Azərbaycanın otüstü hokkey üzrə qadınlardan ibarət milli komandası — Azərbaycanı beynəlxalq qadınlar arasında otüstü hokkeydə təmsil edir və Azərbaycanda otüstü hokkey üzrə rəhbər orqan olan Azərbaycan Otüstü Hokkey Federasiyası tərəfindən idarə olunur.
2005-ci ildə Azərbaycan qadın milli otüstü hokkey komandası B ölkələri üzrə Avropa Çempionatını birinci yerdə başa vuraraq, 2007-ci ildə A ölkələri üzrə Avropa çempionatına vəsiqə qazanıb. Azərbaycan komandası 2007-ci ildə Mançesterdə keçirilən Avropa çempionatında beşinci yeri tutaraq A ölkələri üzrə Avropa çempionatına vəsiqəni qoruyub saxladı. 2011-ci il Avropa çempionatında B qrupuna düşdü.
12 noyabr 2016-cı ildə milli assosiasiyanın fəaliyyəti dayandırıldığı üçün milli komanda 2016-cı ilin noyabrından bəri heç bir beynəlxalq yarışda iştirak etmədiyinə görə dünya reytinqində nəzərə alınmır.[1][2]
Avropa çempionatı
- 2003–9-cu yer
- 2007–5-ci yer
- 2009–6-cı yer
- 2011–7-ci yer
Dünya liqası
- 2012-13-20-ci yer
- 2014-15-38-ci yer
Çempionluq çağırışı
- 2007–6-cı yer
- 2009–7-ci yer
- 2011–8-ci yer
- ↑ "Azerbaijan | Fih".
- ↑ "FIH Outdoor World Hockey Rankings". International Hockey Federation (ingilis).