Bu məqalənin ensiklopedik tələblərə cavab vermədiyinə dair şübhələr var. |
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Bəhmən Cabbaroğlu (Babayev Bəhmən Cabbar oğlu; 25 fevral, 1958, Rük, Quba rayonu) — şair, Azərbaycan Yazıçılar Birliyinin üzvü (2023) [1]
| Bəhmən Cabbaroğlu | |
|---|---|
| Bəhmən Cabbar oğlu Babayev | |
| Bəhmən Cabbaroğlu | |
| Təxəllüsü | Cabbaroğlu |
| Doğum tarixi | |
| Doğum yeri | Quba, Rük |
| Vətəndaşlığı | azərbaycanlı |
| Təhsili | ali |
| Fəaliyyəti | şair |
| Fəaliyyət illəri | 1990-cı ildən indiyədək |
| Janrlar | heca, əruz |
| İlk əsəri | Şəhid ömrü |
Bəhmən Cabbaroğlu 1958-ci ildə Quba rayonunun Rük kəndində anadan olmuşdur. Rük kənd və Quba şəhər məktəblərində oxuyub. 1980–1985-ci illərdə SSRİ-də (Rusiya Federasiyası) təhsil aldıqdan sonra bir sıra dövlət müəssisələrində çalışıb. 1989–2023-cü illərdə "Azəriqaz" İstehsalat Birliyində işləyib.
Ədəbi yaradıcılığa tələbəlik illərindən başlayıb. İlk şeiri Perm vilayətində çap olunan "Kama" qəzetində dərc olunub. 1990-cı illərdən ədəbi yaradıcılıqla mütəmadi məşğul olmağa başlayıb. Şairin yaradıcılığında eyni zamanda 5 poema və epopeya da yer alıb. [2]
Şeirləri "Gülüstan İnciləri", "Nəsimi-650, Cahana sığmazam" almanaxlarında, "Xəzinə", "Müasir Azərbaycan Ədəbiyyatı", "Zirvədəkilər" antologiyalarında və bir çox dövrü mətbuat və jurnallarda dərc olunub. AzərKİVHİ-nin üzvüdür (2016).
Hal-hazırda təqaüdçüdür və yaradıcılığını davam etdirir.
- "Şəhid ömrü", Bakı: Araz-2013
- "Tanrı qarğışı", Bakı: Araz-2015
- "Tənhalıqdan qorxmuram ki…", Bakı: Mücrü-2021
- "Bu payız da tələsir", Bakı: Mücrü-2023 [3]
2015-ci ildə "Məmməd Araz" mükafatı ilə təltif olunmuşdur.
2016-cı ildə Azərbaycan Kütləvi İnformasiya Vasitələri İşçiləri Həmkarlar İttifaqı Rəyasət Heyətinin qərarı ilə "Qızıl Qələm" media mükafatı laureatına layiq görülmüşdür.
2019-cu ildə yaradıcılıq uğurlarına görə "Yurd" ədəbi-bədii, elmi-publisistik jurnalının "Nəsimi" poeziya diplomu ilə təltif edilmişdir.
[1] Bəhmən Cabbaroğlu — Bioqrafiya
[3] Ədəbiyyat xadimləri verilişi — Bəhmən Cabbaroğlu yaradıcılığı, 6-cı bölüm Youtube.com