Banker atı

Banker atları nisbətən kiçik olub, cəmi 132–150 sm hündürlüyündədir və çəkisi 360–450 kq arasında dəyişir.^[1] Başları geniş, üz profili düz və ya bir qədər qabarıqdır. Döş qəfəsi dərin və dar, beli qısadır. Ayaqlarının sümükləri oval şəkildədir ki, bu da onların güclü sümük quruluşuna malik olduğunu göstərir. Çətin şəraitə davamlı olan bu atların xəzi əsasən qəhvəyi, boz və ya al rəngdə ola bilər. Banker atları uzun addımlarla hərəkət edir və bir çoxu sürətli və rahat yerişə malikdir. Onlar dostcanlı və sakit xasiyyətlidir.^[2] Banker atlarının bir çox xüsusiyyəti onların digər kolonial ispan atları ilə ortaq əcdadlara malik olduğunu göstərir. Genetik araşdırmalar bu atların Pryor Mountain "Mustanq" və "Paso Fino" kimi digər ispan mənşəli atlarla ortaq əcdadlara malik olduğunu təsdiq edir. Bu növlər bir-birindən 400 il əvvəl ayrılmışdır.