Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Bəhram Babaxan oğlu Əliyev (13 mart 1950 – 31 dekabr 2024) — Azərbaycan Dövlət Akademik Opera və Balet Teatrının tenor səs tembrinə malik yüksək dərəcəli solisti, Azərbaycan Respublikasının əməkdar artisti (2008).
| Bəhram Əliyev | |
|---|---|
| Ümumi məlumatlar | |
| Doğum tarixi | 13 mart 1950 |
| Vəfat tarixi | 31 dekabr 2024 (74 yaşında) |
| Milliyyəti | azərbaycanlı |
| Musiqiçi məlumatları | |
| Fəaliyyəti | opera müğənnisi, aktyor |
| Janrlar | milli və klassik opera tamaşaları |
| Musiqi aləti | royal |
| Səs tembri | Tenor |
| Mükafatları |
 |
Əliyev Bəhram Babaxan oğlu 1950-ci ildə Neftçala rayonunda anadan olmuşdur.
1979-cu ildə Üzeyir Hacıbəyov adına Azərbaycan Dövlət Konservatoriyasını bitirmişdir. Uzun illər Azərbaycan Dövlət Musiqili Komediya Teatrında, Ş. Məmmədova adına Opera studiyasında, Dövlət Xor Kapellasında çalışmışdır.
1993-cü ildən Azərbaycan Dövlət Akademik Opera və Balet Teatrında işləyir. Tenor səs tembrinə malik yüksək dərəcəli solist vokalçıdır.
B. Əliyev teatrın repertuarında olan bir sıra milli və klassik opera tamaşalarında ikinci dərəcəli rolları ifa edir. Buna baxmayaraq onun ifası istər vokal, istərsə də aktyorluq cəhətdən hər zaman professionallığı ilə fərqlənir. Onun Ü. Hacıbəyovun "Koroğlu" operasında ifa etdiyi Həmzə bəy, M. Maqomayevin "Şah İsmayıl" operasında Vəzir, R. Mustafayevin "Vaqif" tamaşasında Əli bəy, F. Əmirovun "Sevil" operasında Məmmədəli bəy, Z. Hacıbəyovun "Aşıq Qərib" operasında Mahmud, habelə C. Puççininin "Çio-Çio-San" operasında Yamadori, R. Leonkovallonun "Payatsı" operasında Kəndli və s. rolları öz fərdiliyi ilə seçilir və sevilir.
B. Əliyev Ü. Hacıbəyovun "O olmasın, bu olsun" tamaşasında "İntilligent Həsən" rolu üzərində çalışıb.
31 dekabr 2024-cü ildə vəfat edib.[1]
- ↑ ""Hicran" tamaşasının "Orxan"ı vəfat etdi". Oxu.az (az.). 2024-12-31 tarixində arxivləşdirilib. İstifadə tarixi: 2024-12-31.