Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBelarus (rus. Белару́с) — 1950-ci ildən Belarusun paytaxtı Minskdə yerləşən Minsk Traktor Zavodunda istehsal olunan traktor seriyası. Bu traktorlar Müstəqil Dövlətlər Birliyində yaxşı tanınır və dünyanın 100-dən çox ölkəsinə, o cümlədən ABŞ və Kanadaya ixrac edilir.
İkinci Dünya müharibəsinin sonunda SSRİ-də kənd təsərrüfatı infrastrukturu pis vəziyyətdə idi: müharibənin sonrakı illərində kənd təsərrüfatı maşınlarının istehsalı mövcud deyildi. Böyük kolxozlarda hələ də işləyən traktorlar və maşınların əksəriyyəti 1930-cu illərin əvvəllərində və ya daha əvvəl istehsal edilmişdi və ağır istifadədən köhnəlmişdilər. Kommunist dövləti SSRİ daxilində bir neçə yerdə yeni traktorların istehsalına göstəriş vermişdi. MTZ-nin əsas quraşdırma zavodu Minskdə olsa da, digər yerlərdəki zavodlarında da müxtəlif tipli traktorların istehsalı mövcud idi. Bütün bu traktorlar dizayn olaraq bir-birlərindən fərqlənsələr də, hamısı "Belarus" adı altında ixrac edilirdi.
1948-ci ildən bəri Minsk Traktor Zavodunda 3 milyona yaxın traktor hazırlanmışdır.
Belarus prezidenti Aleksandr Lukaşenko Vladimir Putinə 70 illik yubileyində 1523.3 model Belarus traktoru hədiyyə etmişdir.[1]
2006-cı ilin oktyabrında Gəncə Avtomobil Zavodu ilə Minsk Traktor Zavodu arasında əməkdaşlıq yaradılmışdır. 2007-ci iln mart ayının 27-də Gəncə avtomobil zavodunda yığımdan keçən ilk "Belarus" markalı traktor konveyerdən düşüb.[2]
Fecto Group ilk dəfə 1962-ci ildə Qərbi Pakistanda Sovet Brend Traktorlarını təqdim etmişdi. Traktorlar əvvəllər SSRİ-dən gətirilmiş, daha sonra 1980-ci illərdə Lahorda Fecto Belarus Traktor Yığma Zavodu tikilmişdir. O vaxtdan bəri zavod tərəfindən 25 at gücündən 80 at gücünə qədər müxtəlif traktor modelləri təqdim edilib.[3]
2010-cu ilin oktyabr ayında Rumıniyada yerləşən IRUM şirkəti, taxta-şalban traktorlarında ixtisaslaşaraq yerli bazar üçün xaricdən gətirilən Belarus TAG traktorlarından yığmağa başlyıb.[4]
2011-ci ildə Serbiyanın Agropanonka şirkəti yerli bazar üçün ildə 3 000 traktor yığmağa başlayıb.[5]
2012-ci ilin sentyabrında Tacikistan və Belarus Tacikistanın cənubunda Belarus traktorları istehsal edən şirkət yaratmaq barədə razılığa gəliblər. Tacikistanda istehsal olunan traktorların bir hissəsinin regionun digər ölkələrinə ixracı planlaşdırılır.[6]
2013-cü ilin mart ayında Kambocada Pnompen yaxınlığında Belarus Traktor Yığma Zavodu açılmışdır. Birgə layihə Kamboca və ətraf ölkələrin bazarlarına hər il 400-dən çox müxtəlif model traktorun tədarükünü nəzərdə tutur.[7]
- ↑ Jackson, Patrick. "Ukraine war: Vladimir Putin gets a tractor for his 70th birthday". BBC News. 7 oktyabr 2022. 16 oktyabr 2022 tarixində arxivləşdirilib. İstifadə tarixi: 16 oktyabr 2022.
- ↑ "Belarusdakı vəziyyət "Gəncə Avtomobil Zavodu"nun istehsalına təsir edibmi?". Report İnformasiya Agentliyi. 14 avqust 2020. 1 aprel 2021 tarixində arxivləşdirilib. İstifadə tarixi: 11 fevral 2024.
- ↑ "Home". faectotractors.com. 24 may 2023 tarixində arxivləşdirilib. İstifadə tarixi: 11 fevral 2024.
- ↑ "IRUM Reghin iese pe piata, din aceasta luna, cu tractoare produse sub licenta Belarus". 10 yanvar 2011 tarixində orijinalından arxivləşdirilib. İstifadə tarixi: 26 iyun 2013.
- ↑ "Home". agropanonka.com. 17 fevral 2024 tarixində arxivləşdirilib. İstifadə tarixi: 11 fevral 2024.
- ↑ "Belarusian Tractors to Be Constructed in Tajikistan". The Gazette of Central Asia. Satrapia. 7 sentyabr 2012.
- ↑ "Belarus Tractor Assembly Plant opens near Phnom Penh, Cambodia". Belteleradiocompany. 27 mart 2013. 30 dekabr 2014 tarixində orijinalından arxivləşdirilib.