Baku Flames Beynəlxalq Yaradıcılıq və Effektivlik Festivalı
Bakı Flames Beynəlxalq Yaradıcılıq və Effektivlik Festivalı və ya qısaca Baku Flames Festivalı — Azərbaycanda yaradıcılığın və yaradıcı sənayenin inkişafı təşəbbüsü ilə təşkil olunan tədbir. Festivalın ilk buraxılışı 2-3 may 2025-ci ildə baş tutacaq.[1]
| Baku Flames Beynəlxalq Yaradıcılıq və Effektivlik Festivalı | |
|---|---|
 | |
| Janr | yaradıcılıq, reklam, yaradıcı sənaye, marketinq |
| Tezliyi | ildə 1 dəfə |
| Məkan | Jolly Joker Bakı |
| Yer | Bakı, Azərbaycan |
| Yaradılıb | 2-3 may 2025 (ilk tədbir) |
| Vebsayt | bakuflames.az |
Bu konvensiyada marketinq və yaradıcılıq mövzuları barədə interaktiv təlimlər, sessiyalar və panel müzakirələri baş tutacaq. Festivalı beynəlxalq edən onun yaxın region və dünyanın müxtəlif ölkələrindən yaradıcı mütəxəssisləri bir araya gətirməsidir.[2]
Tədbir ingilis dilində olacaq.
Rəsmi olaraq festival barədə ilk elan 6 yanvar 2025-ci ildə paylaşılıb. 10 fevraldan etibarən isə festivalın rəsmi saytından biletlərin alış-satışı başlanıb. Biletlər 4 növ üzrə satılır: "Klassik", "Tələbə", VIP və "Young Lions". Sonuncu bilet növünü alan şəxslər "Young Lions Azerbaijan" müsabiqəsinə qoşulmaq imkanı qazanır.[3] Həmin müsabiqə üzrə nominantların qısa siyahısı 29 apreldə açıqlanacaq. Qaliblər isə festivalın ikinci günündə bəlli olacaq.
Bununla yanaşı, festival öz yaradıcılığı ilə mükafat qazanmaq və regionda özünü daha da tanıtmaq istəyən markalar üçün müxtəlif imkanlar yaradıb. İşlərin qəbulu üçün 4 istiqamət və bunların daxilində 14 kateqoriya, həmçinin yüzlərlə subkateqoriya nəzərdə tutulub.[3] 4 istiqamətə daxildir: Əsas, Dizayn Mükəmməlliyi, Bağlantı və Əlaqə və Effektiv Dəyişiklik.[4]
27 yanvarda holland küçə sənətçisi Street Art Frankey[nid.]-nin tədbirdə iştirak edəcəyi elan edilib.[5]
10 fevralda festival Özbəkistanın Marketinq Assosiasiyası tərəfindən marketinqin effektivliyini qiymətləndirmək məqsədi ilə istifadə olunan reytinq siyahısına daxil edilib.
Tədbirin ətraflı proqramı və spikerlər barədə dəqiq məlumat hələ ki, mövcud deyil.
- ↑ "Baku Flames 2025 приема заявки за първото си издание!" (bolqar). baca.bg. 26 fev 2025. İstifadə tarixi: 11 mart 2025.
- ↑ “Baku Flames” regionun yaradıcılıq səhnəsini işıqlandırmağa gəlir!.
- ↑ 1 2 "Baku Flames 2025" üçün iştirak və müraciət qeydiyyatı başladı
- ↑ "Baku Flames 2025 için geri sayım başladı" (türk). Mediacat.com. 6 mar 2025. İstifadə tarixi: 11 mart 2025.
- ↑ "Street Art Frankey is coming to Baku Flames!". bakuflames.az. 27 yan 2025. İstifadə tarixi: 11 mart 2025.