Azərbaycan Tarixi Muzeyinin Numizmatika Fondu

Azərbaycan Tarixi Muzeyinin Numizmatika Fondu 100 000-dən çox sikkənin saxlanıldığı, tədqiq və təbliğ olunduğu vahid numizmatik mərkəzdir. Fond 1920-ci ildə Azərbaycan SSR Dövlət Muzeyinin tərkibində yaradılmışdır. Yaradıldığı ilk illərdə 103 sikkədən ibarət kiçik kolleksiyaya malik idi.

Fondun kolleksiyasının əsas hissəsini Azərbaycan Respublikası ərazisində kəsilmiş və tapılmış sikkələr təşkil edir. Bu sikkələr sırasında IX–XVIII əsrlər Azərbaycanın feodal dövlətləri – Şirvanşahlar, Sacilər, Salarilər, Şəddadilər, Аzərbaycan atabəyləri, Qaraqoyunlu, Аğqoyunlu, Səfəvilərə, хanlıqlara məxsus sikkələr xüsusi önəm daşıyır.

Fondda həmçinin antik və Şərq sikkələrindən ibarət kolleksiyalar, qədim Yunanıstan şəhərlərinin, Roma, Bizans imperiyalarının, ellinist dövlətlərinin (Selevkiyа, Parfiyа, Baktriyа), Sasanilər, Ərəb Xilafəti, Səlcuqlar, Elxanilər, Cuçilər, Оsmanlılar, Əfşarlar, Baburilər və s. dövründə zərb olunmuş və Azərbaycan ərazisində tapılan sikkələr saxlanılır. Fondda həmçinin Qərbi Avropa, Rusiya, Hindistan, Çin və s. ölkələrdə kəsilmiş sikkə kolleksiyaları mövcuddur.