Bardos — Tarqamosun övladlarından üçüncüsü, qafqaz albanlarının əcdadı və qədim Bərdə şəhərinin qurucusu.
"Ermənistan tarixi"nə və "Kartlis tsxovreba"ya görə, Tarqamos Babildə yaşamış, daha sonra isə "iki dəniz və iki dağ arasındakı torpaqlar" (Qafqaz) ona verilmişdir. O, bundan sonra Ağrıdağında məskunlaşmış və torpaqlarını öz oğulları arasında bölmüşdür. Onun oğullarından üçüncüsü[1] olan Bardos qafqaz albanlarının əcdadı və qədim Bərdə şəhərinin qurucusudur.[2][3]
Tarqamos oğlu Bardosa Bərduci çayından Kür və Arazın kəsişməsinə qədər olmaqla, Kür çayının cənubundakı ərazini vermişdir. Bardos burada Bərdəvi şəhərinin əsasını qoymuş və qurduğu şəhərdə də məskunlaşmışdır. Bardos qardaşları ilə bir yerdə Nebrot adlı döyüşçünün ordusuna qarşı mübarizə aparmış və qardaşlar qalib gəlmişdir.[1]
- ↑ 1 2 "Леонти Мровели. Жизнь картлийских царей". 2013-12-03 tarixində arxivləşdirilib. İstifadə tarixi: 2007-12-19.
- ↑ "The Georgian Chronicle, History". Rbedrosian.com. İstifadə tarixi: 2015-07-26.
- ↑ "Мовсес Хоренаци, История Армении в трех частях. Книга Первая". Vehi.net. İstifadə tarixi: 2015-07-26.