Beerbaşa Bakı (bəzən Birbaşa Bakı; ing. Beerbasha Baku) — Azərbaycanın Bakı şəhərini təmsil edən peşəkar minifutbol klubu. Hal-hazırda minifutbol üzrə Azərbaycan çempionatında çıxış edir. Klub ev oyunlarını Bakı Tennis Akademiyasında oynayır.
| Beerbaşa Bakı | ||||
|---|---|---|---|---|
 | ||||
| Ölkə | ||||
| Yaranma tarixi | 2016 | |||
| Stadionu | Bakı Tennis Akademiyası | |||
| Prezidenti | İlkin Qəribli | |||
| Baş məşqçisi |
|
|||
| Kapitanı | Kamil Məmmədov | |||
| Liqa | Minifutbol üzrə Azərbaycan çempionatı | |||
| 2024-25 | 1 | |||
|
| ||||
"Beerbaşa Bakı" ölkə miqyasında ardıcıl olaraq 4 dəfə (2021–22, 2022–23, 2023–24, 2024-25) minifutbol üzrə Azərbaycan çempionatını qazanıb, qitə miqyasında isə 2024-cü ildə Avropanın minifutbol üzrə ən yüksək təbəqəsi olan EMF Çempionlar Liqasının qalibi olub.
"Birbaşa Bakı" klubu 2016-cı ildə təsis edilib. Klub 2020-ci ildə Fire League-in çempionu olmaqla yanaşı, həmin il həm də Fire Cup-ı qazanıb. 2021-ci ildə isə komanda MFL Cup-ın qalibi olub.
2021–2022 mövsümündə "Birbaşa" klubu minifutbol üzrə Azərbaycan çempionatının final mərhələsinə yüksəlib. Komanda finalda "Zirə"ni 1:0 hesabla məğlub edərək Azərbaycan çempionu olub və 2022 EMF Çempionlar Liqasına vəsiqə qazanıb. "Birbaşa" Çempionlar Liqasında uğurlu çıxış edərək 1/4 final mərhələsinə qədər irəliləyib və bu mərhələdə Monteneqronun "Dadi Qradnya" klubu ilə qarşılaşıb. Qarşılaşma 0:0 hesabı ilə heç-heçə başa çatıb.[1]
2022–2023 mövsümündə "Birbaşa" klubu növbəti dəfə minifutbol üzrə Azərbaycan çempionatının finalına yüksəlib. Final qarşılaşmasında "Zirə" klubunu 2:1 hesabı ilə məğlub edən komanda ardıcıl olaraq ikinci dəfə Azərbaycan çempionu adını qazanıb[2] və 2023 EMF Çempionlar Liqasına vəsiqə əldə edib. Turnirdə yenidən uğurlu çıxış edən "Birbaşa" 1/4 final mərhələsinə qədər irəliləyib, lakin bu mərhələdə Rumıniyanın "AEK Oradea" klubuna 1:0 hesabı ilə məğlub olaraq mübarizəni dayandırıb.[3]
2023–2024 mövsümündə "Birbaşa" 14 may 2024-cü ildə baş tutan Azərbaycan çempionatının finalında "AzNur" komandasını 5:2 hesabı ilə məğlub edərək ardıcıl üçüncü dəfə çempion titulunu əldə edib.[4] Çempionatın ilk iki yerinin sahibləri olan "Birbaşa Bakı" və "AzNur" 2024 EMF Çempionlar Liqasına vəsiqə əldə ediblər və komandalar Çempionlar Liqasının 7 sentyabr 2024-cü ildə keçirilən 1/8 final mərhələsində yenidən üz-üzə gəlib. "Birbaşa" rəqibini 1:0 hesabı ilə məğlub edərək növbəti mərhələyə yüksəlib.[5] Elə həmin gün baş tutan 1/4 final qarşılaşmasında Rumıniyanın "Nova Vita Tarqu Mureș" klubunu 2:0 hesabı ilə məğlub edən komanda 8 sentyabrda yarımfinal matçında Ukraynanın "Andezit" klubu ilə qarşılaşıb. Matç 1:1 hesabı ilə başa çatdıqdan sonra penaltilər seriyasında 4:3 hesabı ilə üstünlük qazanan "Birbaşa" finala yüksəlib.[6] 8 sentyabr 2024-cü ildə keçirilən final qarşılaşmasında Çexiyanın "BKMK Brno" klubunu 2:1 hesabı ilə məğlub edən "Birbaşa" komandası 2024 EMF Çempionlar Liqasının qalibi olaraq Avropa çempionu titulunu əldə edib.[7][8] Bu uğurla yanaşı, klubun futbolçusu Təmkin Xəlilzadə turnirin ən yaxşı oyunçusu adına layiq görülüb.[9][10]
EMF tərəfindən təşkil olunan 2024-cü il üzrə mükafatlandırmalarda "Birbaşa Bakı" klubunun oyunçularından Vüsal İsayev Avropa minifutbolunda ilin ən yaxşı müdafiəçisi,[11] Elvin Əlizadə isə ilin ən yaxşı yarımmüdafiəçisi seçilib.[12] Əlizadə həmçinin ölkə miqyasında da 3 dəfə minifutbol üzrə ilin ən yaxşı oyunçusu seçilib.
2024-cü ildə Azərbaycanın Gənclər və İdman Nazirliyi tərəfindən təşkil olunan, müxtəlif nominasiyalar üzrə 2024-cü ilin ən yaxşılarının seçildiyi mükafatlandırmada "2024-cü ilin kişilərdən ibarət ən yaxşı klub komandası" nominasiyasında "Birbaşa Bakı" 3-cü yerə layiq görülüb.[13]
Minifutbol üzrə Azərbaycan çempionatının 2024–2025 mövsümündə "Beerbaşa Bakı" final mərhələsinə yüksəlib və finalda "Zirə" ilə qarşılaşıb. Klub 11 mart 2025-ci ildə oynanılan final matçında "Zirə"ni 2:0 hesabı ilə məğlub edərək ardıcıl olaraq 4-cü dəfə Azərbaycan çempionu olub.[14]
|
|
Klubun baş məşqçisi vəzifəsini 2023-cü ilin mayından rumıniyalı məşqçi Dan Marius Mitu icra edir.[15]
| Vəzifəsi | Ad və soyadı |
|---|---|
| Baş məşqçi |  Dan Marius Mitu
|
| Qapıçı məşqçisi |  Anar Məmmədov
|
| Fiziki hazırlıq üzrə məşqçi | Əli Muradov
|
| İnzibatçı | Vasif İsmayılov
|
İlkin Qəribli klubun prezidenti, Ramin Hacıyev, Kamil Məmmədov və Fərman Əlizadə isə idarə heyətinin üzvləridirlər.
- Fire League
- Qalib (1): 2020
- Fire Cup
- Qalib (1): 2020
- MFL Cup
- Qalib (1): 2021
- Minifutbol üzrə Azərbaycan çempionatı
- Qalib (4): 2021–22, 2022–23, 2023–24, 2024-25
- EMF Çempionlar Liqası
- Qalib (1): 2024
- 1/4 final mərhələsi (2): 2022, 2023
- ↑ "Birbasha Baku-Dadi Gradnja". www.emfcl.com. EMF CL. İstifadə tarixi: 2025-01-17.
- ↑ "Mini-futbol üzrə Azərbaycan çempionatının qalibi müəyyənləşdi". qol.az (az.). İstifadə tarixi: 2025-01-17.
- ↑ "AEK Oradea-Birbasha 2023". www.emfcl.com. EMF CL. İstifadə tarixi: 2025-01-17.
- ↑ "Minifutbol üzrə Azərbaycan çempionatında birinci yerin sahibi müəyyənləşib". Report İnformasiya Agentliyi (az.). 2024-05-14. İstifadə tarixi: 2025-01-17.
- ↑ "Çempionlar Liqası: "Birbaşa Bakı" 1/4 finala vəsiqə qazanıb". CBC Sport (az.). 2024-09-07. İstifadə tarixi: 2025-01-17.
- ↑ "Çempionlar Liqası: Azərbaycan təmsilçisi finala vəsiqə qazanıb". Report İnformasiya Agentliyi (az.). 2024-09-08. 2025-01-21 tarixində arxivləşdirilib. İstifadə tarixi: 2025-01-17.
- ↑ "BKMK Brno-Birbasha Baku - EMF CL". www.emfcl.com. İstifadə tarixi: 2025-01-17.
- ↑ "Azərbaycan minifutbol komandası Çempionlar Liqasının qalibi olub". azertag.az (az.). İstifadə tarixi: 2025-01-17.
- ↑ ""BİRBAŞA BAKI" ÇEMPİONLAR LİQASININ QALİBİDİR". Azərbaycan Minifutbol Federasiyası (az.). 2024-10-15. 2024-10-15 tarixində arxivləşdirilib. İstifadə tarixi: 2025-01-17.
- ↑ "ÇL-in ən yaxşısı seçilən Təmkin Xəlilzadə: "Təslim olmadıq"". Sportinfo.Az (az.). 2024-09-10. 2025-01-17 tarixində arxivləşdirilib. İstifadə tarixi: 2025-01-17.
- ↑ "Azərbaycan millisinin futbolçusu Avropanın ən yaxşısı seçilib". Report İnformasiya Agentliyi (az.). 2025-01-07. 2025-01-17 tarixində arxivləşdirilib. İstifadə tarixi: 2025-01-17.
- ↑ "Azərbaycan millisinin daha bir üzvü Avropanın ən yaxşısı seçilib". azertag.az (az.). İstifadə tarixi: 2025-01-17.
- ↑ "Azərbaycan idmanında 2024-cü ilin ən yaxşıları açıqlanıb". CBC Sport (az.). 2025-01-10. İstifadə tarixi: 2025-01-17.
- ↑ "Minifutbol üzrə Azərbaycan çempionatının qalibi müəyyənləşib". Report İnformasiya Agentliyi (az.). 2025-03-11. 2025-03-12 tarixində arxivləşdirilib. İstifadə tarixi: 2025-03-11.
- ↑ "Rumıniyalı baş məşqçi Azərbaycan klubunda". Sportinfo.Az (az.). 2023-05-11. İstifadə tarixi: 2025-01-17.