Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAzadlıq radiosu — 1953-cü ildə yaradılmış Azadlıq Radiosunun Azərbaycan bürosu. Əvvəlcə radio kanalı olaraq fəaliyyət göstərib, hal-hazırda isə Azərbaycan dilində xəbər saytı kimi fəaliyyət göstərir.
| Azadlıq radiosu | |
|---|---|
 | |
| Ölkə | |
| Başlama tarixi | 6 mart 1953 |
| Sayt | azadliq.org |
"Azadlıq" radiosu 1953-cü il martın 1-də Münhendə "Qurtuluş" adı ilə təsis edilib.[1] Azərbaycan dilində yayım martın 6-dan başlayıb.[2] Azərbaycan redaksiyasının ilk direktoru Əbdürrəhman bəy Fətəlibəyli olub.[3]
2007-ci ilin yanvarında "Azadlıq" radiosu Bakıdan 101.7 FM-də 24 saatlıq yayıma başlayıb. Yayım Amerikanın Səsi ilə birgə verilib və yarısından çoxu "Azadlıq" radiosunun Bakı ofisində hazırlanan 5,5 saatlıq orijinal məzmunu əhatə edib.[4]
2008–2010-cu illərdə "Azadlıq" radiosunun Bakı bürosuna Xədicə İsmayıl rəhbərlik edib.[5]
2014-cü il dekabrın sonunda Azərbaycan Baş Prokurorluğunun əməkdaşları "Azadlıq" radiosunun Bakı ofisində axtarış aparıb, daha sonra redaksiyanı möhürləyərək radionun bağlandığını elan ediblər. Axtarış radionun xaricdən maliyyələşməsi ilə bağlı aparılıb.[6] 2015-ci ilin mayında "Azadlıq" radiosu Bakı bürosunun yekun olaraq bağlandığını elan edib.[7]
Nəşr 2017-ci ilin sentyabrında Azərbaycan hakimiyyətini AİHM-ə şikayət edib və onların Bakı bürosunun fəaliyyətinə maneçilik törətdiklərini bildirib.[8]
2014-cü ilin dekabrında Bakı bürosunun bağlanmasından sonra Praqadan yayıma davam edilib. Jurnalistlərin bir çoxu ayrılıb, lakin nəşr Azərbaycandan reportajlar və xəbərlər dərc etməyə davam edib.[8]
2015-ci ilin əvvəlində İlkin Məmmədov "Azadlıq" radiosunun Praqa bürosunun rəhbəri olub. 2023-cü ilin sentyabrında nəşrin altı keçmiş jurnalisti onu nəşri onun rəhbərliyi altında "Prezident İlham Əliyevin avtoritar rejimini daha az tənqid etməkdə" ittiham edib. Keçmiş sosial media meneceri Turhan Kərimovun sözlərinə görə, Məmmədovun rəhbərliyi altında "Azadlıq" radiosu əvvəllər hökumətyönlü mediada işləmiş bir neçə jurnalisti işə götürüb, Mütəşəkkil Cinayətkarlıq və Korrupsiya Hesabatı Layihəsi (OCCRP) ilə əməkdaşlığı dayandırıb, Azərbaycanda korrupsiya və insan hüquqlarının pozulması ilə bağlı daha az araşdırma yazıları dərc etməyə başlayıb.[9]
2016-cı ilin noyabr-dekabr aylarında nəşrin internet saytı Azərbaycanda müvəqqəti olaraq fəaliyyətini dayandırıb.[10]
2017-ci ilin aprel ayında Azərbaycan Nəqliyyat, Rabitə və Yüksək Texnologiyalar Nazirliyinin Elektron Təhlükəsizlik Mərkəzi "Azadlıq" radiosunun və daha dörd müxalif nəşrin internet saytlarının "dövlətin və cəmiyyətin qanunla qorunan mənafelərinə təhlükə yaratdığına görə" bloklanması ilə bağlı məhkəmə iddiası qaldırıb. Bloklanan nəşrlərin nümayəndələri iddianın siyasi motivli olduğunu bildiriblər.[11] 2017-ci ilin mayında Bakının Səbail Rayon Məhkəməsi Azərbaycanda "Azadlıq" radiosunu bloklayıb.[12] 2018-ci ilin iyununda Azərbaycanın Ali Məhkəməsi "Azadlıq" radiosunun internet saytının blokdan çıxarılması ilə bağlı iddianı rədd edib.[11]
- ↑ Куанышбек Кари. "Азаттыку — 70 лет: от Радио «Освобождение» до развала Советского Союза". Радио «Азаттык». 1 mart 2023. 8 iyul 2023 tarixində arxivləşdirilib. İstifadə tarixi: 17 yanvar 2024.
- ↑ "«Danışır Azadlıq radiostansiyası! Həmvətənlər, nəhayət!..» — II hissə". Радио «Азадлыг» (az.). 20 noyabr 2014. 2 noyabr 2017 tarixində arxivləşdirilib. İstifadə tarixi: 17 yanvar 2024.
- ↑ "Можно ли сравнивать Дудангинского или Расулзаде с Нжде?". Zerkalo (rus). 25 oktyabr 2019. 17 yanvar 2024 tarixində arxivləşdirilib. İstifadə tarixi: 17 yanvar 2024.
- ↑ "RFE/RL, VOA Azerbaijani Radio Broadcasts Debut on FM in Baku". Azadlıq Radiosu (ingilis). 25 yanvar 2007. 17 yanvar 2024 tarixində arxivləşdirilib. İstifadə tarixi: 17 yanvar 2024.
- ↑ "С азербайджанской журналистки взыскивают $26 тысяч. Она изучала бизнес семьи президента". BBC (rus). 12 dekabr 2018. 2 aprel 2024 tarixində arxivləşdirilib.
- ↑ "«Радио Свобода» сообщает об обыске в его бакинском офисе". BBC (rus). 26 dekabr 2014.
- ↑ "RFE/RL Closes Baku Bureau, Continues Azerbaijan Operation" (ingilis). 22 may 2015. 17 yanvar 2024 tarixində arxivləşdirilib. İstifadə tarixi: 17 yanvar 2024.
- ↑ 1 2 "«Радио Азадлыг» пожаловалось в ЕСПЧ на правительство Азербайджана". Kavkazskiy Uzel. 14 sentyabr 2017. 2 aprel 2024 tarixində arxivləşdirilib.
- ↑ "Former Radio Free Europe staff demand probe over 'pro-Azerbaijan content'". OpenDemocracy (ingilis). 7 sentyabr 2023. 8 sentyabr 2023 tarixində arxivləşdirilib. İstifadə tarixi: 3 mart 2025.
- ↑ "Почему власти Азербайджана пытаются закрыть новостные сайты". BBC (rus). 29 aprel 2017. 2 aprel 2024 tarixində arxivləşdirilib.
- ↑ 1 2 "Верховный суд Азербайджана отказался разблокировать оппозиционные сайты". Кавказский узел. 4 iyun 2018. 2 aprel 2024 tarixində arxivləşdirilib.
- ↑ "Суд в Азербайджане заблокировал сайт «Радио Свобода»". BBC (rus). 12 may 2017. 11 noyabr 2020 tarixində arxivləşdirilib.