta hesabla ümumi bədən uzunluğu 4,96 mm-dir. Blepharidatta sp. işçiləri monomorfikdir, onlarda orta bədən uzunluğu 3,79 mm-dir və orta hesabla maksimum baş eni 0,96 mm təşkil edir.[6]
- ↑ Integrated Taxonomic Information System (ing.). 2001.
- ↑ "Genus: Blepharidatta". antweb.org. AntWeb. İstifadə tarixi: 23 September 2013.
- ↑ "Taxonomic revision of the Neotropical Myrmicinae ant genus Blepharidatta Wheeler, Zootaxa 4012 (1): 033-056, p. 55" (PDF). Magnolia Press. İstifadə tarixi: 3 September 2015.
- ↑ Pereira et al., 2014. səh. 55
- ↑ Pereira et al., 2014. səh. 52
- ↑ Brandão et al., 2001. səh. 254
- Brandão, C. R. F., Silva, P. R. & Diniz, J. L. M. (2008). O «mistério» da formiga lenta Blepharidatta. In E. F. Vilela, I. A. Santos, J. H. Shoereder, J. E. Serrão, L. A. O. Campos & J.L. Lino-Neto (Eds.), Insetos sociais: da biologia à aplicação (pp. 38-46). Viçosa: Editora da UFV.
- Rabeling C., M. Verhaagh and U.G. Mueller. Behavioral ecology and natural history of Blepharidatta brasiliensis (Formicidae, Blepharidattini) (PDF) // Insectes Sociaux . 53 (Журнал) (ingilis). Basel: Birkhäuser Verlag. 2006. 1–7. (#archive_missing_date) tarixində arxivləşdirilib (PDF).
- Silva, P. R. (2007). Biologia de algumas espécies de Blepharidatta. Biológico, 69 (suplemento): 161—164.
- Catalogue of Life Arxiv surəti 28 sentyabr 2015 tarixindən Wayback Machine saytında
- Tree Of Life: Blepharidatta Arxiv surəti 7 yanvar 2015 tarixindən Wayback Machine saytında (ing.)