Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqaləni vikiləşdirmək lazımdır. |
| Baqramda təyyarə qəzası (6 iyul 2011) | |
|---|---|
| Ümumi məlumatlar | |
| Tarix |
|
| Qəza səbəbi | vurulma |
| Yer |
 Baqram |
| Ölkə | |
| Sərnişin sayı | 0 |
| Komanda | 9 |
| Yaralı sayı |
|
| Ölü sayı |
|
| Təyyarə | |
| Təyyarə modeli | İL-76 4K-AZ 55 |
| Havayolu şirkəti | Silk Way Airlines |
| Qalxma yeri |
 Heydər Əliyev adına beynəlxalq hava limanı, Bakı |
| İstiqamət | Bakı → Baqram |
Yük tutumu 40 ton olan təyyarə 2005-ci ildə hazırlanıb və 2011-ci ilin fevralında tam texniki baxışdan keçib. 2011-ci ilin iyununda o, növbəti texniki baxışdan keçib.
Bakı-Baqram marşrutu ilə hərəkət edən və 5 iyul 2011-ci il tarixində, saat 21:26-da (yerli vaxtla) havaya qalxan təyyarənin göyərtəsində Heydər Əliyev adına beynəlxalq hava limanından qəbul etdiyi 18 ton yük olub. Baqrama uçuşdan qabaq həmin gün təyyarə Küveyt-Bakı marşrutu üzrə uçuş yerinə yetirib və hər hansı nasazlıq qeydə alınmayıb[1].
Azərbaycan Mülki Aviasiya Administrasiyasından bildiriblər ki, İL-76 4K-AZ 55 yük təyyarəsinin göyərtəsində 9 nəfər heyət üzvü olub. Təyyarənin kapitanı 1969-cu il təvəllüdlü Kuzmin Sergey Viktoroviç 4576 saat uçuş həyata keçirmiş təcrübəli pilotdur.
Əfqanıstanın Hava Məkanının İdarə Edilməsi Xidmətinin məlumatına görə, iyulun 6-da saat 00:10-da (Bakı vaxtı ilə saat 02:10) Baqram aeroportu yaxınlığında yerə enməli olan Azərbaycanın "Silk Way" aviaşirkətinin İL-76 4K-AZ 55 yük təyyarəsi ilə əlaqə kəsilib və təyyarə radarlardan itib. Eyni zamanda, təyyarənin uçuşunu idarə edən dispetçer Kabil aeroportundan təxminən 25 kilometr məsafədə 4 kilometr yüksəlikdə alov gördüyü barədə məlumat verib.
Əlaqə kəsilənədək hava gəmisindən nasazlıq və ya qəza vəziyyəti ilə bağlı hər hansı məlumat daxil olmayıb.
"Taliban" hərəkatının nümayəndəsi Zəbibulla Mücahid Əfqanıstan KİV-inə bildirib ki, "Azərbaycan Hava Yolları"nın təyyarəsini "Taliban" vurub. Kabil Beynəlxalq Hava Limanının nümayəndəsi Azərbaycan təyyarəsinin "Taliban" tərəfindən vurulması barədə xəbərləri təkzib edib. Hava limanının vitse-prezidenti Cəlal Vahab xəbəri təsdiqləmək üçün əlində kifayət qədər informasiya olmadığını bildirib: "Mənə bununla bağlı artıq müraciət ediblər. Lakin mən onu təsdiqləyə bilmərəm. Hələlik heç kim bu təyyarənin qəzaya uğramasına görə məsuliyyəti üzərinə götürməyib".[2] Azərbaycanın Pakistan və Əfqanıstandakı səfiri Daşqın Şikarov Azərbaycan təyyarəsinin "Taliban" hərəkatının üzvləri tərəfindən vurulduğunu deyib.[3][4][5][6] "Azərbaycan Hava Yolları" QSC-nin baş direktor müavini İlham Əmirov bildirib ki, hava gəmisinin "Taliban" hərəkatı tərəfindən vurulması əsas versiyalardan biridir.[7]
Təyyarənin 9 nəfərlik gəmi heyəti qəza nəticəsində ölüb. Onlardan 4-ü Azərbaycan, 3-ü Özbəkistan və 2 nəfər də Rusiya vətəndaşıdır[8]. Həmin şəxslər aşağıdakılardır[9]:
Gəmi kapitanı Sergey Kuzmin (1969-cu il təvəllüdlü)- İkinci pilot Oleq Marşixin (1979)
- Şturman İqor Çjen (1966)
- Bort mühəndisi Vladimir Şatobin (1969)
- Bort-rabitəçi Əhmədcan Axmedjan Xacayev (1955)
Bort operatoru Elnur Mahmudov (1981)- Bort operatoru Tapdıq Qəhrəmanov (1964)
- Aviatexnik Əfqan Rəhimov (1980)
- Aviatexnik Mehman Hüseynov (1962)
Bu məqalədəki istinadlar müvafiq istinad şablonları ilə göstərilməlidir. |
- ↑ "Qəzada ölənlərin cəsədlərini ölkəyə gətirmək üçün xüsusi dəstə yaradılacaq". 7 iyul 2011 tarixində orijinalından arxivləşdirilib. İstifadə tarixi: 7 iyul 2011.
- ↑ "Təyyarəmizi "Taliban" vurub". 10 aprel 2021 tarixində arxivləşdirilib. İstifadə tarixi: 10 aprel 2021.
- ↑ ""Taliban"ın məlumatına görə, Azərbaycan təyyarəsi hərəkatın üzvləri tərəfindən vurulub". 10 aprel 2021 tarixində arxivləşdirilib. İstifadə tarixi: 10 aprel 2021.
- ↑ "Azərbaycan təyyarəsini "Taliban" vurub - YENİLƏNİB". 10 aprel 2021 tarixində arxivləşdirilib. İstifadə tarixi: 10 aprel 2021.
- ↑ "Azərbaycan səfiri: "Əfqanıstanda təyyarəmizi "Taliban" vurub"". 10 aprel 2021 tarixində arxivləşdirilib. İstifadə tarixi: 10 aprel 2021.
- ↑ "Təyyarəmizi Taliban vurub-Yenilənib". 10 aprel 2021 tarixində arxivləşdirilib. İstifadə tarixi: 10 aprel 2021.
- ↑ "İlham Əmirov: \"Təyyarəmizi talibanların vurduğu ilkin versiyadır\"". 10 aprel 2021 tarixində arxivləşdirilib. İstifadə tarixi: 10 aprel 2021.
- ↑ "NATO cargo plane crashes, 9 killed. washingtonpost.com". 16 mart 2016 tarixində arxivləşdirilib. İstifadə tarixi: 7 iyul 2011.
- ↑ "Təyyarə qəzasında ölənlərdən biri Milli qəhrəman olan atasının taleyini təkrarladı". 19 yanvar 2012 tarixində orijinalından arxivləşdirilib. İstifadə tarixi: 7 iyul 2011.