Baxış Əhməd oğlu Əhmədov (30 yanvar 1874, Balaxanı, Bakı qəzası – may 1929, Bakı) — neft sənayeçisi və maarifpərvər xeyriyyəçi.[1][2]
| Baxış Əhmədov | |
|---|---|
| Baxış Əhməd oğlu Əhmədov | |
| Doğum tarixi | 30 yanvar 1874 |
| Doğum yeri | |
| Vəfat tarixi | may 1929 (55 yaşında) |
| Vəfat yeri | |
| Vətəndaşlığı |
 Rusiya imperiyası AXC SSRİ |
| Uşağı | |
| Fəaliyyəti | iş adamı, sahibkar, xeyriyyəçi |
Balaxanıda özünün təsis etdiyi "Xeyriyyə cəmiyyəti"nin və Kustar Neft Sənayesi Həmkarlar İttifaqının sədri olmuşdur. "Nəşri-maarif" cəmiyyətinin Balaxanıdakı camaat məktəbinin vəkili idi. 1910–1911 illərdə həmin məktəbdə işləyən M. Ə. Sabirlə yaxından dostluq etmiş, yazıları ilə "Günəş" qəzetində onun müdafiəsinə qalxmışdır. 1911-ci ilin fevralında Balaxanıdakı camaat məktəbi nəzdində "Nur" qiraətxanasını açmışdır.[1]
1918-ci il mart hadisələri zamanı evi daşnaklar tərəfindən dağıdılmışdır. Neft quyuları, torpaq sahələri və şəxsi mülkü sovet hökuməti tərəfindən müsadirə edilmişdir (1927). Balaxanıda "Müsavat" partiyasının ilk özəyini yaratdığına görə böyük oğlu Əhməd Əhmədov güllələnmişdir (1928).[1][3]
- ↑ 1 2 3 ƏHMƏDOV Baxış Əhməd oğlu // Azərbaycan Milli Ensiklopediyası (25 cilddə). 8-ci cild: Enollar – Fedin (10 000 nüs.). Bakı: "Azərbaycan Milli Ensiklopediyası" Elmi Mərkəzi. 2018. səh. ?.
- ↑ Багирзаде, Лала. "Нефтемагнат, меценат, просветитель". kaspiy.az (rus). 2023-09-29. 2024-12-07 tarixində arxivləşdirilib. İstifadə tarixi: 2024-12-05.
- ↑ ƏHMƏDOV Əhməd Baxış oğlu // Azərbaycan Milli Ensiklopediyası (25 cilddə). 8-ci cild: Enollar – Fedin (10 000 nüs.). Bakı: "Azərbaycan Milli Ensiklopediyası" Elmi Mərkəzi. 2018. səh. ?.