Azərbaycanda təkrar parlament seçkiləri (avqust 1998) — 1998-ci ilin avqust ayında Azərbaycanda boş qalmış mandat üçün keçirilmiş təkrar parlament seçkiləri.
| Azərbaycanda təkrar parlament seçkiləri | ||||
|---|---|---|---|---|
| 9 avqust 1998 | ||||
| Seçici fəallığı | 75% | |||
 |
||||
| Namizəd | Yaqub Əhmədov | |||
| Partiya | Bitərəf | |||
| Tutulan yerlər | 1 | |||
| Səslər | 17 300 (49,7%) |
|||
1995-ci il parlament seçkiləri və təkrar parlament seçkilərinin ardından formalaşmış I çağırış Azərbaycan Respublikasının Milli Məclisinin 48 saylı Ağdam kənd seçki dairəsi üzrə seçilmiş bitərəf deputat Sofiq Hüseynov 30 dekabr 1997-ci il tarixində 47 yaşında ölmüşdür.[1] Sofiq Hüseynovdan boşalan mandat üçün 1998-ci ilin avqust ayına təkrar seçkilər təyin edilmişdir.
Deputat Sofiq Hüseynovun ölümündən sonra boşalan yer üçün Azərbaycan Prezidenti Heydər Əliyevin 30 aprel 1998-ci il tarixli, 702 nömrəli Fərmanı 26 iyul 1998-ci il tarixinə yeni seçkilər təyin olunmuşdur.[2] Lakin daha sonra seçki tarixi dəyişdirilmiş və 1998-ci ilin avqust ayının 9-na 48 saylı Ağdam kənd seçki dairəsi üzrə təkrar parlament seçkiləri təyin olunmuşdur.[3] Seçki dairəsi üzrə bitərəf siyasətçi, əməkdar aqronom Yaqub Əhmədov öz namizədliyini irəli sürmüşdür.[4]
Mandatların siyasi partiyalara görə dağılışı Bitərəf (100 %)
Seçki nəticələri Mərkəzi Seçki Komissiyası tərəfindən 12 avqust 1998-ci il tarixində 85 nömrəli protokolla təsdiqlənmiş və Azərbaycan Respublikası Konstitusiya Məhkəməsinə göndərilmişdir. Azərbaycan Respublikası Konstitusiya Məhkəməsi 19 avqust 1998-ci il tarixində protokola baxmış və onu təsdiqləmişdir. Nəticələrə əsasən 48 saylı Ağdam kənd seçki dairəsi üzrə bitərəf namizəd Yaqub Əhmədov deputat seçilmişdir.[4]
| Məntəqə sayı | 59 |
| Seçici sayı | 46 312 |
| Səslərin sayı | 34 826 |
| Seçici aktivliyi (%) | 75 |
| Deputat sayı | 1 |
| Partiya | Namizəd | Topladığı səs | Səs faizi (%) |
|---|---|---|---|
| Bitərəf | Yaqub Əhmədov | 17 300 | 49.7 |
| Ümumi səs | 34 826 | 100.00 | |
- ↑ "Öz əcəli ilə ölən, güllələnən, qəriblikdə vəfat edən deputatlar..." 2016-03-04 tarixində arxivləşdirilib. İstifadə tarixi: 2022-07-29.
- ↑ "Azərbaycan Respublikası Milli Məclisinə seçkilər üzrə 9 saylı Birinci Xətai, 11 saylı Üçüncü Xətai, 45 saylı Şuşa-Cəbrayıl-Xocavənd və 48 saylı Ağdam kənd seçki dairələrində yeni seçkilərin keçirilməsi haqqında Azərbaycan Respublikası Prezidentinin Fərmanı". 2022-07-30 tarixində arxivləşdirilib. İstifadə tarixi: 2022-07-30.
- ↑ "Azərbaycan Respublikası Milli Məclisinə seçkilər üzrə 9 saylı Birinci Xətai, 11 saylı Üçüncü Xətai, 45 saylı Şuşa-Cəbrayıl-Xocavənd və 48 saylı Ağdam kənd seçki dairələrində yeni seçkilərin keçirilməsi haqqında Azərbaycan Respublikası Prezidentinin Fərmanı". 2022-07-30 tarixində arxivləşdirilib. İstifadə tarixi: 2022-07-30.
- ↑ 1 2 "Azərbaycan Respublikasının Milli Məclisinə seçkilər üzrə 48 saylı Ağdam Kənd seçki dairəsində 1998-ci il avqustun 9-da keçirilmiş təkrar seçkilərin nəticələrinin yoxlanılması və təsdiqi haqqında Azərbaycan Respublikası Adından Azərbaycan Respublikası Konstitusiya Məhkəməsinin Qərarı". 2021-01-03 tarixində arxivləşdirilib. İstifadə tarixi: 2022-07-29.