Bu, tənha məqalədir, çünki hansısa məqalədən bu məqaləyə verilmiş keçid yoxdur. |
Biaknabat müqaviləsi (1897) — Filippin milli azadlıq inqilabı (1896–98) zamanı filippinli üsyançıların İspaniya hakimiyyətinə qarşı silahlı mübarizəsinin dayandırılması haqqında saziş[3].
![Filippin üsyançıları Honq Konqa sürgün edildi. Emilio Aquinaldonun sağında Miguel Primo de Rivera,[1]: O, Fernando Primo de Riveranın qaradaşının oğıu ve yardımcısı ve Cose Antonio Primo de Riveranın babasıdır. Aquinaldo arxasında duran QreQorio del Pilar. Miquel Aquinaldo “kompensasiya”-nı[2] ödəyənə qədər girov götürüldü. Miquelin arxasında dayanmış və sağında olan Pedro Paterno.](/?q=Fayl:The_Hongkong_Junta.jpg) Filippin üsyançıları Honq Konqa sürgün edildi. Emilio Aquinaldonun sağında Miguel Primo de Rivera,[1]: O, Fernando Primo de Riveranın qaradaşının oğıu ve yardımcısı ve Cose Antonio Primo de Riveranın babasıdır. Aquinaldo arxasında duran QreQorio del Pilar. Miquel Aquinaldo “kompensasiya”-nı[2] ödəyənə qədər girov götürüldü. Miquelin arxasında dayanmış və sağında olan Pedro Paterno. | |
| Müqavilənin tipi | Sülh müqaviləsi, Amnistiya |
| İmzalanma tarixi | Dekabrın 14, 1897-ci il |
| İmzalanma yeri | Manila |
| Tərəflər | İspaniya krallığı, Filippin Respublikası |
Noyabrın 18-də Manilada imzalanmışdır; inqilabi hökumətin başçısı E. Aginaldonun qərargahının yerləşdiyi Biaknabato şəhərinin adındandır. İspaniya hakimiyyət orqanları ilə danışıqlar zamanı Aginaldonun burjua-mülkədar qruplaşması müstəmləkiçilərlə kompromisə hazır olduğunu bildirərək, yalnız islahatların (filippinlilərin ispanlarla hüquq bərabərliyi, Filippinin korteslərdə təmsil edilməsi, rahib ordenlərinin fəaliyyətinin məhdudlaşdırılması və s.) keçirilməsini tələb edirdi. General-qubernator Primo de Rivera islahatlarla bağlı şifahi vəd verməklə kifayətləndi. Biaknabat müqaviləsinə görə, üsyançılar silahı yerə qoymalı, onların liderlərinə isə 800 min peso məbləğində “kompensasiya” ödənilməli idi. 1897-ci il dekabrın 16-da Aginaldo mübarizənin dayandırılması haqqında bəyanat verdi, inqilabi hökumət özünü buraxdı. İspaniya hakimiyyət orqanları Biaknabat müqaviləsinin imzalanması zamanı verdikləri vədləri yerinə yetirmədi. Bir müddət sonra (1898-ci ilin fevralından) silahlı mübarizə yenidən vüsət aldı.
- ↑ Harper's Pictorial History of the War with Spain, 1899, Vol. 2, New York: Harper & Brothers Publishers
- ↑ Nofi, A.A., 1996, The Spanish-American War, 1898, Pennsylvania: Combined Books, ISBN 0-938289-57-8
- ↑ Azərbaycan Milli Ensiklopediyası (25 cilddə). 4-cü cild: Bəzirxana – Brünel (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2013. səh. 14. ISBN 978-9952-441-03-1.