Bu məqalədə çoxsaylı problemlər mövcuddur. Zəhmət olmasa, səhifəni edərək və ya mövcud problemləri müzakirə səhifəsində diskussiya edərək həll edin.
|
Bakı Fond Birjası (ing. Baku Stock Exchange) — Azərbaycanda fəaliyyət göstərən yeganə fond birjasıdır.
| Bakı Fond Birjası | |
|---|---|
 | |
| Ümumi məlumatlar | |
| Tipi | Qapalı Səhmdar Cəmiyyəti |
| Təsis tarixi | 27 avqust 1997 |
| Baş qərargahın yeri | Bakı, Həsən Bəy Zərdabi küçəsi 2A (Şokolad Tower) AZ1141 |
| Rəhbərlik | |
| İdarə heyəti | Ruslan Xəlilov (Sədr) |
| bse.az | |
Bakı Fond Birjası Qapalı səhmdar cəmiyyəti formasında yaradılmış kommersiya təşkilatıdır. BFB 1997-ci ildə təsis edilmiş və yaradılmasında əsas məqsəd ölkədə mütəşəkkil fond bazarının formalaşdırılması olmuşdur.
Azərbaycanda qiymətli kağızlarla mütəşəkkil ticarətin yeganə təşkilatçısı qismində Bakı Fond Birjası QSC çıxış edir. Onun yerli banklar, brokerlər və İstanbul Fond Birjası (Borsa Istanbul) da daxil olmaqla 20 səhmdarı mövcuddur. Birjanın fəaliyyəti Azərbaycan Respublikası Mərkəzi Bankı tərəfindən tənzimlənir. Birjada səhm və istiqraz kimi korporativ qiymətli kağızların, Maliyyə Nazirliyinin istiqrazları, Mərkəzi Bankın notları kimi dövlətin borc kağızlarının ticarəti və REPO əməliyyatları həyata keçirilir.
Azərbaycanda kapital bazarlarında ticarətinin başlanğıcı 1886-cı ildə Bakı Birjasının yaradılması ilə bağlıdır. 1909-cu ilə qədər Şollar Su Kəmərinin çəkilməsi üçün istiqrazların buraxılması əhəmiyyətli bir mərhələ oldu, ardınca 1913-cü ildə ilk səhm buraxılışı oldu. Lakin 1930-cu ildə Bakı Birjasının fəaliyyəti dayandırıldı.[1]
1997-ci ildə Azərbaycanın kapital bazarları üçün müasir dövrün başlanğıcını qoyan Bakı Fond Birjası yaradılmışdır. Kapital bazarında ticarət rəsmi olaraq 2000-ci il sentyabrın 1-də başladı və 2004-cü ildə korporativ istiqrazlar, səhmlər və Mərkəzi Bankın NOT-ları daxil olmaqla sürətlə genişləndi.
BFB bu illər ərzində bir sıra mühüm irəliləyişlərə nail olub:[1]
- 2006: Banklararası REPO əməliyyatlarının tətbiq edilməsi
- 2009: İpoteka istiqrazlarının ticarətinin başlanılması
- 2013: İlk market-meyker institutunun yaradılması
- 2016: SOCAR istiqrazlarının və mərkəzləşdirilmiş ticarət sistemi olan CETA platformasının istifadəyə verilməsi
- 2018: Qeyri-maliyyə sektoru şirkəti tərəfindən ilk qiymətli kağız emissiyasının buraxılması
- 2019: Beynəlxalq Birjalar Assosiasiyasına üzvü oldu və xarici emitent tərəfindən ilk yerli valyutada istiqraz emissiyasına ev sahibliyi etdi.
- 2020: Dünya Birjaları Federasiyası ilə əməkdaşlıq edir və Birləşmiş Millətlər Təşkilatının Dayanıqlı Fond Birjaları qrupuna qoşulur
- 2021: Azərbaycanın regionlarında İnvestisiya Səyahətlərinə start verdi
- 2022: Azərbaycan Mərkəzi Bankı ilə birgə Qiymətli Kağızların Emissiyası Sistemini tətbiq etmişdir
- 2023: Kapital bazarında kütləvi təklif edilmiş və tənzimlənən bazarda ticarətə buraxılmış səhmlər və istiqrazlar üzrə ödənilən dividend, diskont və faiz gəlirlərinin vergidən azad edilməsinə nail olundu
- 2024-cü ildə BFB yeni brend kimliyini təqdim etdi. Bu il həm də iki tarixi nailiyyətlə yadda qaldı: Azərbaycan tarixində ilkin kütləvi təklif (İPO) və səhmlərin təkrar bazarda distant ticarətinin tətbiqi.[1]
Bakı Fond Birjasının əsas səhmdarları aşağıdakılardır:[2]
| 1. | "Kapital Bank" ASC |
| 2. | "Borsa İstanbul A.Ş" |
| 3. | "Azərbaycan Beynəlxalq Bankı" ASC |
| 4. | "Unicapital İnvestisiya Şirkəti” ASC |
| 5 | "İnvest-AZ İnvestisiya Şirkəti" QSC |
| 6 | "İnvest-AZ" (Türkiyə) |
| 7 | “Bank of Baku” ASC |
| 8 | “Yapı Kredi Bank Azərbaycan” QSC |
| 9 | "Azərbaycan Sənaye Bankı" ASC |
| 10 | "Capital Partners IŞ" QSC |
| 11 | "Xalq Kapital İ.Ş" QSC |
| 12 | “PSG-Kapital İnvestisiya Şirkəti” QSC |
| 13 | “Plato Capital and Co. İnvestisiya Şirkəti” ASC |
| 14 | "Dəmir İnvestisiya Şirkəti" QSC |
| 15 | Mars İnvestisiya Şirkəti |
| 16 | "Global Menkul Değerler" İnvestisiya şirkəti |
| 17 | “Caspian Financial LTD” |
| 18 | “Brokdil-AZ” MMC |
| 19 | Respublika İnvest |
| 20 | Ləğv etmə prosesində olan “United Credit Bank” ASC |
Bu məqalədəki istinadlar müvafiq istinad şablonları ilə göstərilməlidir. |
- ↑ 1 2 3 "BFB".
- ↑ "Səhmdarlar". İstifadə tarixi: 2016-10-18.
- ↑ Təşkilatı Struktur