Azərbaycan Ordusu (qəzet)

Azərbaycan Ordusu (qəzet) — Azərbaycan Respublikası yenidən müstəqillik əldə etdikdən sonra ilk hərbi mətbuat orqanı kimi "Xalq Ordusu" adlanan qəzetin birinci nömrəsi 1992-ci ilin fevral ayının 11-də çap olunmağa başlayıb.

Azərbaycan Ordusu
Növ	hərbi qəzet
Format	A 3
Sahibi	Azərbaycan Müdafiə Nazirliyi
Yazıçılar	kapitan Orxan Hüseynli, kapitan Günay Tağıyeva, baş leytenant Fuad Cəfərov, baş leytenant Mahmud Möhbalıyev, baş leytenant Oruc Mustafayev, baş leytenant İbrahim Məmmədbəyov, leytenant Elvin Vətəndust, Əməkdar jurnalist Rəşid Hüseynov, Lalə Hüseynova, Vahid Məhərrəmov, Bəxtiyar Əliyev, Mübariz Musayev, Hüsniyyə İdrisova.
Yaranma tarixi	1992
Siyasi mənsubiyyət	müstəqil
Dil	azərbaycanca
Səhifə	8
Ünvan	Bakı şəh. Akademik Şəfaət Mehdiyeva küç. 144,"Qızıl Şərq" hərbi şəhərciyi
Ölkə	Azərbaycan
Azərbaycan Ordusu qəzeti

İlk hərbi qəzet getdikcə genişlənən Qarabağ müharibəsini, o cümlədən cəbhədə baş verən hadisələri işıqlandırmağa və düşmənə qarşı döyüş ruhunu yüksəltməyə yardımçı olmağa çalışırdı.

Qəzetin mövcud olduğu illərdə ordunun həyatında baş vermiş əksər hadisələr, o cümlədən Azərbaycan Silahlı Qüvvələrinin daha da inkişaf etdirilməsi, müasir silah və texnika ilə təmin edilərək döyüş qabiliyyətinin yüksəldilməsi və şəxsi heyətin bilik və bacarıqlarının artırılması məqsədilə Azərbaycan Respublikası Prezidenti – Silahlı Qüvvələrin Ali Baş Komandanlarının göstərdiyi diqqət və qayğı, eyni zamanda A. R. Müdafiə Nazirliyinin rəhbərliyinin fəaliyyəti qəzetin səhifələrində öz əksini tapmışdır.