Böyük Qayıdış
Əhatə etdiyi ərazi Qarabağın işğaldan
azad edilmiş hissəsi,
Şərqi Zəngəzur
Əsas qurucu ölkə Azərbaycan Azərbaycan
Köməkçi qurucu ölkələr Türkiyə Türkiyə (seysmoloji stansiya),
Qazaxıstan Qazaxıstan (yaradıcılıq mərkəzi),
Özbəkistan Özbəkistan (məktəb),
Qırğızıstan Qırğızıstan (məktəb),
Macarıstan Macarıstan (məktəb)
İştirakçı şirkətlərin mənşəyi Türkiyə Türkiyə,
Rusiya Rusiya,
İsrail İsrail,
Macarıstan Macarıstan,
İtaliya İtaliya və s.
Minatəmizləmə dəstəyi Türkiyə Türkiyə,
Böyük Britaniya Birləşmiş Krallıq,
Avropa İttifaqı Avropa İttifaqı və s.
Böyük Qayıdış üçün görülən quruculuq işləri

Böyük Qayıdışİkinci Qarabağ müharibəsindən sonra Azərbaycanın Qarabağın işğaldan azad edilmiş hissəsini və Şərqi Zəngəzuru bərpa etmək və bu ərazilərin yerli sakinləri olan azərbaycanlıları geri qaytarmaq prosesinə verilən ad. Bu layihəyə dağılmış şəhərlərin və binaların yenidən qurulması, ağıllı kəndlərin, eləcə də hava limanlarının tikintisi daxildir.

2026-cı ilə qədər Böyük Qayıdış proqramının I mərhələsinin tamamlanacağı və bu mərhələdə 140 min məcburi köçkünün Qarabağ və Şərqi Zəngəzura qayıdacağı planlaşdırılır. Hal-hazırda işğaldan azad edilmiş Qarabağ və Şərqi Zəngəzurun 3 şəhərində (Laçın, Füzuli, Şuşa) və 4 kəndində azərbaycanlıların məskunlaşdırılması təmin edilmişdir. Zəngilanın Ağalı kəndi azərbaycanlıların işğaldan sonra məskunlaşdığı ilk yaşayış yeridir. 10 may 2024-cü il tarixindən etibarən, keçmiş Laçın dəhlizinə daxil olan 3 yaşayış məntəqəsində də (Laçın, Zabux və Sus) azərbaycanlıların məskunlaşdırılması təmin edilmişdir.

Bərpa işləri

Qarabağ iqtisadi rayonu

Ağdam

 
Ağdam məscidi ermənilər tərəfindən tövlə kimi istifadə olunmuşdur.

Ağdama bəzən Qafqazın Hiroşiması da deyilir, çünki 1993-cü ilin iyulunda, Birinci Qarabağ müharibəsi zamanı şəhər erməni qüvvələri tərəfindən işğal və məhv edilmişdir. Sonrakı onilliklərdə tərk edilmiş şəhər tikinti materialları əldə etmək istəyən ermənilər tərəfindən talan edilmişdir. Ermənilərin nəzarəti altında şəhərdə sağ qalan yeganə tikili olan Ağdam məscidi inək və donuz saxlamaq üçün tövlə kimi istifadə olunurdu.

20 noyabr 2020-ci il tarixində atəşkəs razılaşması çərçivəsində şəhər və ətrafı Azərbaycana qaytarılmışdır. Bundan dərhal sonra Azərbaycan hakimiyyəti bərpa prosesinə başlamaq planını açıqlamışdır. Şəhərin təsdiq edilmiş baş planına əsasən dağılmış binaların bir qisminin açıq muzeyi tikiləcək. Ağdamın Azərbaycanın ən böyük şəhərlərindən birinə çevirilməsi planlaşdırılır.

26 may 2021-ci ildə uzunluğu 44,5 km olan Bərdə–Ağdam avtomobil yolunun tikintisinə başlanılmışdır. İki gün sonra, mayın 28-də bərpa işlərinin başlanması mərasimi olmuşdur.

Füzuli

 
Füzuli Beynəlxalq Hava Limanının girişi.

16 noyabr 2020-ci ildə Prezident İlham Əliyev və Birinci vitse-prezident Mehriban Əliyeva FüzuliCəbrayıl rayonlarında "Zəfər yolu" kimi tanınan Füzuli–Şuşa avtomobil yolunun təməlqoyma mərasimində olmuşdur. Səfərdən dərhal sonra Əhmədbəyli–Füzuli–Şuşa avtomobil yolunun tikintisi layihəsinə başlanılmışdır. Bildirilmişdir ki, uzunluğu 101,5 kilometr, eni isə 37,7 metr olan yol Füzuli, XocavəndXocalı rayonlarından keçəcək. Azərbaycan Prezidentinin 15 yanvar 2021-ci ildə Şuşa və Füzuliyə səfəri zamanı Füzuli–Şuşa avtomobil yolunun və Füzuli Beynəlxalq Hava Limanının layihələrinə start verilmişdir. Hava limanında ilk uçuş sınaqları 22 avqust 2021-ci ildə keçirilmişdir. 27 oktyabr 2021-ci il tarixində Türkiyə Prezidenti Rəcəb Tayyib Ərdoğanın iştirakı ilə açılış mərasimi keçirilmişdir.

Xocavənd

9 oktyabr 2020-ci ildə işğaldan azad olunan Hadrutda yenidənqurma işlərinə yolların bərpası ilə başlanılıb. Prezident Əliyev 2021-ci il martın 15-də uzunluğu 13 kilometr olan Füzuli-Hadrut avtomobil yolunun təməlini qoyub. . Bildirilib ki, Cəbrayıl rayonunun ərazisindən keçən Hadrut-Cəbrayıl-Şükürbəyli Şükürbəylidə Hacıqabul -Mincivan-Zəngəzur avtomobil yoluna birləşdiriləcək . 43 km uzunluğunda olması planlaşdırılan yolda 4 zolaqlı və yol körpüləri tikiləcək. Bundan başqa, 18 kilometr uzunluğunda Tuğ — Hadrut avtomobil yolunun tikintisinin davam etdiyi bildirilir.

Şuşa

 
Şuşa qalası 2021-ci ilin mayında.

8 noyabr 2020-ci ildə Şuşa Azərbaycan ordusu tərəfindən azad edilmişdir. 2020-ci ilin axırlarında Füzuli istiqamətindən avtomobil yolunun olmamasına baxmayaraq, şəhərdə bərpa işlərinə artıq başlanıldığı açıqlanmışdır.

2021-ci ilin yanvar ayının əvvəlində şəhər beşulduzlu hotelin tikintisini elan etmişdir. Şuşa qalasının bərpasına 2021-ci ilin fevral ayının əvvəlində başlanılmışdır. Azərbaycan hökuməti 2021-ci il mayın əvvəlində müharibə nəticəsində dağıdılmış Qazançı kilsəsinin bərpa olunduğunu elan etmişdir.

2021-ci il iyunun əvvəlində Heydər Əliyev Fondu tərəfindən Şuşada üç dini binanın, Aşağı Gövhər ağa, Yuxarı Gövhər ağaSaatlı məscidlərinin bərpasına başlanıldığı bildirilmişdir. 22 iyunda Azərbaycan Prezidenti Şuşa Şəhər Dövlət Qoruğunun yaradılması haqqında sərəncam imzalamışdır. 14 yanvar 2021-ci ildə Vaqif türbəsinin bərpa işlərinə başlanılmış və 29 avqustda onun açılışı olmuşdur. Həmin gün Üzeyir Hacıbəylinin abidəsinin açılışı olmuşdur.

Şərqi Zəngəzur iqtisadi rayonu

Kəlbəcər

Kəlbəcər 1993-cü ildə Ermənistan qoşunları tərəfindən işğal edilmiş, 25 noyabr 2021-ci ildə atəşkəs razılaşmasına əsasən Azərbaycana təhvil verilmişdir.

2–4 hərəkət zolaqlı, uzunluğu 81 km olan Toğanalı–Kəlbəcər–İstisu avtomobil yolunun genişmiqyaslı tikintisinə 23 iyul 2021-ci il tarixində başlanılmışdır. Magistral yolun üzərində yerləşən 11,6 kilometrlik Murovdağ tunelinin təməli İlham Əliyev və Mehriban Əliyevanın iştirakı ilə 16 avqust 2021-ci ildə qoyulmuşdur. Həmin gün uzunluğu 72,8 kilometr olan Kəlbəcər–Laçın avtomobil yolunda tikintisi nəzərdə tutulan 3,4 kilometr uzunluğunda tunelin tikintisinə başlanılmışdır. Bundan əlavə, uzunluğu 51 km olan Kəlbəcər və Laçın rayonlarını birləşdirən ikinci halqaya çevrilməsi nəzərdə tutulan İstisuMinkənd yolunun yenidən qurulmasına başlanılmışdır.

Zəngilan

Zəngilan 29 oktyabr 1993-cü ildə Ermənistan Silahlı Qüvvələri tərəfindən işğal edilmiş, 20 oktyabr 2020-ci ildə isə Azərbaycan qüvvələri şəhəri azad etmişdir.

14 fevral 2021-ci ildə İlham Əliyev və Mehriban Əliyeva Zəngilan rayonuna səfər edərək Ağalı kəndində "ağıllı kənd" layihəsinin istifadəyə verildiyini bildirmişdir. Eyni zamanda, Azərbaycanı Türkiyə ilə birləşdirən Horadiz–Zəngilan–Ağbənd dəmir yolunun təməli qoyulmuşdur. 18 mart 2021-ci il tarixində Türkiyənin Kənd Təsərrüfatı və Meşə Naziri Bəkir Pakdemirlinin rəhbərlik etdiyi nümayəndə heyəti Zəngilanda olmuş, Ağalı kəndində Azərbaycan Kənd Təsərrüfatı Nazirliyi və Türkiyə Kənd Təsərrüfatı və Meşə Təsərrüfatı Nazirliyinin birgə təşkilatçılığı ilə yaradılmış "Qardaşlar bağı"nın açılışını etmişdir.

1 may 2021-ci ildə Zəngilan Beynəlxalq Hava Limanının tikintisinə başlanıldığı barədə məlumat yayılmışdır. Hava limanında tikinti işlərinin 2022-ci ildə başa çatdırılması planlaşdırılır.

 
"Ağıllı Kənd" Layihəsi altında bərpa işləri gedən Zəngilanın Ağalı Kəndi

Prezident İlham Əliyev 20 oktyabr 2021-ci ildə "Zəngilan şəhərinin baş planının hazırlanması ilə bağlı tədbirlər haqqında" sərəncam imzalamışdır. Prezident həmçinin, Azərbaycan Respublikasının Zəngilan rayonunda Bəsitçay Dövlət Təbiət Qoruğunun bərpası haqqında sərəncam imzalamışdır.

26 oktyabrda Azərbaycan və Türkiyə prezidentləri Horadiz–Cəbrayıl–Zəngilan–Ağbənd avtomobil yolunun təməlqoyma mərasimində iştirak etmişdir. Səfər zamanı dövlət başçıları Türkiyənin dəstəyi ilə salınması planlaşdırılan "Dost" aqroparkının da təməlini qoyublar.

Nəqliyyat

İşğaldan azad olunmuş ərazilərin bərpası və yenidən qurulması istiqamətində həyata keçirilən məqsədyönlü fəaliyyətin əsas məqamlarından biri Azərbaycan vətəndaşlarının tam təhlükəsiz şəraitdə regionda yenidən məskunlaşmasının ən qısa zamanda təmin edilməsidir. Bu istiqamətdə görülən işlər çərçivəsində vətəndaşların mərhələli şəkildə həmin ərazilərə müntəzəm səfərlərinin təşkili məqsədilə Rəqəmsal İnkişaf və Nəqliyyat Nazirliyi tabeliyində (AYNA) tərəfindən işğaldan azad olunmuş ərazilərə avtobus marşrutları açılmışdır.

ŞuşaAğdam şəhərlərinə ilk müntəzəm avtobus marşrutları 24 yanvar 2022-ci il tarixində istifadəyə verilmişdir. Füzuli istiqamətinə ilk müntəzəm avtobus reysi 25 iyun tarixində həyata keçirilmişdir.

Sərnişin daşınması ilə bağlı sistemliliyin təmin edilməsi və məlumat bazasının formalaşdırılması məqsədilə marşrut xətləri üzrə bilet satışı "" portalı üzərindən onlayn qaydada həyata keçirilir. Təhlükəsizliyin təmin olunması, işğaldan azad edilmiş ərazilərə giriş icazəsinin bilet alışı prosesi ilə sinxronlaşdırılması, güzəşt tətbiq ediləcək şəxslərin müəyyənləşdirilməsi üçün onlayn bilet satışı portalı müvafiq informasiya sistemlərinə inteqrasiya edilmişdir. Vətəndaşlar bilet almaq üçün şəxsiyyətini təsdiq edən sənəddəki məlumatları sistemə daxil etməlidirlər. Hər bir bilet yalnız şəxsiyyət vəsiqəsi ilə eyniləşdirilən vətəndaş tərəfindən istifadə oluna bilər. Biletlər alındıqdan sonra başqa şəxsə transfer edilməsi mümkün deyil. Sərnişinlər gediş və qayıdış biletlərini əvvəlcədən eyni vaxtda sifariş etməlidirlər. Səfər zamanı təhlükəsizliyin təmin edilməsi məqsədilə sərnişinləri polis əməkdaşları müşayiət edir. Şuşa, Ağdam və Füzuli şəhərlərində sərnişinlər tarixi, mədəni və dini abidələri ziyarət edirlər.

Mədəni fəaliyyət

Mədəni quruculuq işləri

Şuşada Vaqifin məqbərəsi yenidən qurulmuş, Yuxarı Gövhər AğaSaatlı məscidləri bərpa edilmişdir. Digər təmir-bərpa edilən abidələr Mamayı məscidi, Mehmandarovların evi və məscidi, Şirin su hamamıdır. Çöl QalaAşağı Gövhər ağa məscidlərinin təmir-bərpası davam edir, Üzeyir Hacıbəylinin evi yenidən qurulur. Şuşada Vaqif və Üzeyirin büstləri yenidən qoyulmuşdur. Şəhərdə ənənəvi Şuşa memarlığı üslubunda mehmanxana inşa edilmişdir.

2021-ci ildə Xocavənd rayonunun Hadrut qəsəbəsində "Dəmir yumruq" abidəsi qoyulmuşdur. Hadrut qəsəbəsində yerləşən zəfər şəhidlərinin xatirə kompleksinin qarşısında yerləşən abidənin üzərində əsgər təsviri və Azərbaycan Silahlı Qüvvələrinin arsenalında yer alan pilotsuz uçuş aparatları əks olunub.

Mərasim və tədbirlərin keçirilməsi

Azərbaycanın Qarabağdakı hərbi kontingenti müharibədən sonrakı ilk Novruz bayramını azad olunmuş torpaqlarda, o cümlədən Kəlbəcərdə, Laçında, Şuşada, Ağdamda və digər yerlərdə tonqallar qalamaqla qeyd etmişdir. Azərbaycan Prezidenti İlham Əliyev Şuşada, Cıdır düzündə bayram tonqalını qalamışdır.

2021-ci ilin mayın 12-də Şuşada Azərbaycan Prezidenti İlham Əliyevin iştirakı ilə iki günlük "Xarı Bülbül" beynəlxalq musiqi festivalı keçirilmişdir. Festivalda avar, azərbaycanlı, kürd, ləzgi, rus, talış, tat, tatar, saxur, gürcü musiqiçiləri çıxış etmişdir. Bu 30 ildən sonra Qarabağda keçirilən ilk "Xarı Bülbül" festivalı idi.

2021-ci ilin avqustunda Şuşada Molla Pənah Vaqifin poeziya günləri baş tutmuşdur, bu, Şuşa şəhəri ermənilərin nəzarətində olduğu dövrdə şairin böyük ziyan görmüş məqbərəsinin yenidən açılışına təsadüf etmişdir. Sentyabrın 18–24-də Şuşada Üzeyir Hacıbəyov adına XIII Beynəlxalq Musiqi Festivalı keçirilmiş, bu festivalda Azərbaycanın bədii kollektivləri və solistləri ilə yanaşı ABŞ və Polşa musiqiçiləri də çıxış etmişdir. 2022-ci ildə Şuşa şəhərinin 270 illiyinin keçirilməsi gözlənilir.

21 dekabr 2023-cü ildə Xankəndi şəhər stadionunda Qarabağ FK ilə MOİK Bakı FK-ın oyunu keçirilmişdir. Bu işğaldan azad edilmiş Azərbaycan ərazilərindəki ilk futbol oyunu olaraq tarixə keçmişdir.

Azərbaycan icmasının yenidən məskunlaşdırılması

 
Azərbaycan məcburi köçkünləri Füzuliyə qayıdır.

2020-ci il İkinci Qarabağ müharibəsindən sonra Qarabağın işğaldan azad edilmiş hissəsinə və Şərqi Zəngəzura azərbaycanlıların geri qaytarılması üçün işlər başladılmışdır. Azərbaycan Prezidenti İlham Əliyev 14 fevral 2024-cü ildə keçirilən andiçmə mərasimində 2026-cı ilə qədər Böyük Qayıdış proqramının I mərhələsinin tamamlanacağını və bu mərhələdə 140 min məcburi köçkünün Qarabağ və Şərqi Zəngəzura qayıdacağını qeyd etmişdir. Əslən Qarabağdan və Şərqi Zəngəzurdan olmayan şəxslərin Qarabağda ev sahibi olması dövlət proqramına aid deyil, özəl şirkətlər vasitəsilə həyata keçirilir.

26 avqust 2022-ci ildə Laçın dəhlizinin köhnə ərazisinin (Laçın şəhəri, Sus və Zabux kəndləri) Azərbaycan nəzarətinə keçməsindən sonra Laçın şəhərinə qayıdış üçün işlər başladılmışdır. 19–20 sentyabr 2023-cü ildə keçirilən Qarabağ əməliyyatından sonra Xankəndi və Xocalı Azərbaycan nəzarətinə keçmiş, bu ərazilərə də azərbaycanlıların qayıdışı üçün işlər başladılmışdır.

Qarabağ iqtisadi rayonu

Azərbaycan Prezidenti İlham Əliyevə görə, minaların təmizlənməsi və infrastrukturun bərpası işlərindən sonra, 2022-ci ildən başlayaraq azərbaycanlıların azad edilmiş ərazilərə geri qayıtması planlaşdırılmışdır. Şuşa üçün hazırlanmış yeni plana görə şəhərin tarixi xarakterinə uyğun şəkildə qurulmuş yaşayıq yerlərində yaşamaq üçün, ilk növbədə simvolik olaraq 2020 nəfər şuşalı geri dönməlidir. Ancaq bu plan icra edilməmiş, 10 may 2024-cü il tarixində 20 ailə olmaqla 88 nəfər Şuşaya köçmüşdür.

16 mart 2023-cü ildə Talış kəndinə 20 məcburi köçkün ailəsi geri qayıtmışdır. 18 avqust 2023-cü ildə Füzuli şəhərinə ilk köç (90 nəfərdən ibarət 25 ailə) baş vermişdir.

Şərqi Zəngəzur iqtisadi rayonu

Zəngilan rayonunun Birinci, İkinciÜçüncü Ağalı kəndlərinin Qarabağ və Şərqi Zəngəzurda məskunlaşılan ilk ərazilər olması planlaşdırılmışdır. Ağalı kənd sakinlərinin ilk qrupu 19 iyul 2022-ci ildə Zəngilana köçürülmüşdür. 27 may 2023-cü ildə Laçın şəhərinə ilk köç baş vermiş, 20 laçınlı ailə (97 nəfər) geri qayıtmışdır. 25 avqust 2023-cü ildə Laçının Zabux kəndinə ilk köç baş vermiş, I Qarabağ müharibəsi şəhidinin ailəsi daxil olmaqla 20 ailə (88 nəfərdən ibarət) geri qayıtmışdır.

Xronoloji ardıcıllıq

Yaşayış məntəqəsi Tarix Rayon İqtisadi rayon Müharibə dövründə

daxil olduğu ərazi

Qeyd
Birinci, İkinciÜçüncü Ağalı kəndləri 19.07.22 Zəngilan Şərqi Zəngəzur Dağlıq Qarabağın ətrafında 7 rayon
Talış 16.03.23 Ağdərə Qarabağ Keçmiş DQMV ərazisi
Laçın 27.05.23 Laçın Şərqi Zəngəzur Dağlıq Qarabağın ətrafında 7 rayon, keçmiş Laçın dəhlizi
Füzuli 18.08.23 Füzuli Qarabağ Dağlıq Qarabağın ətrafında 7 rayon
Zabux 25.08.23 Laçın Şərqi Zəngəzur Dağlıq Qarabağın ətrafında 7 rayon, keçmiş Laçın dəhlizi
Şuşa 10.05.24 Şuşa Qarabağ Keçmiş DQMV ərazisi
Sus 10.05.24 Laçın Şərqi Zəngəzur Dağlıq Qarabağın ətrafında 7 rayon, keçmiş Laçın dəhlizi Keçmiş Laçın dəhlizinə daxil olan 3 yaşayış məntəqəsində də (Laçın, Zabux və Sus) azərbaycanlıların məskunlaşdırılması təmin edilmişdir.
Xocalı 28.05.24 Xocalı Qarabağ Keçmiş DQMV ərazisi İlk köç AXC-in ildönümünə təsadüf etmişdir.
Kəlbəcər şəhəri və ona birləşdiriləcək Boyaqlı kəndi planlaşdırılır Kəlbəcər Şərqi Zəngəzur Dağlıq Qarabağın ətrafında 7 rayon

Beynəlxalq əlaqələrdə rolu

14 dekabr 2021-ci ildə Azərbaycan və Ermənistanın Brüssel görüşündən sonra bütün mina xəritələrinin Azərbaycana verildiyi qeyd edilmişdir. Azərbaycan tərəfinə görə xəritələrin dəqiqliyi yalnızca 25 faizdir. Türkiyə Azərbaycana 25 MEMATT (Mexaniki Mina Təmizləmə Təchizatı) maşını vermiş, mina və partlayıcı qurğuların zərərsizləşdirilməsi üzrə Türkiyənin hərbi istehkamçıları Qarabağda mina təmizləmə işlərinə kömək etmişdir. Böyük Britaniya mina təmizlənməsi sahəsində və Böyük Qayıdışın təhlükəsizliyini təmin etmək üçün Azərbaycana maliyyə yardımı ayırmışdır. Bundan başqa, Avropa İttifaqı Azərbaycanın minatəmizləmədə ən böyük tərəfdaşlarından biridir.

Türkiyə, Rusiya, İsrail, İtaliya, Macarıstan və digər ölkələrin şirkətləri Qarabağ və Şərqi Zəngəzurun bərpasında iştirak edirlər. Füzuli rayonunda Özbəkistan dövlətinin sərmayəsi ilə məktəb, Qazaxıstan tərəfinin sərmayəsi ilə isə Yaradıcılıq Mərkəzi tikilməsi qərarlaşdırılmışdır. Azərbaycan və Özbəkistan rəsmiləri 23 avqust 2023-cü ildə Füzulidəki Mirzə Uluqbəy adına məktəbin açılışında iştirak ediblər.

Qırğızıstan sərmayəsi ilə Ağdamın Xıdır kəndində orta məktəb tikiləcəyi elan edilmişdir.Türk Mədəniyyəti və İrsi Fondu Füzulinin Qoçəhmədli kəndinin bərpasında iştirak etmək istədiyini bəyan etmişdir. Türkiyə Şuşada qurduğu seysmoloji stansiyasını Azərbaycana hədiyyə etmişdir.

Həmçinin bax

İstinadlar

  1. . İki Sahil (az.). 28 aprel 2021. 2021-12-21 tarixində . İstifadə tarixi: 21 dekabr 2021.
  2. Abbaslı, Cavanşir. . Musavat (az.). 9 sentyabr 2021. 2021-12-21 tarixində . İstifadə tarixi: 21 dekabr 2021.
  3. . Sia.az (az.). 16avqust 2021. 2023-07-04 tarixində . İstifadə tarixi: 21 dekabr 2021.
  4. . mubasher.aljazeera.net (ərəb). Əl-Cəzirə. 9 fevral 2021. 2021-12-14 tarixində . İstifadə tarixi: 21 dekabr 2021.
  5. . Independent.co.uk. 22 November 2017. 2020-11-12 tarixində . İstifadə tarixi: 2021-12-15.
  6. Musayelyan, Lusine. . . 2011-04-26. 2020-12-08 tarixində . İstifadə tarixi: 2021-12-15.
  7. Giuseppe, Didonna. . (italyan). 2021-03-28. 2021-12-20 tarixində . İstifadə tarixi: 2021-12-20.
  8. . (fransız). 2020-11-28. 2021-12-20 tarixində . İstifadə tarixi: 2021-12-20.
  9. Manenkov, Kostya. . Associated Press. 20 November 2020. 7 December 2020 tarixində . İstifadə tarixi: 20 November 2020.
  10. . The New York Times. 24 August 1993. 21 November 2020 tarixində . İstifadə tarixi: 21 December 2021. In July, Armenian forces forced out the defenders of Agdam, Azerbaijan.
  11. . The Economist. 16 December 2020. 2021-12-12 tarixində . İstifadə tarixi: 2021-12-15.
  12. . National Geographic. 5 February 2021. 2021-12-31 tarixində . İstifadə tarixi: 2021-12-15.
  13. [Armenia has turned a mosque in the historic city of Aghdam into a barn for breeding animals.. The President of Azerbaijan visited the mosque after its liberation and cleansing] (video) (ərəb). Attessia TV. 2020-11-25. 2021-12-20 tarixində .
  14. (PDF). . 2021-05-12. 2021-07-09 tarixində (PDF). İstifadə tarixi: 2021-12-21.
  15. . aa.com.tr. . 10 November 2020. 15 November 2020 tarixində . İstifadə tarixi: 21 December 2021.
  16. . RadioFreeEurope/RadioLiberty (ingilis). 2020-11-25 tarixində . İstifadə tarixi: 2021-12-15.
  17. Stojkovski, Bojan. . . 2021-09-21. 2022-01-03 tarixində . İstifadə tarixi: 2021-12-15.
  18. Sajid, Islamuddin. (ingilis). . 2021-11-08. 2021-12-12 tarixində . İstifadə tarixi: 2021-12-15.
  19. (ingilis). . 2021-05-29. 2021-12-12 tarixində . İstifadə tarixi: 2021-12-15.
  20. (az.). APA. 2021-05-26. 2021-12-14 tarixində . İstifadə tarixi: 2021-12-15.
  21. (ingilis). APA. 2021-05-31. 2021-12-14 tarixində . İstifadə tarixi: 2021-12-15.
  22. . president.az (az.). 2020-11-16. 2021-12-14 tarixində . İstifadə tarixi: 2021-12-15.
  23. (az.). . 2020-11-24. 2021-12-14 tarixində . İstifadə tarixi: 2021-12-14.
  24. (az.). APA. 2021-01-15. 2021-12-14 tarixində . İstifadə tarixi: 2021-12-15.
  25. . president.az (rus). 2021-01-14. 2021-01-22 tarixində . İstifadə tarixi: 2021-12-15.
  26. . airport-technology.com (ingilis). 2021-10-27. 2021-11-08 tarixində . İstifadə tarixi: 2021-12-14.
  27. Zafer Fatih Beyaz, Mehmet Tosun. . aa.com.tr (ispan). . 2021-10-26. 2021-12-14 tarixində . İstifadə tarixi: 2021-12-14.
  28. . jordanzad.com (ərəb). 2021-10-27. 2021-12-14 tarixində . İstifadə tarixi: 2021-12-14.
  29. Արմեն Քոլոյան. . azatutyun.am (erməni). 2021-10-26. 2021-12-15 tarixində . İstifadə tarixi: 2021-12-15.
  30. . france24.com (ispan). France 24. 2021-12-14 tarixində . İstifadə tarixi: 2021-12-16.
  31. . Caucasian Knot. 2020-12-27. 2021-12-20 tarixində . İstifadə tarixi: 2021-12-20.
  32. . Caucasian Knot. 2021-01-03. 2021-12-20 tarixində . İstifadə tarixi: 2021-12-20.
  33. . vestnikkavkaza.net. 2021-02-12. 2021-12-14 tarixində . İstifadə tarixi: 2021-12-16.
  34. . azadliq.org (az.). 2021-05-04. 2021-12-21 tarixində . İstifadə tarixi: 2021-12-21.
  35. (az.). Eurasianet. 2021-05-04. 2021-10-05 tarixində . İstifadə tarixi: 2021-12-21.
  36. . aztv.az (az.). 2021-12-14 tarixində . İstifadə tarixi: 2021-12-16.
  37. . medeniyyet.az (az.). 2021-06-23. 2021-12-14 tarixində . İstifadə tarixi: 2021-12-16.
  38. (az.). Report. 2021-08-29. 2021-12-20 tarixində . İstifadə tarixi: 2021-12-20.
  39. (az.). APA. 2021-08-29. 2021-12-20 tarixində . İstifadə tarixi: 2021-12-20.
  40. (az.). APA. 2021-08-29. 2021-12-21 tarixində . İstifadə tarixi: 2021-12-21.
  41. (az.). APA. 2021-07-23. 2022-01-03 tarixində . İstifadə tarixi: 2021-12-15.
  42. . report.az (az.). 2021-10-06. 2021-12-14 tarixində . İstifadə tarixi: 2021-12-15.
  43. (az.). APA. 2021-08-17. 2023-07-04 tarixində . İstifadə tarixi: 2021-12-15.
  44. . milli.az (az.). 2021-08-16. 2021-12-15 tarixində . İstifadə tarixi: 2021-12-15.
  45. (ispan). TRT. 2021-12-14 tarixində . İstifadə tarixi: 2021-12-15.
  46. . adyexpress.az. 2021-02-15. 2021-12-14 tarixində . İstifadə tarixi: 2021-12-15.
  47. (ispan). . 2021-04-28. 2021-12-14 tarixində . İstifadə tarixi: 2021-12-15.
  48. . report.az (az.). 2021-03-18. 2021-12-14 tarixində . İstifadə tarixi: 2021-12-15./
  49. . azernews.az (ingilis). 2021-05-01. 2021-12-15 tarixində . İstifadə tarixi: 2021-12-15./
  50. (ispan). . 2021-10-22. 2021-12-14 tarixində . İstifadə tarixi: 2021-12-15.
  51. . report.az (az.). 2021-10-20. 2021-12-14 tarixində . İstifadə tarixi: 2021-12-15.
  52. . report.az (az.). 2021-10-20. 2021-12-14 tarixində . İstifadə tarixi: 2021-12-15.
  53. (erməni). CivilNet. 2021-10-26. 2021-12-20 tarixində . İstifadə tarixi: 2021-12-15.
  54. . 2023-09-27 tarixində . İstifadə tarixi: 2023-09-27.
  55. (az.). 10.05.2024. 2024-05-11 tarixində . İstifadə tarixi: 2024-05-01.
  56. . 2022-08-27 tarixində . İstifadə tarixi: 2021-06-26.
  57. . 2021-12-16 tarixində . İstifadə tarixi: 2021-06-26.
  58. . 2021-06-30 tarixində . İstifadə tarixi: 2021-06-26.
  59. . musavat.com (az.). 2022-01-03 tarixində . İstifadə tarixi: 2021-05-13.
  60. . bbc.com (az.). 2022-08-15 tarixində . İstifadə tarixi: 2021-05-13.
  61. . vestikavkaza.ru (rus). 2021-05-13 tarixində . İstifadə tarixi: 2021-05-13.
  62. . Trend (rus). 2021-08-31. 2021-09-25 tarixində . İstifadə tarixi: 2021-09-25.
  63. . JAM News (rus). 2021-05-09. 2021-09-27 tarixində . İstifadə tarixi: 2021-09-27.
  64. . АЗЕРТАДЖ (rus). 2021-09-18. 2021-09-25 tarixində . İstifadə tarixi: 2021-09-25.
  65. . sputnik.az (az.). 2022-01-11 tarixində . İstifadə tarixi: 2021-05-13.
  66. . trend.az. 17 December 2023. 18 December 2023 tarixində . İstifadə tarixi: 16 March 2024.
  67. qafqazinfo.az. (az.). 14.02.2024. 2024-03-09 tarixində . İstifadə tarixi: 2024-02-17.
  68. (az.). fed.az. 11 Yan 2024. 2024-03-09 tarixində . İstifadə tarixi: 2024-02-17.
  69. (az.). Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsi. 17 Avqust 2022. 2023-11-28 tarixində . İstifadə tarixi: 2024-02-17.
  70. (az.). qafqazinfo.az. 02.10.2023. 2024-03-09 tarixində . İstifadə tarixi: 2024-02-17.
  71. . alarabiya.net (ingilis). 2021-09-24 tarixində . İstifadə tarixi: 2021-05-13.
  72. . eurasianet.org (ingilis). 2022-09-02 tarixində . İstifadə tarixi: 2021-05-13.
  73. (az.). Azertac. 10.05.2024. 2024-05-12 tarixində . İstifadə tarixi: 2024-05-01.
  74. (az.). Trend. 16 mart 2023. 2023-05-28 tarixində . İstifadə tarixi: 2023-05-26.
  75. . apa.az. 18 avqust 2023. 2023-08-26 tarixində . İstifadə tarixi: 2023-08-07.
  76. . president.az (az.). 2021-04-06 tarixində . İstifadə tarixi: 2021-04-03.
  77. . modern.az (az.). 2022-07-22 tarixində . İstifadə tarixi: 2022-07-15.
  78. . oc-media.org (az.). 2022-07-24 tarixində . İstifadə tarixi: 2022-07-23.
  79. (az.). fed.az. 27 may 2023. 2023-06-03 tarixində . İstifadə tarixi: 2023-05-26.
  80. . apa.az. 25 avqust 2023. 2023-08-26 tarixində . İstifadə tarixi: 2023-08-07.
  81. . www.consilium.europa.eu (ingilis). 2021-12-23 tarixində . İstifadə tarixi: 2021-12-23.
  82. (ingilis). AZERTAC. 14 August 2021. 22 August 2021 tarixində . İstifadə tarixi: 22 August 2021.
  83. (az.). BBC Azeri. 11 Yanvar 2022. 2024-03-09 tarixində . İstifadə tarixi: 2024-02-17.
  84. . turkic.world. 8 August 2023. 2024-03-09 tarixində . İstifadə tarixi: 2024-02-17.
  85. Pərvanə Bayramova. (az.). amerikaninsesi.org. May 02, 2024. 2024-05-05 tarixində . İstifadə tarixi: 2024-05-01.
  86. (az.). musavat.com. 14.09.2023. 2024-03-09 tarixində . İstifadə tarixi: 2024-02-17.
  87. (az.). koordinat.az. 11.11.2022. 2024-03-09 tarixində . İstifadə tarixi: 2024-02-17.
  88. (az.). fed.az. 23 Avq 2023. 2024-03-09 tarixində . İstifadə tarixi: 2024-02-17.
  89. (az.). apa.az. 09 aprel 2024. 2024-05-05 tarixində . İstifadə tarixi: 2024-05-01.
  90. . 2 May 2024. 2024-05-02 tarixində . İstifadə tarixi: 2024-05-01.
  91. (az.). poliqon.info. 10.05.2024. 2024-05-11 tarixində . İstifadə tarixi: 2024-05-01.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023