Baku United FC — İngiltərənin futzal klubu.
| Baku United FC | |||
|---|---|---|---|
 | |||
| Ölkə | |||
| Yaranma tarixi | 2008 | ||
| Prezidenti | İlham Nağıyev | ||
| Menecer | Chema Jimenez | ||
| Liqa | FA Futzal Liqası | ||
|
| |||
Bu məqaləni vikiləşdirmək lazımdır. |
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Baku United futzal klubu 2008-ci ildə Odlar Yurdu təşkilatı tərəfindən yaradılmışdır. Həmin dövrdə "Odlar Yurdu" Diaspor Təşkilatı London şəhərində təhsil alan və yaşayan tələbələrdən ibarət bir neçə həvəskar futbol komandaları formalaşdırmışdı. Həmin komandalar öz aralarında qeyri peşəkar yarışlar keçirməklə yanaşı, bəzən birləşib vahid komanda formalaşdıraraq digər komandalarla oynayırdılar. Sonralar "Baku United" adı məhz həmin tarixi ənənədən yaranmağa başladı.
Yarandığı ilk illərdən etibarən komanda Böyük Britaniyada təşkil olunan müxtəlif turnirlərdə iştirak etmişdir. "Baku United" futbol komandasının iştirak etdiyi ilk turnir "Odlar Yurdu" Diaspor Təşkilatı tərəfindən təsis edilən "Heydar Aliyev" CUP futzal turniri idi. Bu turnir 2008–2010-cu illərdə Böyük Britaniyada, 2011-ci ildə bu ölkə ilə yanaşı Çexiyada, 2012-ci ildə əlavə olaraq Rumıniya və Avstriyada, 2013-cü ildə isə ümumilikdə 8 ölkədə 88 komanda arasında keçirilib. "Baku United" futzal komandası 2009-cu ildə "Heydər Əliyev Kuboku"nun qalibi adına layiq görülüb.
"Baku United"in qatıldığı yarışlardan biri də İngiltərədə ənənəvi olaraq təşkil olunan Lobanovski turniri idi. Yeni yaranmasına baxmayaraq komanda 2009-cu ildə bu turnirin də ən yüksək mükafat kürsüsünə yüksələ bildi.
Həvəskar klub olaraq böyük nailiyyətlər əldə edən komandanın qarşısında dayanan əsas prioritet daha yüksək peşəkarlıq səviyyəsinə keçid idi. Bu məqsədlə İngiltərə elit futzal liqasında oynayan Spartan komandası ilə əməkdaşlıq əlaqələri quruldu. 2012-ci ildə hər iki komanda birləşdi və "Baku United" adlanmağa başladı.
Elə həmin mövsümdən etibarən komanda İngiltərə mini futbol yarışlarına qatılmışdır. Cəmi bir il peşəkar komanda təcrübəsinə sahib olan "Baku United" 2013-cü ildə İngiltərə super liqasının qalibi olmuş və bu ölkəni UEFA Kubokunda təmsil etmək hüququ qazanmışdır.
Hazırda, komandanın şərəfini azərbaycanlılardan başqa ingilis, ispan, portuqal millətlərdən olan peşəkar futbolçular qorumaqdadırlar.
- bakutd.co.uk — rəsmi saytı
- "uefa.com"dakı profili
- "Facebook"dakı səhifə