Balıqcıq[1] — bir çox balıq ovu növlərində yırtıcı balıqların diqqətini yem kimi cəlb etməyə hesablanmış süni vasitə. Adətən qarmağa bənd edilən balıqcıq öz forması, rəngi, titrəyişli hərəkəti, işığı əks etdirməsi və digər xüsusiyyətləri ilə yırtıcı balıqların potensial qida rasionuna daxil olan xırda canlıları imitasiya edir. Nəticədə vəhşi balıqlar onları potensial şikar bilərək udmağa çalışırlar ki, bu zaman qarmağa ilişirlər.
Balıqcıqdan aldadıcı vasitə kimi bir çox balıq ovu növlərində istifadə edilir: tilovla balıq ovunda, trollinq metodlu balıq ovunda və s.
Balıqcıqlar metal və ya plastik lövhə formasında, silikon balıq, həşərat, cücü şəklində ola bilər. Su səthində yaşayan həşəratları imitasiya etmək üçün üzən balıqcıqlar da olur. Son illərdə suyun dərinliyində balıqların diqqətini cəlb etmək üçün LED lampalı balıqcıqlardan da istifadə edilir.
- ↑ "Rusca - azərbaycanca lüğət" (beşinci nəşr) I cild A -- K. Azərbaycan Sovet Ensiklopediyasının Baş Redaksiyası. Bakı, 1991. səh 87. / Русско - азербайджанский словарь (издание пятое) том А -- К. Главная редакция Азербайджанской Советской Энциклопедии. Баку, 1991. стр. 87.