Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBabək Bəkir (23 noyabr 1972) — Azərbaycan jurnalisti, uzun illər "Azadlıq Radiosu"nun Bakı bürosunun əməkdaşı və rəhbər əvəzi olmuş media nümayəndəsi. O, jurnalist fəaliyyəti dövründə dövlət qurumlarının təzyiqlərinə məruz qalmış, dəfələrlə istintaqa çağırılmış, həmçinin ölkədən çıxışına qadağa qoyulmuşdur. Babək Bəkir həm də beynəlxalq təşkilatlar tərəfindən müdafiə olunmuş və jurnalist mükafatına layiq görülmüşdür.
| Babək Bəkir | |
|---|---|
| Doğum tarixi | 23 noyabr 1972 (52 yaş) |
| Fəaliyyəti | jurnalist |
| Fəaliyyət illəri | 1997–2014 |
Babək Bəkir 1997-ci ildən "Azadlıq Radiosu"nda çalışmağa başlamışdır.[1] O, müxtəlif mövzularda reportajlar hazırlamış, sosial və siyasi problemlərlə bağlı materialları ilə tanınmışdır. 2009-cu ildən etibarən Babək Bəkir bir neçə dəfə istintaq orqanlarına çağırılmışdır. O, "Azadlıq Radiosu"nun fəaliyyətinə dair açılan cinayət işi çərçivəsində həmkarları ilə birlikdə ifadə vermişdir.[2][3] 2010-cu ilin sentyabr ayından 2014-cü ilin may ayına qədər "Azadlıq Radiosu"nun Bakı bürosunda rəhbər əvəzi kimi fəaliyyət göstərmişdir.[1]
Babək Bəkir dəfələrlə təhdid və təzyiqlərlə üzləşmiş, təhlükəsizliyinin təmin olunması üçün Prezident Administrasiyasına müraciət etmişdir.[4] Beynəlxalq təşkilatlar, o cümlədən IFEX, onun və digər jurnalistlərin üzləşdiyi təzyiqləri pisləmişdir.[5][6]
2014-cü ilin iyulunda yayılmış xəbərlərə görə, bu vəzifədən uzaqlaşdırılmış, onun yerinə Zeynal Məmmədli təyin edilmişdir.[7] Məmmədli bunu təkzib etmişdir.[8] Həmin il Bakı bürosunda istintaq tədbirləri aparılam zaman Babək Bəkir də şahid qismində dindirilmiş və həmin vaxt ofisin qapısı möhürlənmişdir.[1]
2015-ci ilin fevralında Babək Bəkir Heydər Əliyev adına Beynəlxalq Hava Limanında uçuşa buraxılmamışdır. Sonradan məlum olmuşdur ki, Baş Prokurorluq onun ölkədən çıxışına qadağa qoymuşdur.[9]
Babək Bəkir peşəkar fəaliyyəti ilə bağlı beynəlxalq tanınma əldə etmişdir. RFE/RL məlumatına görə, o, jurnalist araşdırmaları və söz azadlığının müdafiəsi sahəsində göstərdiyi xidmətlərinə görə mükafata layiq görülmüşdür.[10] Əlavə olaraq, Babək Bəkir 2007-ci ildə və 2009-cu ildə jurnalist araşdırmaları və söz azadlığı sahəsində uğurları ilə diqqət çəkmiş, təqdirnamələr və mükafatlara layiq görülmüşdür.[11][12]
- ↑ 1 2 3 "Babək Bəkir ifadə verib". musavat.com.
- ↑ "AzadlıqRadiosu əməkdaşlarının istintaqa dedikləri..." musavat.com.
- ↑ "Azərbaycan ordusunda kütləvi zəhərlənmə". 27 may 2009 – www.azadliq.org vasitəsilə.
- ↑ "Hədələnən jurnalist prezidentə müraciət edib". Modern.az.
- ↑ "Recent harassment of several journalists". 20 avqust 1998.
- ↑ "Պանորամա | Հայաստանի նորություններ". www.panorama.am.
- ↑ "ABŞ Zeynal Məmmədliyə vəzifə verdi". Axar.Az. 18 iyul 2014.
- ↑ "Zeynal Məmmədli təkzib etdi: "Azadlıq" radiosunun Bakı ofisinin rəhbəri dəyişməyib"". Modern.az.
- ↑ "Babək Bəkirin ölkədən çıxışına qadağan qoyulub | Qaynarinfo.az". qaynarinfo.az.
- ↑ "Azeri Reporter Wins Top Prize". 17 iyul 2008.
- ↑ "«Media açarı» müsabiqəsinin qalibləri məlumdur". 21 iyul 2009 – www.azadliq.org vasitəsilə.
- ↑ "Elmar Hüseynov mükafatının qalibləri elan olundu". 22 iyul 2008 – www.azadliq.org vasitəsilə.