Beynəlxalq Kino Mətbuatı Federasiyası (qısaltma FIPRESCI, fr. Fédération internationale de la presse cinématographique) — kino tənqidçilərini və kinoşünasları birləşdirən beynəlxalq təşkilatdır.
| Beynəlxalq Kino Mətbuatı Federasiyası | |
|---|---|
| Yaranma tarixi | 6 iyun 1930 |
| Rəsmi dili | |
| Mərkəzi | |
| fipresci.org | |
Təşkilat 6 iyun 1930-cu ildə Brüsseldə fransalı və belçikalı kino tənqidçilərinin təşəbbüsü ilə yaradılmışdır. Onlar bundan əvvəl, 1925-ci ildə, peşəkar kino mətbuatı ittifaqını qurmuşdular.[1] Baş təşkilatın dünya üzrə 48 milli bölməsi var, əlavə olaraq 32 ölkədə fərdi üzvlərlə vasitəsilə təmsil olunur. Təşkilatın məqsədi dünya kino sənətinin inkişafına dəstək vermək və kino haqqında yazan peşəkarların maraqlarını qorumaqdır.[2] FIPRESCI-nin prezidenti Misirdən Əhməd Şuki, vitse-prezidentləri İtaliyadan Paola Kasella və Ukraynadan Yelena Rubaşevska, baş katibi 2024-cü ilə qədər Almaniyadan Klaus Eder, baş katibin müavini isə Türkiyədən Alin Taşkiyan olmuşdur.[3] FIPRESCI-nin rəsmi dilləri ingilis və fransız dilləridir, baş qərargahı Münhendə yerləşir.[4]
FIPRESCI üzvlərindən ibarət münsiflər heyətləri bir çox beynəlxalq kino festivallarında fəaliyyət göstərir və filmləri xüsusi mükafatlarla təltif edir. FIPRESCI-nin kino tənqidçilərinin baxışına görə "ən yaxşı film" mükafatı ilk dəfə 1946-cı ildə ilk Kann Beynəlxalq Film Festivalında təqdim edilmişdir. FIPRESCI mükafatları kino dünyasında böyük nüfuza malikdir.[5]
- ↑ "Historical background 1925–1945". fipresci.org. International Federation of Film Critics. 29 oktyabr 2010 tarixində orijinalından arxivləşdirilib. İstifadə tarixi: 31 iyul 2010.
- ↑ "Устав Международной федерации кинопрессы" (ingilis). Официальный сайт ФИПРЕССИ. 4 aprel 2013 tarixində orijinalından arxivləşdirilib. İstifadə tarixi: 21 mart 2013.
- ↑ "Источник". 18 iyul 2021 tarixində arxivləşdirilib. İstifadə tarixi: 27 oktyabr 2023.
- ↑ "Гильдия киноведов и кинокритиков". Союз кинематографистов РФ. 24 noyabr 2014 tarixində orijinalından arxivləşdirilib. İstifadə tarixi: 13 iyun 2014.
- ↑ Международная федерация кинопрессы // Кино: Энциклопедический словарь. М.: Советская энциклопедия. Гл. ред. С. И. Юткевич; ред. кол.: Ю. С. Афанасьев, В. Е. Баскаков, И. В. Вайсфельд и др. 1987. 260.