Baltika–Bakı pivə zavodu — Azərbaycanın ən böyük pivə zavodu. Azərbaycanın paytaxtı Bakıdan 10 kilometr aralıda, Xırdalan şəhərində yerləşir.
| Baltika–Bakı | |
|---|---|
| Ümumi məlumatlar | |
| Təsis tarixi | 1969 |
| baltika.az | |
Müəssisə 1969-cu ildə istifadəyə verilmiş və "Bakı–Pivə" İstehsalat Birliyinə məxsus olmuşdur. 1997-ci ildə zavod Fransanın "Group Castel" konserninin nəzarəti altına keçmişdir.[1][2]
İlkin dövrlərdə bu, SSRİ-nin altı ən böyük pivə zavodundan biri idi. 1999-cu ildən sonra onun genişmiqyaslı yenidən qurulması başa çatdırılmışdır. 2000-ci ildə yenidən qurulan müəssisənin rəsmi açılışında Azərbaycan Prezidenti Heydər Əliyev iştirak etmişdir. Eyni zamanda, Xırdalan pivəsinin istehsalına başlanılmışdır. Daha sonra zavodun brend portfeli aşağıdakı brendlərlə tamamlandı: "Xirdalan" "Qara", "Xirdalan 7/7", "33 Export", "Bizim Pivə", "Əfsanə". Bəzilərinin istehsalı bu günə qədər davam edir. Zavodun istehsal gücü ildə 10 milyon dekalitrdir.[3]
"Carlsberg Group"a daxil olan və Rusiya pivə bazarında uzun müddətdir lider olan, 2000-ci ildən Azərbaycan Respublikasına öz məhsullarını tədarük edən "Baltika" pivə istehsalı şirkəti Azərbaycanda pivə bazarının inkişaf perspektivlərini müsbət qiymətləndirmiş və Xırdalanda pivə zavodu almaq qərarına gəlmişdir. 2008-ci ilin mayında "Baltika" və "Brasseries Internationales Holding (Eastern) Ltd (BIH Eastern)" arasında "Baku–Castel" pivə zavodunun alınması haqqında müqavilə imzalanmışdır. Sövdələşmə Azərbaycanın antiinhisar orqanları tərəfindən təsdiq edildikdən sonra zavod "Baltika" şirkətinin tərkibinə daxil olmuşdur.[1][2] Satışa səbəb kimi əvvəlki sahibi avronun əlverişsiz məzənnəsini göstərilmişdir.[4]
Azərbaycanda "Baltika" brendlərinin, o cümlədən yerli və lisenziyalı brendlərin payı müxtəlif mənbələrə görə pivə bazarının 70-82%-i arasında dəyişir.[5][6] Şirkət "Xırdalan", "Əfsanə", "Bizim Pivə", "33 Export" kimi pivə markalarını istehsal edir. “Baltika” brendi xəttinin aşağıdakı növləri buraxılıb: “Baltika №3”, “Baltika” No5, “Baltika” No7, “Baltika” No9, “Baltika Cooler”, həmçinin “Arsenalnoye” pivəsi. Dəmlənmiş pivə PET qablaşdırmada, bankalarda, şüşə butulkalarda və çəlləklərdə qablaşdırılır.[7] 20 may 2009-cu ildə "Baltika–Bakı" zavodunun yenidənqurmadan sonra təntənəli açılışı olmuşdur. "Baltika–Bakı"nın modernləşdirilməsi Azərbaycan Respublikasında son dövrlərdə qida sənayesində həyata keçirilən ən böyük investisiya layihələrindən birinə çevrilmişdir. İnvestisiya proqramının sonunda investisiyaların ümumi həcmi təxminən 20 milyon ABŞ dolları təşkil etmişdir. 2009-cu ilin iyun ayından zavod Gürcüstana pivə ixrac etməyə başlamışdır.[6]
2009-cu ilin sonunda "Baltika–Bakı" zavodunda istehsal olunan "Xırdalan" brendi Azərbaycanda pivə kateqoriyasında ən yaxşı brend kimi tanınmışdır.[8]
- ↑ 1 2 "Компания "Балтика-Баку" открыла новые производственные мощности // advis.ru, 24/07/2014". 2014-08-08 tarixində arxivləşdirilib. İstifadə tarixi: 2014-07-31.
- ↑ 1 2 "«Балтика» купила пивной завод в Азербайджане // Деловой Петербург, 18 августа 2008". 2015-09-23 tarixində arxivləşdirilib. İstifadə tarixi: 2014-07-31.
- ↑ "Профиль завода на корпоративном сайте «Пивоваренной компании "Балтика"»". 2014-08-08 tarixində arxivləşdirilib. İstifadə tarixi: 2014-07-31.
- ↑ "«Балтика» покупает производителя пива в Азербайджане // Кавказский узел, 15 мая 2008". 2014-08-11 tarixində arxivləşdirilib. İstifadə tarixi: 2014-07-31.
- ↑ "Компания «Балтика-Баку» открыла новые производственные мощности // news.az, 23.07.2014". 2014-07-26 tarixində arxivləşdirilib. İstifadə tarixi: 2014-07-31.
- ↑ 1 2 "Фаик Меджид. Завод «Балтика-Баку» отправил первую партию пива в Грузию // Кавказский узел, 26 июня 2009". 2014-08-11 tarixində arxivləşdirilib. İstifadə tarixi: 2014-07-31.
- ↑ "Профиль завода на корпоративном сайте «Пивоваренной компании "Балтика"»". 2014-08-08 tarixində arxivləşdirilib. İstifadə tarixi: 2014-07-31.
- ↑ "Бренд Xirdalan признан лучшим брендом в номинации «Пиво» // Новости Азербайджана, 06.04.2010". 2014-08-08 tarixində arxivləşdirilib. İstifadə tarixi: 2014-07-31.