Azərbaycan talismanlarının siyahısı

Azərbaycan talismanları və ya maskotları müxtəlif tədbirlərdə istifadə edilir.

Tarixi

Azərbaycan xalçalarında tovuzquşu və qartaldan simvol olaraq istifadə edilir. Qartal gücü və hökmdar ləyaqətini simvolizə etsə də, daha sonra qoruyucu talismana çevrilmişdir. Tovuz quşu Günəş tanrısı ilə əlaqələndirilir, onun gözü yaxın zamanda baş verəcək təhlükədən qoruyur. XVII əsrdən bəri Azərbaycan xalçalarında istifadə edilən əjdaha motivi ilk növbədə talisman rolu oynamışdır.^[1]

Təşkilatlar

Talisman	Obraz	Şəkil	Təşkilat	Haqqında
Qur-qur	qurbağa	—	Azərbaycan Gimnastika Federasiyası

İdman müsabiqələri

Talisman	Obraz	Şəkil	Oyun	Haqqında
Top-Top Qız	insan		FİFA U-17 Qadınlararası Dünya Çempionatı 2012	Top-Top Qız hər kəsi öz gözəl, iri, mavi gözləri ilə heyran edir. İdmana böyük maraq göstərən, sürətlə qaçmağı bacaran, daima gümrah olan bu gənc qız həm də gözəl xarici görünüşə malikdir. O, həyatdan ən yüksək səviyyədə zövq almağı bacarır. Uşaq yaşlarından futbol oynadığı üçün futbol onun dünyasında xüsusi bir dünyadı. Geyimində belə, Top-top xanımın vətənpərvər təbiətinin əlamətlərini görmək olar. Azərbaycan milli komandasına dəstək əlaməti olaraq üzünə mavi, qırmızı, yaşıl olan Azərbaycan bayrağının rəngləri çəkilmişdir. O, bütün oyunlarda stadionlarda olub, öz müsbət enerjisini paylaşaraq Azərbaycanla yanaşı digər komandalara da dəstək olur.
Ceyran və Nar	ceyran və nar		2015 Avropa Oyunları	Ceyran qonaqlara Azərbaycanın zəngin irsinə nəzər salmağı təklif etməklə oyunların mədəniyyət elçisidir. Qafqaz dağlarından tutmuş Xəzər dənizinin sahillərinədək Ceyran qonaqlara ölkə boyu bələdçilik edir və onlara Azərbaycanın gözəlliklərini nümayiş etdirir. Ceyran ölkədə təbii gözəlliyin, zərifliyin və saflığın simvolu və Azərbaycanda qorunan heyvan növlərindən biridir. Nar isə günəşi sevən, Göyçay şəhərində bitən meyvədir. Həyat eşqi və enerji ilə aşıb-daşan Nar yeni idman növlərində iştirak etməyi sevir və Avropa Oyunları tədbirinə qoşulur. Nar Azərbaycan folklorunda birliyi tərənnüm edir.
İncə və Cəsur	Qarabağ atları		2017 İslam Həmrəyliyi Oyunları	"İncə" zəriflik və gözəllik nümunəsi olmaqla yanaşı, incəliyi, məlahəti ilə diqqəti cəlb edir, özündə milliliyi və müasirliyi qovuşdurur. Məharətli, mərd və məqsədyönlü "Cəsur" digər Qarabağ atları kimi özünə əminliyi və sərbəstliyi ilə seçilir. Məqsədlərinə nail olmaq üçün heç bir çətinlikdən qorxmayan, iradəli və əzmkar olan "Cəsur" mehribanlığı, hər kəsə olan sevgi və diqqəti ilə də ön sıralardadır.^[2]
Cırtdan və Bəbir	insan və bəbir	—	XV Yay Avropa Gənclər Olimpiya Festivalı	Azərbaycan dilindən tərcümədə "kiçicik" mənası daşıyan balaca oğlan Cırtdan Azərbaycanda uşaqların ən populyar nağıl personajıdır. Həmyaşıd olan digər uşaqlardan balaca olmağına baxmayaraq, Cırtdan öz cəsarətindən və zəkasından ilhamlanır. O, güclü milli özünəməxsusluğu, dərrakəsi, hazırcavablığı, mübarizliyi və digərlərə rəğbəti ilə seçilir. Nağılların birində Cırtdan divin başını qataraq, özünü və dostlarını xilas edir. O göstərir ki, gənc və balaca olmasına baxmayaraq, qorxmaz qəhrəman ola bilər. Qafqaz bəbiri isə Azərbaycanın füsunkar təbiətinin zənginliyini təşviq edəcək. Qafqaz bəbiri Azərbaycan faunasında ən yaxşı tanınan və haqqında geniş məlumat olan heyvan növlərindən biridir. Azərbaycan mifologiyasında bəbirin şəklinə tez-tez rast gəlmək olar. Bu heyvan təbii gözəllik, güc, qorxmazlıq və sürət rəmzidir.^[3]
Maralzadə	maral	—	2025 WMF Dünya Kuboku	Antropomorfik maraldır. O, 12 aprel 2025-ci ildə baş tutmuş püşkatma mərasimi zamanı ictimaiyyətə təqdim olunmuşdur.^[4]
Bəbir və Leyla	bəbir		2025 MDB Oyunları	Antropomorfik bəbirlərdir. Bəbir Qafqaz bəbirinin obrazında yaradılmışdır. Azərbaycanın təbiətini, gücünü və qonaqpərvərliyini təcəssüm etdirir.^[5]