Bir sabah — Mübariz Tağıyev və "Tac" qrupunun ifa etdiyi mahnı.
| "Bir sabah" | |||||||
|---|---|---|---|---|---|---|---|
| Mübariz Tağıyev və "Tac" qrupu tərəfindən ifa olunmuş mahnı | |||||||
| Yayımlanıb | 1991 | ||||||
| Janr | rok | ||||||
| Dil | azərbaycanca | ||||||
| Müddət | 3:24 | ||||||
| Bəstəkar | Eldar Mansurov | ||||||
| Sözlərin müəllifi | Vaqif Səmədoğlu | ||||||
|
|||||||
"Bir sabah" mahnısını Mübariz Tağıyev "Tac" qrupu müşayiəti ilə birlikdə ifa etmişdir. Bu mahnı 1991-cı ildə "Bəxt üzüyü" filminin sonu üçün, final mahnısı olaraq yazılmışdır. Yaşar Baxış mahnının həm aranjimanını etmiş, həm də elektrogitarada ifa eləmişdir.[1]
Mahnının musiqisi bəstəkar Eldar Mansurova, sözləri isə şair Vaqif Səmədoğluna məxsusdur.
Həyat, ömür bəd, yaman,
Heç açılmır asiman,
Üz döndərib Yaradan
Səndən, məndən, dünyadan.
Ay aman, ay aman!
Sevinc gedir, ey insan,
Bu obadan, torpaqdan!
Od yox olur ocaqdan,
Səndən, məndən, dünyadan.
Ay aman, ay aman!
Göyə bir bax, yerə bir bax,
Həyat gözəldir, ay Allah.
Yenə sevinc bizim olar
Olar bizim bir sabah.
Qayıt, ömür, ey bahar,
Dön geriyə, bəxtiyar!
Qoy dönməsin Yaradan
Səndən, məndən, dünyadan.
Ay aman, ay aman!
- ↑ "Xalq artisti: "Bunu biləndə şoka düşdüm"". axar.az. 15 oktyabr 2015. 21 fevral 2020 tarixində arxivləşdirilib. İstifadə tarixi: 21 fevral 2020.