Azərbaycan Premyer Liqası 2025/2026 — futbol üzrə Azərbaycan Premyer Liqasının 34-cü mövsümüdür. Əvvəlki mövsümlərdən fərqli olaraq 2025/2026-cı illər mövsümündən legioner limitinin ləğvi qərara alındı və öz ölkəsinin milli komandasının üzvü olub-olmamasından asılı olmayaraq, bütün legionerlərə rüsum tətbiq ediləcək. Həmçinin heyətində yerli futbolçular oynadan klublara xüsusi hesablama metodu ilə bonus ödəniləcək. Bonuslar legioner rüsumundan əldə ediləcək vəsaitdən veriləcək.[1] Bu mövsümdən komanda sayının 10-dan 12-yə artırılması qərara alınıb.[2]
| Azərbaycan Premyer Liqası 2025/2026 | |
|---|---|
.png) | |
| Sezon | 2025/2026 |
| Komanda sayı | 12 |
2025/2026 mövsümündə Azərbaycan Premyer Liqasında 11-ci yeri tutan komanda ilə I Liqada 2-ci pillədə qərarlaşan klub arasında neytral meydanda bir oyunluq pley-off qarşılaşması baş tutacaq. Qalib komanda növbəti mövsümdə Premyer Liqada çıxış etmək hüququ qazanacaq. Sonuncu yeri tutan klub I Liqaya düşəcək, aşağı dəstənin çempionu isə birbaşa Premyer Liqaya vəsiqə əldə edəcək.[3]
Mövsüm öncəsində AFFA-nın Lisenziya Komissiyasının 8 may 2025-ci ildə keçirilmiş iclasında Premyer Liqanın 2025/2026 mövsümünün yarışlarında iştirak etmək üçün "Baku Sportinq", "Difai", "İmişli", "Karvan", "Kəpəz", "Qəbələ", "Səbail" və "Şamaxı" klublarına lisenziya verilib.[4]
- ↑ "Azərbaycan Premyer Liqasında legioner limiti ləğv olunub". Report İnformasiya Agentliyi (az.). 2025-02-03. 2025-02-09 tarixində arxivləşdirilib. İstifadə tarixi: 2025-02-04.
- ↑ "Azərbaycan Premyer Liqasında komanda sayı artırılacaq". Report İnformasiya Agentliyi (az.). 2025-02-03. 2025-02-05 tarixində arxivləşdirilib. İstifadə tarixi: 2025-02-04.
- ↑ "2025/2026 mövsümündə Azərbaycan Premyer Liqası uğrunda pley-off oyunu olacaq". Report İnformasiya Agentliyi (az.). 2025-02-19. 2025-02-20 tarixində arxivləşdirilib. İstifadə tarixi: 2025-02-19.
- ↑ "AFFA-nın Lisenziya Komissiyası "Qəbələ", "İmişli" və "Karvan"ın Premyer Liqada iştirakına rəsmən icazə verib". Report İnformasiya Agentliyi (az.). 2025-05-08. İstifadə tarixi: 2025-05-08.