Beynəlxalq Xalça Festivalı — 2025-ci ildən bəri Bakının İçərişəhər qoruğunda keçirilən festival.
2024-cü ildə Azərbaycan Milli Xalçaçılıq Festivalı keçirmiş, bunun davamı olaraq 2025-ci ildə Bakıda Beynəlxalq Xalça Festivalı keçirilmişdir. Festivalın təşkilatçıları "İçərişəhər" Dövlət Tarix-Memarlıq Qoruğu İdarəsi və "Azərxalça" ASC-dir. Festivalın dəstəkçiləri İqtisadiyyat Nazirliyi və Azərbaycan Respublikasının İxracın və İnvestisiyaların Təşviqi Agentliyi – AZPROMO-dur.[1] Festival İçərişəhərin UNESCO Ümumdünya İrs siyahısına daxil edilməsinin 25 illiyi, Azərbaycanın xalçaçılıq sənətinin UNESCO-nun Qeyri-Maddi Mədəni İrs Siyahısına daxil edilməsinin isə 15 illiyi ilə üst-üstə düşür.[1] May ayının 5-i isə Azərbaycanda Xalçaçı günüdür.[2] 2025-ci ildə keçirilən Beynəlxalq Xalça Festivalında Mərakeş Krallığının xanım Şahzadəsi Lalla Hasnaa fəxri qonaq qismində iştirak etmişdir.[3]
2026-cı ildə keçirilən Beynəlxalq Xalça Festivalı "Azərxalça" ASC-nin 10 illik yubiley tarixinə təsadüf edir.[4]
| İl | Hadisələr | İştirakçı ölkələr | İştirakçılar |
|---|---|---|---|
| 2–4 may 2025 | "Xalçaçılıqda ənənələr və yeniliklər" forumu,[1] "Xalça sənətində Heydər Əliyevin əbədi irsi"[1] fotosərgisi | Özbəkistan, Qazaxıstan, Türkmənistan, Qırğızıstan, Tatarıstan, Rumıniya, Latviya, İran, Yaponiya, Birləşmiş Krallıq[5] | 14 emalatxanadan 28 toxucu[1] |
| 1–3 may 2026 | "Xalça sənayesi: Dəyər, dizayn və rəqabət qabiliyyəti" forumu[4] | ||
- 1 2 3 4 5 "Bakıda Beynəlxalq Xalça Forumu keçirilib VİDEO". İstifadə tarixi: 3 mart 2026.
- ↑ ""Azərxalça"nın sədri: Xalça sənəti insanları birləşdirir, dostluq körpüləri yaradır VİDEO". İstifadə tarixi: 3 mart 2026.
- ↑ "Mərakeşin xanım Şahzadəsi Beynəlxalq Xalça Festivalında fəxri qonaq qismində iştirak edib". İstifadə tarixi: 3 mart 2026.
- 1 2 "Bakı "Beynəlxalq Xalça Festivalı 2026"ya hazırlaşır". İstifadə tarixi: 3 mart 2026.
- ↑ "Bakıda Beynəlxalq Xalça Forumu on bir ölkədən olan xalçaçı ekspertləri bir araya gətirib". İstifadə tarixi: 3 mart 2026.