BMT Təhlükəsizlik Şurasının 822 saylı qətnaməsi — 30 aprel 1993-cü ildə yekdilliklə qəbul edilmiş BMT qətnaməsi. Ermənistanla Azərbaycan arasındakı əlaqələrin pisləşməsinə və döyüşlərin daha da artmasına və bölgədəki humanitar vəziyyətin pisləşməsinə narahatlıq göstərdikdən sonra, şura Dağlıq Qarabağın yaxınlığında Kəlbəcər rayonundakı erməni işğalçı qüvvələrinin təcili olaraq hərbi əməliyyatları dayandırmasını tələb edib.[1]
| Birləşmiş Millətlər Təşkilatının Təhlükəsizlik Şurası | |
| 822 saylı qətnamə | |
|---|---|
 | |
| Tarixi | 30 aprel 1993 |
| Sessiya | № 3,205 |
| Kod | S/RES/822 |
| Səsvermə |
|
| Nəticə | Qəbul edildi |
| Təhlükəsizlik Şurasının tərkibi 1993-cü ildə | |
| Daimi üzvlər | |
| Qeyri-daimi üzvlər | |
| Sənəd | |
Qarabağ müharibəsi 1980-ci ilin sonlarından 1994-cü ilin mayına qədər, Azərbaycanın cənub-qərbindəki Dağlıq Qarabağın bölgəsində, Ermənistan və Azərbaycan arasında baş vermiş etnik-ərazi münaqişəsidir. Müharibə irəlilədikcə, keçmiş sovet respublikaları olan Ermənistan və Azərbaycan Qarabağın dağlıq yüksəkliklərində uzun müddət davam edən, elan edilməmiş bir müharibəyə girib, Dağlıq Qarabağdakı separatçı hərəkatı ləğv etməyə çalışdı.[2][3]
1992-ci ilə qədər bu iki ölkə arasında tam miqyaslı bir müharibə vəziyyəti vardı. Qış yaxınlaşdıqca, hər iki tərəf əsasən qaz və elektrik kimi resursların yerli istifadəyə qorunması üçün genişmiqyaslı hücumların başlamasından çəkinməmişdir. Qarabağda yaşayan sakinlər üçün iqtisadi yolun açılmasına baxmayaraq, həm Ermənistan, həm də Azərbaycan tərəfindən qoyulan iqtisadi blokadalar səbəbindən yol böyük zərər gördü.[4] 1992-1993-cü ilin qış ayları xüsusilə soyuq keçdi, çünki Ermənistan və Qarabağda bir çox ailələr istilik və isti su olmadan yaşamaq məcburiyyətində qaldılar.[5]
1993-cü ilin yazında erməni qüvvələri əvvəlki illərdən etibarən azərbaycanlıların tutduğu Qarabağın şimalında yerləşən kəndlərə yönəlmiş yeni hücumlara başladılar.[6] Bu hərbi məğlubiyyətlər Azərbaycanın daxili cəbhəsində məyusluqlar yaratdı. Ermənistan isə siyasi tərəddüd və prezident Levon Ter-Petrosyana qarşı artan etirazlarla üz-üzə qaldı.[7]
- ↑ Europa Publications Limited. Eastern Europe and the Commonwealth of Independent States, Volume 4 (30th). London: Routledge. 1999. səh. 176. ISBN 978-1-85743-058-5.
- ↑ Rieff, David. "Without Rules or Pity". Foreign Affairs. Council on Foreign Relations. 76 (2). iyun 1997. 20 iyul 2008 tarixində arxivləşdirilib. İstifadə tarixi: 13 fevral 2007.
- ↑ Lieberman, Benjamin. Terrible Fate: Ethnic Cleansing in the Making of Modern Europe. Chicago: Ivan R. Dee. 2006. 284–292. ISBN 1-56663-646-9.
- ↑ Croissant, Michael P. The Armenia-Azerbaijan Conflict: Causes and Implications. London: Praeger. 1998. ISBN 0-275-96241-5.
- ↑ Chrysanthopolous, Leonidas T. Caucasus Chronicles: Nation-building and Diplomacy in Armenia, 1993–1994. Princeton: Gomidas Institute. 2002. ISBN 1-884630-05-7.
- ↑ Bourdreaux, Richard. "Despite Appeals, Karabakh Battles Rage". The Los Angeles Times. 5 yanvar 1993. 21 dekabr 1996 tarixində arxivləşdirilib. İstifadə tarixi: 8 fevral 2007.
- ↑ "Armenians Rally to Protest Leader". The Los Angeles Times. 6 fevral 1993. 14 fevral 2017 tarixində arxivləşdirilib. İstifadə tarixi: 28 dekabr 2018.