Azon zavodu

Azon zavodu — Azərbaycan Respublikası Müdafiə Sənayesi Nazirliyinin tabeliyindəki müəssisə. Müəssisənin nizamnamə kapitalı 554.928 manatdır. Hazırkı direktoru 2020-ci il sentyabrın 7-də bu vəzifəyə təyin edilmiş Tehran Əliyevdir.^[1]

Tarixi

"Azon" zavodu 1974-cü ildə "Mikrosxemotexnika" Bakı Xüsusi Konstruktor Bürosunun bazasında yaradılmış və SSRİ Elektronika Sənayesi Nazirliyinin tərkibinə daxil edilmişdir. Burada SSRİ dönəmində kosmik cihazlar da istehsal olunurdu.^[2] 1993-cü ildən Dövlət Xüsusi Maşınqayırma və Konversiya Komitəsinin tabeliyində olmuşdur. 2006-cı ilin sentyabr ayından "Azon" zavodu Azərbaycan Respublikası Müdafiə Sənayesi Nazirliyinin tabeliyində fəaliyyət göstərir. "Azon" zavodu Azərbaycanda inteqral mikrosxemlərin tam istehsalı üzrə ixtisaslaşmış, geniş texnoloji bazaya malik yeganə müəssisədir.^[3]

2012-ci ildə yayılmış məlumata əsasən "Azon" zavodunun istehsalat sahəsi hərraca çıxarılıb. Sahəsi 27714,8 m² olan müəssisənin start satış qiyməti 2 milyon 38 min 750 manat, ilkin satış qiyməti 1 milyon 732 min 938 manat olub. Hərracın nəticəsinin nə olması barədə məlumat mövcud deyil.^[4] 2017-ci ildə "Azon Zavodu" MMC-nin 1 mln. 365 min 784,5 manat vergi borcu Vergilər Nazirliyi tərəfindən silinib.^[5]

Fəaliyyət sahələri

Məhsulları

Mikrosxemlər: 133, 155, 169, 170, 533, 555, 556, 561, 564, 589, 1102 seriyalı
Günəş batareyası elementləri
Taxta və plastmas məmulatlar
Azot və oksigen qazlarının maye və qaz halında istehsalı^[6]

İstinadlar

↑ "Azon zavodu"nun direktoru dəyişib ^{[ölü keçid]}
↑ "Azərbaycanın kosmik gələcəyini Azimov, Harrison və Bredberi yaxınlaşdıra bilər". 28 iyun 2023 tarixində arxivləşdirilib. İstifadə tarixi: 7 sentyabr 2020.
↑ "Müəssisə haqqında". 8 sentyabr 2018 tarixində arxivləşdirilib. İstifadə tarixi: 13 yanvar 2011.
↑ ""Ozon" zavodu sökülür, yerində nə tikiləcək?". 28 iyun 2023 tarixində arxivləşdirilib. İstifadə tarixi: 7 sentyabr 2020.
↑ "Dövlət qurumlarının 22 mln. manatlıq vergi borcu silinib". 3 may 2022 tarixində arxivləşdirilib. İstifadə tarixi: 7 sentyabr 2020.
↑ "Mədət Quliyev nazir kimi hansı işləri görəcək?". 24 sentyabr 2020 tarixində arxivləşdirilib. İstifadə tarixi: 7 sentyabr 2020.

Həmçinin bax

Müəssisə ilə əlaqədar bu məqalə qaralama halındadır. Məqaləni edərək Vikipediyanı zənginləşdirin.

[1] "Azon zavodu"nun direktoru dəyişib ^{[ölü keçid]}

[2] "Azərbaycanın kosmik gələcəyini Azimov, Harrison və Bredberi yaxınlaşdıra bilər". 28 iyun 2023 tarixində arxivləşdirilib. İstifadə tarixi: 7 sentyabr 2020.

[3] "Müəssisə haqqında". 8 sentyabr 2018 tarixində arxivləşdirilib. İstifadə tarixi: 13 yanvar 2011.

[4] ""Ozon" zavodu sökülür, yerində nə tikiləcək?". 28 iyun 2023 tarixində arxivləşdirilib. İstifadə tarixi: 7 sentyabr 2020.

[5] "Dövlət qurumlarının 22 mln. manatlıq vergi borcu silinib". 3 may 2022 tarixində arxivləşdirilib. İstifadə tarixi: 7 sentyabr 2020.

[6] "Mədət Quliyev nazir kimi hansı işləri görəcək?". 24 sentyabr 2020 tarixində arxivləşdirilib. İstifadə tarixi: 7 sentyabr 2020.

[1]

[2]

[3]

[4]

[5]

[6]