Bəşir Qüdrət oğlu Hacıyev - Kəlbəcər rayonunda Azərbaycan Respublikası Prezidentinin xüsusi nümayəndəsi
| Bəşir Qüdrət oğlu Hacıyev | |
|---|---|
Kəlbəcər rayonunda Azərbaycan Respublikası Prezidentinin xüsusi nümayəndəsi | |
| Prezident | İlham Əliyev |
| Şəxsi məlumatlar | |
| Doğum tarixi | |
| Doğum yeri | Bakı şəhəri |
| Elmi fəaliyyəti | |
| İş yeri | Kəlbəcər rayonunda Azərbaycan Respublikası Prezidentinin Xüsusi Nümayəndəliyi |
Bəşir Haciyev 1979-cu ildə Bakı şəhərində anadan olub.
2000-ci ildə Azərbaycan Universitetinin Filologiya fakültəsinin bakalavr, 2004-cü ildə həmin universitetin Dilşünaslıq fakültəsinin magistr pillələrini bitirib.
2007-ci ildə isə Azərbaycan Dövlət İqtisad Universitetinin Maliyyə-kredit fakültəsindən məzun olub.
2021-ci ilədək özəl sektorda, əsasən turizm sahəsində fəaliyyət göstərib, uzun müddət Azərbaycan Turizm Assosiasiyasının İdarə Heyətinin üzvü olub. Bu zaman o, “İçəri Şəhər” adlı butik oteldə iş fəaliyyətinə başlayıb və on ildən çox müddət ərzində mehmanxana idarəetməsində çalışıb. Karyerası ərzində Bəşir Hacıyev “İçəri Şəhər”, “Hale Kai Hotel”,[1] “Balion Hotel”,[2] “Çiraq Plaza Hotel”,[3] “Sea Breeze Resort”,[4] “Caspian Sea Resort” kimi otelləri idarə edib. Eyni zamanda o, “Balion Group” şirkətinin təsisçisidir. Hazırda həmin şirkətə Bəşir Hacıyevin qardaşı Vüqar Hacıyev rəhbərlik edir.
2021-ci ildə Ağdam, Füzuli və Xocavənd rayonlarında Azərbaycan Respublikası Prezidentinin Xüsusi Nümayəndəliyində fəaliyyətə başlayıb, bu ilin əvvəlindən isə Qarabağ iqtisadi rayonuna daxil olan işğaldan azad olunmuş ərazilərdə (Şuşa rayonu istisna olmaqla) Azərbaycan Respublikası Prezidentinin Xüsusi Nümayəndəliyinin baş məsləhətçisi olub.
2010-cu ildə Azərbaycan Turizm Assosiasiyasi İdarə Heyətinin üzvü, daha sonra ASK-nın tərkibində fəaliyyət göstərən “Turizm” komissiyasının sədr müavini seçilib.[5]
1 iyul 2024-cü il tarixində Azərbaycan Respublikası Prezidentinin 182 nömrəli Sərəncamı[6] ilə Bəşir Qüdrət oğlu Hacıyev Kəlbəcər rayonunda Azərbaycan Respublikası Prezidentinin xüsusi nümayəndəsi təyin edilib.
- ↑ "Hotel Hale Kai Hotel, Baku, Azerbaijan". Nochi.com (rus). İstifadə tarixi: 2025-06-02.
- ↑ "HOTEL BALION | ⋆⋆⋆ | BAKU, AZERBAIJAN | SEASON DEALS FROM $175". balion.hotelinbaku.com. İstifadə tarixi: 2025-06-02.
- ↑ "Homepage 1". Chirag Plaza, Baku | Official Site (ingilis). İstifadə tarixi: 2025-06-02.
- ↑ "Главная страница | SEA BREEZE". www.seabreeze.az (rus). İstifadə tarixi: 2025-06-02.
- ↑ "Prezidentin yüksək vəzifə verdiyi Bəşir Hacıyev kimdir? - DOSYE". musavat.com (az.). İstifadə tarixi: 2025-06-02.
- ↑ Hüquqi Aktların Dövlət Reyestri. "B.Q.Hacıyevin Kəlbəcər rayonunda Azərbaycan Respublikası Prezidentinin xüsusi nümayəndəsi təyin edilməsi haqqında Sərəncam". e-qanun.az (az.). İstifadə tarixi: 2025-06-02.