Bələdiyyələrlər üzərində yuxarı inzibati nəzarət qurumu

Baş idarənin mərkəzi ofisi Bakı şəhərində yerləşir, ünvan: Bakı, Yasamal rayonu, AZ1065, İnşaatçılar prospekti, 5, tel.: (+994 12) 538-68-42, faks: (+994 12) 539-05-44, e-poçt: municipal.center@justice.gov.az, veb-sayt: belediyye.gov.az.

Baş idarə regional filiallar vasitəsilə bütün Azərbaycan ərazisinə xidmət göstərir.

Azərbaycan Respublikası Ədliyyə Nazirliyinin tərkibində "Bələdiyyələrlə iş və Bələdiyyələrə Metodoloji Yardım Mərkəzi" 1999-cu ildə "Bələdiyyələrin statusu haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 27 iyul 1999-cu il tarixli 162 №-li Fərmanının 1-ci hissəsinin, habelə 3.3-cü və 3.5-ci bəndlərinin icrası qaydasında yaradılmış^[1], onun haqqında ilk Əsasnamə Azərbaycan Respublikası Prezidentinin 2000-ci il 12 iyul tarixli 364 nömrəli Fərmanı ilə təsdiq edilmişdir^[2].

Sonradan Bələdiyyələrlə İş Mərkəzi statusunu qazanmışdır.

2024-cü il iyunun 4-də ad Bələdiyyələrlə İş Baş İdarəsi olaraq dəyişdirilmişdir.

Bu dəyişiklik mərkəzin funksiyalarının genişlənməsi ilə bağlıdır.

Bu dəyişiklik mərkəzin strukturlaşdırılması ilə bağlıdır.

Mərkəzin yaradılması Azərbaycanın yerli özünüidarəetmə sistemini beynəlxalq standartlara uyğunlaşdırmaq məqsədi daşıyır.

Baş idarə Azərbaycanın sosial-iqtisadi inkişafı nəticəsində fəaliyyət dairəsini genişləndirmişdir.

Baş idarə islahatlar nəticəsində fəaliyyət dairəsini genişləndirmişdir.

Baş idarə bələdiyyələrin hüquqi bazasının möhkəmlənməsi nəticəsində fəaliyyət dairəsini genişləndirmişdir.

Məsələn, 2020-ci ildə bələdiyyələrə funksiyaların ilk dəfə delege edilməsi mərkəzin töhfəsidir.

COVID-19 pandemiyası dövründə bələdiyyələrə dəstək mexanizmlərinin yaradılması mərkəzin töhfəsidir.

Baş idarə 2006-cı il Prezident Fərmanı ilə təsdiq edilmiş Ədliyyə Nazirliyinin Nizamnaməsinə əsasən fəaliyyət göstərir.

Azərbaycan Respublikaıs ədliyyə nazirinin əmri ilə təsdiq olunmuş "Azərbaycan Respublikası Ədliyyə Nazirliyinin Bələdiyyələrlə iş baş idarəsi haqqında" Əsasnaməyə əsasən:

"3.1. Baş idarə bu Əsasnamə ilə müəyyən edilmiş fəaliyyət istiqamətlərinə uyğun olaraq aşağıdakı vəzifələri yerinə yetirir:"^[3]

1. bələdiyyələrin fəaliyyətinin qanunvericiliyin tələblərinə uyğun təşkil edilməsinə kömək etmək və onlara metodoloji yardım göstərmək;
2. bələdiyyələr tərəfindən Azərbaycan Respublikasının Konstitusiyasına və qanunlarına, Azərbaycan Respublikası Prezidentinin fərmanlarına və Azərbaycan Respublikası Nazirlər Kabinetinin qərarlarına riayət edilməsinin təmin olunması, bələdiyyələr tərəfindən qanunvericiliyin pozulması hallarının, onları yaradan səbəb 2 və şəraitin aradan qaldırılması məqsədilə qanunvericiliklə müəyyən edilmiş qaydada bələdiyyələrin fəaliyyətinə inzibati nəzarəti həyata keçirmək;
3. bələdiyyələrin fəaliyyətində yol verilmiş qanunvericiliyin pozulması hallarının səbəb və şəraitinin öyrənilməsi və onların gələcəkdə qarşısının alınması məqsədi ilə müvafiq təhlil və ümumiləşdirmələr aparmaq;
4. bələdiyyələrin fəaliyyətində aşkar edilmiş nöqsanların aradan qaldırılması, o cümlədən aktual məsələlər barədə qanunvericiliyin izahı məqsədi ilə tövsiyələr və metodik vəsaitlər hazırlamaq;
5. bələdiyyələrin fəaliyyətinin təşkilinə kömək və onlara metodoloji yardım, bələdiyyələrin fəaliyyətinə inzibati nəzarətin həyata keçirilməsi işində regional ədliyyə idarələrinə metodiki rəhbərlik etmək və bu istiqamətdə işin aparılmasına nəzarət etmək, o cümlədən bu fəaliyyətdə müvafiq elektron informasiya resurslarının imkanlarından istifadə etmək, habelə Naxçıvan Muxtar Respublikasının Ədliyyə Nazirliyinə bələdiyyələrlə iş üzrə metodiki köməklik etmək;
6. bələdiyyə üzvləri və qulluqçuları arasında hüququn ayrı-ayrı sahələrinə dair hüquqi maarifləndirmə tədbirləri keçirməklə onların hüquqi biliklərinin artırılmasına kömək etmək;
7. yerli özünüidarəetmə ilə bağlı qanunvericilik aktları barədə bələdiyyələri məlumatlandırmaq;
8. bələdiyyə üzvlərinin və qulluqçularının sorğularına və vətəndaşların müraciətlərinə cavab vermək;
9. inkişaf etmiş ölkələrin bələdiyyə fəaliyyətinə dair təcrübəsini öyrənmək, mütərəqqi təcrübəni tətbiq etmək məqsədi ilə qarşılıqlı əlaqələrin qurulmasında bələdiyyələrə kömək göstərmək;
10. Baş idarədə kargüzarlıq və arxiv işini təşkil etmək;
11. bələdiyyələrin fəaliyyətinə inzibati nəzarətlə bağlı hər ilin yekunu üzrə öz fəaliyyəti haqqında Azərbaycan Respublikasının Milli Məclisinə illik məruzə hazırlamaq;
12. fəaliyyət istiqamətləri üzrə və Nazirliyin rəhbərliyinin tapşırıqları əsasında digər vəzifələri yerinə yetirmək.

"4.1. Baş idarə öz vəzifələrini həyata keçirmək üçün aşağıdakı hüquqlara malikdir:"^[3]

1. struktur qurumlara, dövlət və yerli özünüidarə orqanlarına, fiziki və hüquqi şəxslərə müraciət etmək, onlara sorğular vermək və məlumatlar almaq;
2. regional ədliyyə idarələrinin ərazi yurisdiksiyası üzrə bələdiyyələrin fəaliyyətinin təşkilinə kömək və onlara metodoloji yardım, inzibati nəzarətin həyata keçirilməsi işinin təşkilini öyrənmək və bu sahədə təkliflər vermək;
3. daxil olan müraciətlər araşdırılarkən işin düzgün həlli üçün əhəmiyyət kəsb edən bütün faktiki halların hərtərəfli, tam və obyektiv öyrənilməsi üçün yerində araşdırma aparmaq və bələdiyyələrin vəzifəli şəxslərindən, bələdiyyə qulluqçularından və digər aidiyyəti şəxslərdən bununla bağlı yazılı şəkildə məlumatlar, arayışlar almaq;
4. bələdiyyələrin fəaliyyətinə inzibati nəzarəti həyata keçirərkən bələdiyyələrin fəaliyyətində qanunçuluq prinsipinə riayət olunmasının təmin edilməsi ilə bağlı təhlil və ümumiləşdirmələr aparmaq, onları öz təklif və tövsiyələri ilə birlikdə müvafiq bələdiyyələrə təqdim etmək;
5. İnzibati nəzarət icraatı nəticəsində bələdiyyə aktının bu Əsasnamənin 3.1.2-ci yarımbəndində göstərilən normativ hüquqi aktlara zidd olması barədə kifayət qədər əsas olduqda aktın qanunvericiliklə müəyyən olunmuş müddətdə dəyişdirilməsi və ya ləğv edilməsi haqqında müvafiq bələdiyyəyə təklif vermək və qanunvericiliklə müəyyən olunmuş müddət ərzində həmin təklif bələdiyyə tərəfindən yerinə yetirilmədikdə məhkəməyə müraciət etmək;
6. hər hansı bələdiyyə aktı və ya bələdiyyənin fəaliyyəti dövlət mənafelərinə və ya ictimai mənafelərə ziyan vura bilərsə, dərhal həmin aktın ləğv edilməsi (dəyişdirilməsi) və ya həmin fəaliyyətə xitam verilməsi haqqında müvafiq bələdiyyəyə təklif vermək və təklif qanunvericiliklə müəyyən edilmiş müddətdə bələdiyyə tərəfindən yerinə yetirilmədikdə məhkəməyə müraciət etmək;
7. müvafiq qanunvericiliyin tələbləri pozulduqda yerli rəy sorğusunun təyin edilməsi haqqında qərardan məhkəməyə şikayət vermək;
8. bələdiyyələrin fəaliyyətinə inzibati nəzarəti həyata keçirən orqan tərəfindən araşdırmaların aparılmasına maneçilik törədilməsinə və bələdiyyələrin fəaliyyətinə inzibati nəzarəti həyata keçirən orqana mütləq təqdim olunmalı bələdiyyə aktlarının surətlərinin vaxtında həmin orqanın informasiya sistemində yerləşdirilməməsinə görə inzibati məsuliyyətə cəlb edilmə məsələsinin həlli üçün məhkəməyə müraciət etmək;
9. İnzibati nəzarət icraatı nəticəsində aşkar edilmiş qanunazidd fəaliyyətin dayandırılması və vurulmuş ziyanın aradan qaldırılması, dövlət qeydiyyatına alınmamış normativ xarakterli aktın tətbiqi halları aşkar olunduqda həmin aktın tətbiqinin dayandırılması və qeydiyyata alınması barədə bələdiyyələrə müraciət etmək; Aşkar olunan dövlət qeydiyyatına alınmamış normativ xarakterli aktın tətbiqi halları ilə bağlı eyni zamanda Azərbaycan Respublikası Prezidentinin 2011-ci il 1 iyul tarixli 463 nömrəli Fərmanı^[4] ilə təsdiq edilmiş “Hüquqi aktların Azərbaycan Respublikasının Hüquqi Aktların Dövlət Reyestrinə daxil edilməsi qaydaları haqqında Əsasnamə” ilə nəzərdə tutulmuş tədbirlərin görülməsi üçün Nazirliyin Qanunvericilik baş idarəsinə məlumat vermək;
10. bələdiyyənin fəaliyyətində cinayət əlamətləri aşkar olunduqda müvafiq tədbir görülməsi üçün səlahiyyətli dövlət orqanlarına (qurumlarına) müraciət etmək;
11. bələdiyyələrə kömək məqsədilə bələdiyyə assosiasiyaları, dövlət və qeyri-dövlət təşkilatları ilə birgə layihələr hazırlamaq və həyata keçirmək;
12. yerli özünüidarəetmə fəaliyyətinin təkmilləşdirilməsi, o cümlədən bələdiyyə üzvləri və qulluqçularının peşəkarlıq səviyyəsinin artırılması məqsədilə xarici dövlətlərin yerli özünüidarəetmə orqanları, onların assosiasiyaları və ixtisaslaşdırılmış təşkilatları ilə təcrübə mübadiləsi təşkil etmək;
13. bələdiyyələrlə iş üzrə beynəlxalq əməkdaşlıq məsələlərinə dair təkliflər vermək;
14. bələdiyyələrin kadr potensialının təkmilləşdirilməsi işində iştirak etmək;
15. müstəqil ekspertləri və mütəxəssisləri qanunvericiliklə müəyyən edilmiş qaydada öz fəaliyyətinə cəlb etmək;
16. vəzifələrinin icrası ilə əlaqədar digər hüquqları həyata keçirmək.

Baş idarə öz fəaliyyətini Ədliyyə Nazirliyinin regional ədliyyə idarələri ilə əlaqəli şəkildə qurur.

Baş idarə birbaşçılıq prinsipi əsasında təşkil olunmaqla, onun strukturu və ştat sayı Ədliyyə Naziri tərəfindən təsdiq edilir; Baş idarəyə rəis rəhbərlik edir.

Baş idarəyə Azərbaycan Respublikasının ədliyyə naziri tərəfindən vəzifəyə təyin və vəzifədən azad olunan rəis rəhbərlik edir. Rəis Baş idarəyə həvalə olunmuş vəzifələrin yerinə yetirilməsi və hüquqların həyata keçirilməsi üçün şəxsən məsuliyyət daşıyır. Baş idarənin rəisinin Azərbaycan Respublikasının ədliyyə naziri tərəfindən vəzifəyə təyin və vəzifədən azad edilən müavini vardır. Baş idarənin rəis müavini ona həvalə edilmiş vəzifələri yerinə yetirir və bunun üçün şəxsən məsuliyyət daşıyır. Baş idarənin struktur qurumlarına Azərbaycan Respublikasının ədliyyə naziri tərəfindən vəzifəyə təyin və vəzifədən azad edilən rəislər rəhbərlik edirlər. Baş idarənin rəis müavini və işçiləri öz funksiyalarını vəzifə və iş bölgüsünə əsasən yerinə yetirirlər^[3].

Baş idarənin strukturuna inzibati nəzarət idarəsi, habelə analitik təhlil və metodoloji yardım şöbəsi daxildir.

"6.1. İnzibati nəzarət idarəsinin vəzifələri aşağıdakılardır:"^[3]

1. bələdiyyələr tərəfindən bu Əsasnamənin 3.1.2-ci yarımbəndində göstərilən normativ hüquqi aktlara riayət edilməsinin təmin olunması, bələdiyyələr tərəfindən qanunvericiliyin pozulması hallarının, onları yaradan səbəb və şəraitin aradan qaldırılması məqsədilə qanunvericiliklə müəyyən edilmiş qaydada bələdiyyələrin fəaliyyətinə inzibati nəzarəti həyata keçirmək;
2. İnzibati nəzarət icraatının həyata keçirilməsi zamanı zəruri sənədlərin və məlumatların təqdim edilməsi barədə bələdiyyələrə, dövlət orqanlarına (qurumlarına), habelə digər təşkilatlara müraciət edilməsi barədə Baş idarənin rəhbərliyinə təkliflər vermək;
3. İnzibati nəzarət icraatı nəticəsində aşkar edilmiş qanunazidd fəaliyyətin dayandırılması və vurulmuş ziyanın aradan qaldırılması ilə bağlı bələdiyyələrə müraciət edilməsi barədə Baş idarənin rəhbərliyinə təkliflər vermək;
4. bələdiyyələrin fəaliyyətinə inzibati nəzarəti həyata keçirərkən bələdiyyələrin dövlət qeydiyyatına alınmamış normativ xarakterli aktının tətbiqi halları aşkar olunduqda həmin aktın tətbiqinin dayandırılması və qeydiyyata alınması üçün bələdiyyələrə müraciət edilməsi barədə Baş idarənin rəhbərliyinə təkliflər vermək;
5. bələdiyyələrin fəaliyyətinə inzibati nəzarəti həyata keçirən orqan tərəfindən araşdırmaların aparılmasına maneçilik törədilməsinə və bələdiyyələrin fəaliyyətinə inzibati nəzarəti həyata keçirən orqana mütləq təqdim olunmalı bələdiyyə aktlarının surətlərinin vaxtında bələdiyyələrin fəaliyyətinə inzibati nəzarəti həyata keçirən orqanın informasiya sistemində yerləşdirilməməsinə görə inzibati məsuliyyətə cəlb edilmə barədə Baş idarənin rəhbərliyinə təklif vermək;
6. bələdiyyələrin bu Əsasnamənin 3.1.2-ci yarımbəndində göstərilən normativ hüquqi aktlara zidd aktlarının ləğv edilməsi və ya dəyişdirilməsi üçün qanunla müəyyən edilmiş tədbirlərin həyata keçirilməsi barədə Baş idarənin rəhbərliyinə təkliflər vermək;
7. inzibati nəzarətin həyata keçirilməsi zamanı aşkar olunmuş qanun pozuntularının profilaktikası məqsədilə tədbirlər keçirilməsi barədə təkliflər hazırlamaq;
8. inzibati nəzarətin həyata keçirilməsi zamanı zərurət yarandıqda ekspertlərin və mütəxəssislərin cəlb edilməsi haqqında Baş idarənin rəhbərliyinə təklif vermək;
9. idarənin fəaliyyətinin təkmilləşdirilməsi barədə Baş idarənin rəhbərliyinə təkliflər vermək;
10. fəaliyyət istiqamətləri üzrə məsələlərin Nazirliyin kollegiyasının müzakirəsinə çıxarılması barədə Baş idarənin rəhbərliyinə təklif vermək, fəaliyyəti ilə bağlı aidiyyəti məsələləri Nazirliyin kollegiyasının müzakirəsinə hazırlamaq;
11. bələdiyyələrdə işin təşkilinə, inzibati nəzarət icraatının və qanunvericiliyin təkmilləşdirilməsinə dair Baş idarənin rəhbərliyinə təkliflər vermək;
12. fəaliyyət istiqamətlərinə uyğun görülmüş işlər barədə hesabatlar hazırlamaq və bələdiyyələrin fəaliyyətinə inzibati nəzarətlə bağlı hər ilin yekunu üzrə Baş idarənin fəaliyyəti haqqında Azərbaycan Respublikasının Milli Məclisinə illik məruzənin hazırlanmasında iştirak etmək;
13. fəaliyyət istiqamətləri üzrə bələdiyyə üzvlərinin və qulluqçularının sorğularına, vətəndaşların müraciətlərinə cavab hazırlamaq;
14. fəaliyyət istiqamətləri üzrə, habelə Nazirliyin və Baş idarə rəhbərliyinin tapşırıqları əsasında digər vəzifələri yerinə yetirmək.

"6.2. Analitik təhlil və metodoloji yardım şöbəsinin vəzifələri aşağıdakılardır:"^[3]

1. bələdiyyələrin fəaliyyətinin qanunvericiliyin tələblərinə uyğun təşkil edilməsinə kömək etmək və onlara metodoloji yardım göstərmək;
2. bələdiyyələrin fəaliyyətində yol verilmiş qanun pozuntularının səbəb və şəraitinin öyrənilməsi və onların gələcəkdə qarşısının alınması məqsədi ilə müvafiq təhlil, statistik hesablamalar və ümumiləşdirmələr aparmaq;
3. bələdiyyələrin fəaliyyətində aşkar edilmiş nöqsanların aradan qaldırılması, o cümlədən aktual məsələlər barədə qanunvericiliyin izahı məqsədi ilə tövsiyələr və metodik vəsaitlər hazırlanması ilə bağlı Baş idarənin rəhbərliyinə təkliflər vermək və hazırlanmasını təmin etmək;
4. bələdiyyə üzvləri və qulluqçuları arasında hüququn ayrı-ayrı sahələrinə dair hüquqi maarifləndirmə tədbirləri keçirməklə onların hüquqi biliklərinin artırılmasına kömək etmək;
5. yerli özünüidarəetmə ilə bağlı qanun layihələrinin hazırlanması, o cümlədən mövcud qanunvericiliyin təkmilləşdirilməsi ilə bağlı Baş idarənin rəhbərliyinə təkliflər vermək;
6. yerli özünüidarəetmə ilə bağlı qanunvericilik aktları barədə bələdiyyələri məlumatlandırmaq;
7. inkişaf etmiş ölkələrin bələdiyyə fəaliyyətinə dair təcrübəsini öyrənmək, mütərəqqi təcrübəni tətbiq etmək məqsədi ilə qarşılıqlı əlaqələrin qurulmasında bələdiyyələrə kömək göstərilməsi istiqamətində Baş idarənin rəhbərliyinə təkliflər vermək;
8. bələdiyyələrin fəaliyyətinin təşkilinə kömək və onlara metodoloji yardım göstərilən zaman zərurət yarandıqda ekspertlərin və mütəxəssislərin cəlb edilməsi haqqında Baş idarənin rəhbərliyinə təklif vermək;
9. şöbənin fəaliyyətinin təkmilləşdirilməsi barədə Baş idarənin rəhbərliyinə təkliflər vermək;
10. fəaliyyət istiqamətləri üzrə məsələlərin Nazirliyin kollegiyasının müzakirəsinə çıxarılması barədə Baş idarənin rəhbərliyinə təklif vermək, fəaliyyəti ilə bağlı aidiyyəti məsələləri Nazirliyin kollegiyasının müzakirəsinə hazırlamaq;
11. fəaliyyət istiqamətləri üzrə vəzifələrinin icrası ilə əlaqədar zəruri sənədlərin və məlumatların təqdim edilməsi barədə bələdiyyələrə, dövlət orqanlarına (qurumlarına), habelə digər təşkilatlara müraciət edilməsi barədə Baş idarənin rəhbərliyinə təkliflər vermək;
12. fəaliyyət istiqamətlərinə uyğun görülmüş işlər barədə hesabatları, bələdiyyələrin fəaliyyətinə inzibati nəzarətlə bağlı hər ilin yekunu üzrə Baş idarənin fəaliyyəti haqqında Azərbaycan Respublikasının Milli Məclisinə təqdim olunan illik məruzəni hazırlamaq və bu məqsədilə mütəmadi ümumiləşdirmələrin aparılmasını, məlumat bazasının formalaşdırılmasını təmin etmək;
13. fəaliyyət istiqamətləri üzrə bələdiyyə üzvlərinin və qulluqçularının sorğularına, vətəndaşların müraciətlərinə cavab hazırlamaq;
14. bələdiyyələrlə iş sahəsində elektron informasiya sistemlərindən istifadəni təşkil etmək, bələdiyyələrin fəaliyyəti ilə bağlı hazırlanmış məlumatların “Bələdiyyələrlə iş” informasiya sistemi və media vasitəsilə yayımlanmasını təşkil etmək;
15. fəaliyyət istiqamətləri üzrə, habelə Nazirliyin və Baş idarə rəhbərliyinin tapşırıqları əsasında digər vəzifələri yerinə yetirmək.

Baş idarə işini fəaliyyət istiqamətləri, habelə Nazirliyin iş planı əsasında həyata keçirir.

Baş idarədə işin təşkili və vəziyyəti, Nazirliyin iş planında nəzərdə tutulmuş tədbirlərin yerinə yetirilməsi, qarşıda duran vəzifələrin həyata keçirilməsi ilə əlaqədar məsələlər mütəmadi olaraq Baş idarənin rəisinin yanında keçirilən iclaslarda müzakirə edilir.

Baş idarə Azərbaycan Respublikasında yerli demokratiyanın inkişafında strateji rol oynayır. Belə ki, qurum bələdiyyələrin Azərbaycanda bir idarəçilik təsisatı kimi formalaşmasını və tanınmasını təmin etmək, o cümlədən səlahiyyətlərini dəqiqləşdirmək, maliyyə müstəqilliyini gücləndirmək, hüquqi təminatını yaxşçılaşdırmaq üçün səylər göstərir.

Bələdiyyələrlə çalışan beynəlxalq təşkilatlar Baş idarənin metodoloji yardım və tövsiyələrini nəzərə alaraq bələdiyyələrin statusunun qaldırılması istiqamətində layihələr təklif edirlər.

2025-ci ildən etibarən Baş idarə rəqəmsal transformasiyası layihələri həyata keçirilir, bu məqsədlə Ədliyyə Nazirlyinin elektron informasiya ehtiyat və sistemlərinin inteqrasiyası həyata keçirilir və getdikdə bütün idarəetmə proseslərinin avtomatlaşdırılması, süni intellekt məhsullarının tətbiqi üçün tədbirlər görülür^[5].

1. ↑ Hüquqi Aktların Dövlət Reyestri. "Bələdiyyələrin statusu haqqında" Azərbaycan Respublikası Qanununun tətbiq edilməsi barədə" 27 iyul 1999-cu il tarixli 162 №-li Prezident Fərmanı". e-qanun.az (az.). İstifadə tarixi: 4 noyabr 2025.
2. ↑ Hüquqi Aktların Dövlət Reyestri. "Azərbaycan Respublikasının Ədliyyə Nazirliyi nəzdində Bələdiyyələrlə İş və Bələdiyyələrə Metodoloji Yardım Mərkəzi haqqında Əsasnamənin təsdiq edilməsi barədə" 12 iyul 2000-ci il tarixli 364 №-li Prezident Fərmanı". e-qanun.az (az.). İstifadə tarixi: 4 noyabr 2025.
3. ↑ ^{1 2 3 4 5} Azərbaycan Respublikasının Ədliyyə Nazirliyi. "Azərbaycan Respublikası Ədliyyə Nazirliyinin Bələdiyyələrlə iş baş idarəsi haqqında" ƏSASNAMƏ (PDF) (az.). 2025.
4. ↑ Hüquqi Aktların Dövlət Reyestri. "Hüquqi aktların Azərbaycan Respublikasının Hüquqi Aktların Dövlət Reyestrinə daxil edilməsi qaydaları haqqında Əsasnamə"nin təsdiq edilməsi barədə" 1 iyul 2011-ci il tarixli 463 №-li Prezident Fərmanı". e-qanun.az (az.). İstifadə tarixi: 5 noyabr 2025.
5. ↑ "Azərbaycan Respublikasının Ədliyyə Nazirliyi". justice.gov.az. İstifadə tarixi: 6 noyabr 2025.