Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu səhifədə iş davam etməkdədir. |
Bələdiyyələrlə iş baş idarəsi — Azərbaycan Respublikası Ədliyyə Nazirliyinin strukturuna daxil olan, bələdiyyələrin fəaliyyətinə inzibati nəzaarətin həyata keçirilməsi və onlara metodoloji yardım göstərilməsi, bu istiqamətdə regional ədliyyə idarələrinin fəaliyyətinin əlaqələndirilməsi funksiyalarını icra edən baş idarə səlahiyyətli struktur bölməsi
| Bələdiyyələrlə iş baş idarəsi | |
|---|---|
| Ümumi məlumatlar | |
| Ölkə | |
| Yaradılma tarixi | 1999 |
| Baş qərargah | |
Baş idarənin mərkəzi ofisi Bakı şəhərində yerləşir, ünvan: İnşaatçılar prospekti, 5, Bakı, Yasamal rayonu, AZ1065, tel.: (+994 12) 538-68-42, faks: (+994 12) 539-05-44, e-poçt: municipal.center@justice.gov.az, veb-sayt: belediyye.gov.az.
Baş idarə regional filiallar vasitəsilə bütün Azərbaycan ərazisinə xidmət göstərir.
Azərbaycan Respublikası Ədliyyə Nazirliyinin tərkibində "Bələdiyyələrlə iş və Bələdiyyələrə Metodoloji Yardım Mərkəzi" 1999-cu ildə "Bələdiyyələrin statusu haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 27 iyul 1999-cu il tarixli 162 №-li Fərmanının 1-ci hissəsinin, habelə 3.3-cü və 3.5-ci bəndlərinin icrası qaydasında yaradılmış[1], onun haqqında Əsasnamə Azərbaycan Respublikası Prezidentinin 2000-ci il 12 iyul tarixli 364 nömrəli Fərmanı ilə təsdiq edilmişdir[2].
Baş idarə öz fəaliyyətini Ədliyyə Nazirliyinin regional ədliyyə idarələri ilə əlaqəli şəkildə qurur.
Baş idarə birbaşçılıq prinsipi əsasında təşkil olunmaqla, onun strukturu və ştat sayı Ədliyyə Naziri tərəfindən təsdiq edilir; Baş idarəyə rəis rəhbərlik edir, rəis nazir tərəfindən vəzifəyə təyin və vəzifədən azad olunur.
Baş idarənin strukturuna inzibati nəzarət idarəsi, habelə analitik təhlil və metodoloji yardım şöbəsi daxildir.
İnzibati Nəzarət İdarəsi:
- bələdiyyələrin fəaliyyətinə nəzarət edir;
- yerli vergilərin yığılmasını təşviq edir;
- icra proseslərini izləyir.
Analitik təhlil və metodoloji yardım şöbəsi:
- bələdiyyələrə təlim seminarları verir;
- bələdiyyələrlə müşavirələr keçirir;
- bələdiyyələrə tövsiyələr verir.
.
- ↑ Hüquqi Aktların Dövlət Reyestri. "Bələdiyyələrin statusu haqqında" Azərbaycan Respublikası Qanununun tətbiq edilməsi barədə" 27 iyul 1999-cu il tarixli 162 №-li Prezident Fərmanı". e-qanun.az (az.). İstifadə tarixi: 4 noyabr 2025.
- ↑ Hüquqi Aktların Dövlət Reyestri. "Azərbaycan Respublikasının Ədliyyə Nazirliyi nəzdində Bələdiyyələrlə İş və Bələdiyyələrə Metodoloji Yardım Mərkəzi haqqında Əsasnamənin təsdiq edilməsi barədə" 12 iyul 2000-ci il tarixli 364 №-li Prezident Fərmanı". e-qanun.az (az.). İstifadə tarixi: 4 noyabr 2025.