Barselona FK 6–1 Pari Sen-Jermen FK — 8 mart 2017-ci ildə UEFA Çempionlar Liqası çərçivəsində Barselonadakı Kamp Nou stadionunda baş tutan cavab matçının nəticəsi. 2016–17 UEFA Çempionlar Liqasının 1/8 final mərhələsinin cavab oyununa aid bu nəticə ilə "Barselona" "Paris Sen-Jermen"lə arasındakı dörd qol fərqini aradan qaldıraraq 6–5 ümumi hesabı ilə qalib gəlmiş və bu, UEFA Çempionlar Liqası tarixindəki ən böyük geri dönüş olmuşdur. Bu nəticə İspaniya və Fransada "La Remontada" (kat. La Remuntada – "geri dönüş") kimi tanınır.[1][2]
| La Remontada | |||||||
|---|---|---|---|---|---|---|---|
 Oyundan əvvəl Kamp Nou | |||||||
| Turnir |
UEFA Çempionlar Liqası 2016/2017 Son 16, ikinci oyun |
||||||
|
|||||||
| "Barselona" ümumi hesabda 6:5 hesabı ilə qalib gəlib | |||||||
| Tarix | 8 mart 2017 | ||||||
| Yer | Kamp Nou, Barselona | ||||||
| Matçın adamı | Neymar (Barselona) | ||||||
| Hakim | Dəniz Aytəkin (Almaniya) | ||||||
| Tamaşaçı | 96 290 | ||||||
| Hava |
Parçalı buludlu 13 °C (55 °F) 80% rütubət |
||||||
Bu matçla "Pari Sen-Jermen" və "Barselona" üçüncü dəfə UEFA Çempionlar Liqasının pley-off mərhələsində qarşı-qarşıya gəldi. Onların əvvəlki iki qarşılaşmalarında "Pari Sen-Jermen" 2012–13 mövsümündə səfər qollarında, 2014–15 mövsümündə isə ümumi hesabda "Barselona"ya məğlub olmuşdu.[3][4]
Hər iki komanda qrup mərhələsindən rahatlıqla keçə bilmişdi. "Pari Sen-Jermen" "Arsenal" və "Bazel" klubları ilə qarşılaşaraq və 3-cü yerdəki "Ludoqorets Razqrad" üzərində 9 xal fərqi əldə edərək A qrupunda ikinci olmuş, "Barselona" isə C qrupunda "Borussiya Münhenqladbax" və "Seltik"i böyük fərqlə qabaqlayaraq və 2-ci pillədə qərarlaşan "Mançester Siti"ni 6 xalla keçərək qrupun lideri olmuşdu.[5]
Cavab matçı martın 8-də Barselonadakı Kamp Nou stadionunda keçirildi. Hər iki komanda matça yenə öz liqa oyunlarında qələbə əldə edərək gəlmişdilər: "Barselona" "Selta Viqo" üzərində 5–0, "Pari Sen-Jermen" isə "Nansi" üzərində 1–0 hesabla qalib gəlmişdi.[7][8]
Oyuna 96 290 tamaşaçı gəlmişdi. Oyunun ilk qolunu "Barselona"nın futbolçusu Luis Suarez 3-cü dəqiqədə vurdu. 40-cı dəqiqədə "Pari Sen-Jermen"in futbolçusu Leven Kyurzava Andres İnyastanın zərbəsini dəf edərkən avtoqola imza atdı. Üçüncü qol isə 50-ci dəqiqədə Tomas Menye tərəfindən Neymara kobudluq edilməsindən sonra Lionel Messinin vurduğu penalti zərbəsindən gəldi. 62-ci dəqiqədə Edinson Kavaninin "Pari Sen-Jermen"in matçdakı yeganə qolunu vurmasından sonra "Barselona"nın ümidləri azaldı: əvvəlki matçdakı qollara görə "PSJ" 5–3 ümumi hesabı ilə üstün idi və qələbə üçün "Barselona"nın daha üç qola ehtiyacı var idi. Daha sonrasında "Barselona"nın futbolçusu Maskerano "Barselona"nın cərimə meydançasında Di Marianı sürükləsə də, hakim Dəniz Aytəkin penalti zərbəsi təyin etmədi. Neymar matçın son mərhələlərində iki qol vurdu: o, 88-ci dəqiqədə cərimə zərbəsi və 90+1-də Luis Suarezin yıxıldığı zaman təyin olunmuş mübahisəli penalti zərbəsi ilə hesabı 5–1-ə çatdırdı. Matçın son saniyələrində Neymarın cərimə meydançasına etdiyi ötürmə ilə Serji Roberto 90+5-ci dəqiqədə altıncı və sonuncu qolu vuraraq hesabı 6–1-ə dəyişdi. Beləliklə "Barselona" matçda 6–1, ümumi hesabda isə 6–5 hesabı qələbə çalaraq 1/4 finala yüksəldi.[9]
          Barselona
|
     Pari Sen-Jermen
|
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.svg){kind=small}
- ↑ Bairner, Robin. "Explained: What is a remontada? Why Spanish word for comeback is tied to Barcelona vs PSG". Goal. 15 February 2021. 25 May 2023 tarixində arxivləşdirilib. İstifadə tarixi: 25 May 2023.
- ↑ "Barça comeback against PSG inspires new entry to French dictionary". FC Barcelona. 20 May 2021. 25 May 2023 tarixində arxivləşdirilib. İstifadə tarixi: 25 May 2023.
- ↑ Hunter, Graham. "Pedro puts Barcelona into record sixth semi-final". UEFA. 10 April 2013. 25 May 2023 tarixində arxivləşdirilib. İstifadə tarixi: 25 May 2023.
- ↑ Osborne, Chris. "Barcelona 2-0 Paris Saint Germain (Agg 5-1)". BBC Sport. 21 April 2015. 27 October 2020 tarixində arxivləşdirilib. İstifadə tarixi: 25 May 2023.
- ↑ "Season 2016/17". UEFA. 8 February 2023 tarixində arxivləşdirilib. İstifadə tarixi: 25 May 2023.
- ↑ "Full Time Summary Round of 16 1st Leg – Paris Saint-Germain v Barcelona" (PDF). UEFA.org. UEFA. 14 February 2017. 15 February 2017 tarixində arxivləşdirilib (PDF). İstifadə tarixi: 14 February 2017.
- ↑ "Barcelona 5–0 Celta Vigo". BBC Sport. 4 March 2017. 8 July 2018 tarixində arxivləşdirilib. İstifadə tarixi: 27 September 2024.
- ↑ "PSG v Nancy Match Report". Goal. 4 March 2017. 4 April 2020 tarixində arxivləşdirilib. İstifadə tarixi: 27 September 2024.
- ↑ Walker-Roberts, James. "Barcelona 6-1 Paris Saint-Germain (Aggregate 6-5): Barca advance to quarter-finals after comeback win". Sky Sports. 9 March 2017. 25 May 2023 tarixində arxivləşdirilib. İstifadə tarixi: 25 May 2023.