Babazənan palçıq vulkanı — Azərbaycan Respublikasının palçıq vulkanlarından biri.[1]
| Babazənan palçıq vulkanı | |
|---|---|
| Yerləşməsi | |
| Ölkə |
 Azərbaycan |
Babazənan palçıq vulkanı təzahürləri eyni adlı yüksəkliyin beş sahəsində qruplaşıblar. Bunlardan ən diqqətəlayiqi iri salzadan (60*50) ibarət Qırlıq gölüdür. Bakıdan 115 km cənub-qərbdə və Salyan şəhərindən 10 km cənub-şərqdə periklinalına aiddir. Qırışığın tağı və şimal-şərq qanadının tağyanı hissəsi tavandan 750 m dərinliyə qədər yuyulmuş məhsuldar, qat çöküntülərindən, qanadları isə akçaqıl, Abşeron və dördüncü dövr çöküntülərindən təşkil olunub. Qırışıq nisbətən meylli şimal-şərq (25-35 dərəcə) və dik (60-80 dərəcə)cənub-qərb qanadlara malikdir. Qırışığın tağyanı sahəsi iki uzununa pozulma ilə mürəkkəbləşib. Qırlıq gölünün yerləşdiyi şimal-şərq pozulması yerdəyişmə amlitudası 200-700 m. olan fay səciyyəlidir.Vulkan uzununa və eninə pozulmaların kəsişmə qovşağında yerləşir. Seysmik kəşfiyyatın məlumatlarına görə, palçıq vulkanından şimal-qərbdə və cənub-şərqdə iki eninə pozulma Durovdağ sahəsini müstəqil tektonik blok kimi ayırır.
- ↑ "Dünya palçıq vulkanlarının atlası (2015)". səh: 93. 2024-03-13 tarixində arxivləşdirilib.