Bakı Flames Beynəlxalq Yaradıcılıq və Effektivlik Festivalı və ya qısaca Baku Flames Festivalı — Azərbaycanda yaradıcılığın və yaradıcı sənayenin inkişafı təşəbbüsü ilə təşkil olunan tədbir. Festivalın ilk buraxılışı 2-3 may 2025-ci ildə baş tutub.[1]
| Baku Flames Beynəlxalq Yaradıcılıq və Effektivlik Festivalı | |
|---|---|
 | |
| Janr | yaradıcılıq, reklam, yaradıcı sənaye, marketinq |
| Tezliyi | ildə 1 dəfə |
| Məkan | Elektra Events Hall |
| Yer | Bakı, Azərbaycan |
| Ölkə | |
| Yaradılıb | 2-3 may 2025 (ilk tədbir) |
| Təsisçi(lər) | Orxan Kərim, Göktuğ Sarı |
| Növbəti | 15-16 may 2026 (ikinci tədbir) |
| Vebsayt | bakuflames.az |
Bu konvensiyada marketinq və yaradıcılıq mövzuları barədə interaktiv təlimlər, sessiyalar və panel müzakirələri baş tutur. Festivalı beynəlxalq edən onun yaxın region və dünyanın müxtəlif ölkələrindən yaradıcı mütəxəssisləri bir araya gətirməsidir.[2] Ümumən bu tədbir konfrans sessiyalarını, yaradıcı seminarları, şəbəkələşmə imkanlarını və yaradıcı və effektiv kampaniyaları qiymətləndirən mükafatlandırma mərasimini özündə birləşdirir.
Tədbir ingilis dilində keçirilir.
Rəsmi olaraq festival barədə ilk elan 6 yanvar 2025-ci ildə paylaşılıb. 10 fevraldan etibarən isə festivalın rəsmi saytından biletlərin alış-satışı başlanıb. Biletlər 4 növ üzrə satılır: "Klassik", "Tələbə", VIP və "Young Lions". Sonuncu bilet növünü alan şəxslər "Young Lions Azerbaijan" müsabiqəsinə qoşulmaq imkanı qazanır.[3] Həmin müsabiqə üzrə nominantların qısa siyahısı 29 apreldə açıqlanıb. Qaliblər isə festivalın ikinci günündə bəlli olub.
Bununla yanaşı, festival öz yaradıcılığı ilə mükafat qazanmaq və regionda özünü daha da tanıtmaq istəyən markalar üçün müxtəlif imkanlar yaradıb. İşlərin qəbulu üçün 4 istiqamət və bunların daxilində 14 kateqoriya, həmçinin yüzlərlə subkateqoriya nəzərdə tutulub.[3] 4 istiqamətə daxildir: Əsas, Dizayn Mükəmməlliyi, Bağlantı və Əlaqə və Effektiv Dəyişiklik.[4]
27 yanvarda holland küçə sənətçisi Street Art Frankey[nid.]-nin tədbirdə iştirak edəcəyi elan edilib.[5]
10 fevralda festival Özbəkistanın Marketinq Assosiasiyası tərəfindən marketinqin effektivliyini qiymətləndirmək məqsədi ilə istifadə olunan reytinq siyahısına daxil edilib.
İlk festival 2-3 may 2025-ci il tarixlərində baş tutmuşdur və yaradıcı mütəxəssislər, marketinq mütəxəssisləri, dizaynerlər, brend menecerləri və tələbələr də daxil olmaqla təxminən 1500 iştirakçını cəlb etmişdir. “Elektra Events Hall”da keçirilən tədbirdə beynəlxalq səviyyədə tanınmış mütəxəssislərin rəhbərlik etdiyi əsas təqdimatlar, panel müzakirələri, seminarlar və təlim sessiyaları festivalın əsasını təşkil edirdi.
İkinci belə festivalın 15–16 may 2026-cı ildə keçiriləcəyi açıqlanıb. Bu dəfəki festivalın başlığı "Human After All"-dur. Həmin buraxılışda süni intellekt əsrində toplumun rolu əsas mövzulardan olacaq.[6]
Tədbirə biletlərin satışı 12 yanvar 2026 tarixindən etibarən başlanacaq. Ötən ildəki buraxılışda olduğu kimi yenə "Young Lions Azerbaijan" müsabiqəsinin keçirilməsi planlaşdırılır.
Festivalın bir hissəsi olaraq təqdim olunan "Young Lions Azerbaijan" 30 yaşdan kiçik peşəkarlara “Cannes Lions Young Lions” müsabiqəsinə vəsiqə qazanmaq şansı verib. Müsabiqəyə Film, Dizayn və Çap kateqoriyaları daxildir.
Qalib komandalar Azərbaycanı 2025-ci il Kann Lions festivalında təmsil edib və bu, ölkənin beynəlxalq "Young Lions" müsabiqəsində ilk çıxışı olub.
- ↑ "Baku Flames 2025 приема заявки за първото си издание!" (bolqar). baca.bg. 26 fevral 2025. 20 mart 2025 tarixində arxivləşdirilib. İstifadə tarixi: 11 mart 2025.
- ↑ “Baku Flames” regionun yaradıcılıq səhnəsini işıqlandırmağa gəlir!.
- 1 2 "Baku Flames 2025" üçün iştirak və müraciət qeydiyyatı başladı
- ↑ "Baku Flames 2025 için geri sayım başladı" (türk). Mediacat.com. 6 mart 2025. 12 mart 2025 tarixində arxivləşdirilib. İstifadə tarixi: 11 mart 2025.
- ↑ "Street Art Frankey is coming to Baku Flames!". bakuflames.az. 27 yanvar 2025. 18 mart 2025 tarixində arxivləşdirilib. İstifadə tarixi: 11 mart 2025.
- ↑ "Baku Flames 2026 Announces Festival Theme: "Human After All"" (az.). bakuflames.az. 20 dekabr 2025. İstifadə tarixi: 30 dekabr 2025.