Bu məqalənin ensiklopedik tələblərə cavab vermədiyinə dair şübhələr var. |
Professor Balaəli Vəliyev Vəli oğlu — SSRİ maarif əlaçısı, pedaqoq, professor.
Balaəli Vəliyev 12 aprel 1925-ci ildə Bakının Kürdəxanı kəndində anadan olmuşdur. 1940-cı ildə M.F. Axundov adına ikiillik müəllimlər institutunun fizika-riyaziyyat şöbəsinə daxil olmuş və 1942-ci ildə oranı fərqlənmə diplomu ilə bitirmişdir. 1943-cü ildə Azərbaycan Pedaqoji İnstitutuna daxil olmuş, oranı da fərqlənmə diplomu ilə başa vurmuşdur.
Əmək fəaliyyətinə müəllimliklə başlayan Balaəli Vəliyev 20 ilə yaxın bir müddətdə orta məktəblərdə riyaziyyat müəllimi kimi çalışmışdır. Şagirdlərinin Respublika Olimpiadalarında qazandıqları uğurlara görə 1962-ci ildə Azərbaycan Mərkəzi Müəllimlər İnstitutuna riyaziyyat kabinetinin metodisti vəzifəsinə dəvət olunmuşdur.
1965–1967-ci illərdə həmin institutun prorektoru, 1967–1976-cı illərdə isə rektoru vəzifələrində çalışmışdır. 2003-cü ildə Azərbaycan Müəllimlər İnstitutunun fizika və riyaziyyat tədrisi metodikası kafedrasında professor vəzifəsində fəaliyyət göstərmişdir.
Balaəli Vəliyev 5 monoqrafiyanın, 17 kitabın və bir neçə dərsliyin müəllifidir. O, 100-dən çox elmi məqalənin və metodik ədəbiyyatın ixtisas redaktoru olmuş, bir çox namizədlik dissertasiyalarının rəsmi opponenti kimi çıxış etmişdir.
- [Şəxsi məlumat və bioqrafiya – əlavə ediləcək mənbə linki]